San Lucas 2:10 - Zapoteco de Chichicapan

¹⁰ chiꞌchi rahbi aanjla chi loh raꞌ ba: ―Ayi guidxyihbi tu, laasii naꞌh zeꞌldaneꞌhn tuhbi dxyiꞌdxyi zaꞌca para laꞌh tu, ya cun dxyiꞌdxyi raꞌ riiꞌ ziahxi garaatiiꞌ bwiinn,

San Lucas 2:10 Iomraidhean Croise

San Mateo 14:27

Ya chiꞌchi rahbi Jesuhs loh raꞌ ba: ―¡Gulgadiꞌhi balori stoꞌ tu; naꞌh gahcan, ayi guidxyihbi tu!

San Mateo 28:18

ya chiꞌchi gwabiiga Jesuhs loh raꞌ ba tin rahbi Ñiꞌh loh raꞌ ba: ―Naꞌh lanaꞌpaa garaatiiꞌ guelrnabwaꞌ llaaꞌndxibaaꞌ cun loh guidxyiyuh,

San Mateo 28:5

ya chiꞌchi guñiꞌ aanjla chi loh raꞌ gunnaꞌh chi rahbi ba: ―Ayi guidxyihbi tu, naꞌh laꞌn guhcabwaꞌ rii gadxiꞌhyi tu laꞌh Jesuhs, nin guhchi loh cruhzi.

San Marcos 1:15

rahbi Ñiꞌh loh raꞌ bwiinn: ―Laꞌh dxyih nin bacaꞌhbwaꞌ Dxiohs badzihn, pronta guinabwaꞌ Ñiꞌh, niꞌchin gulgasaguuꞌdzi stoꞌ tu pur xtuhlda tu, ya gulchechiistoꞌ tu xchiꞌdxyi Dxiohs nin gutaꞌh laꞌh tu loh duhlda.

San Marcos 16:15

chiꞌchi rahbi Ñiꞌh loh raꞌ ba: ―Gulcheh gaduhbitiiꞌ loh guidxyiyuh, tin gulcheh galuuꞌyi xchiꞌdxyi Dxiohs nin guhldaꞌh laꞌh raꞌ bwiinn loh duhlda.

San Lucas 1:13

Chiꞌchi guñiꞌ aanjla chi, rahbi ba loh ba: ―Zacarías, ayi guidxyihbi luꞌh, laasii garaa dxyiꞌdxyi nin gudxiꞌhn-gunaaba luꞌh loh Dxiohs bihnn Ñiꞌhn, laꞌlliiꞌn cheꞌhla luꞌh chuuꞌ ya chin gaalaa bi cweꞌhelah luꞌh bi Jwahn,

San Lucas 1:19

Chiꞌchi rahbi aanjla chi loh ba: ―Naꞌh naan aanjla Gabriel, nuuꞌuhn loh Dxiohs. Yannah guxeꞌhla Dxiohs naꞌh zeꞌldaneꞌhn tuhbi dxyiꞌdxyi zaꞌca loh luꞌh.

San Lucas 1:30

Chiꞌchi rahbi lagaꞌh aanjla chi loh bi: ―Ayi guidxyihbi luꞌh María, Dxiohs gulii yiꞌh zuhnn Ñiꞌh compahñu yiꞌh.

San Lucas 2:11

laasii nnadxyih guulaa tuhbi badoꞌ loh guihdxyi xteenn guehtu Davihd ya badoꞌ chi zeꞌgataꞌh laꞌh tu loh duhlda ya laꞌh Ñiꞌh naa Crixtu nin naa Daada.

San Lucas 24:47

ya zidiꞌchi dxyiꞌdxyi xcweenta ziga guhldaꞌh Jesucristu laꞌh raꞌ bwiinn loh duhlda chin chechiistoꞌ raꞌ ba xchiꞌdxyi Ñiꞌh, ya mweru guihdxyi Jerusalehn zoꞌbalohon, bachiꞌh zezahan para gaduhbi guidxyiyuh.

San Lucas 8:1

Ya chin guhca deeꞌ, gucaꞌnzaa Jesuhs ziahan guihdxyi cun rraandxu raꞌ batiꞌchi Ñiꞌh xchiꞌdxyi Dxiohs tin chuꞌtii raꞌ bwiinn loh xquelñaꞌñih Dxiohs, nee cun tsiꞌh bichiohpaza xpwiinn Ñiꞌh caꞌnzanee Ñiꞌh,

Hechos 13:32

Nnah laꞌhnu zoꞌpanee nu xchiꞌdxyi Jesucristu riiꞌ loh tu tin dxiahxi stoꞌ tu. Laꞌh Dxiohs bazaꞌloh Ñiꞌh dxyiꞌdxyi raꞌ nin guñiꞌ ñiꞌ loh raꞌ guehtu xtatita roo raꞌ nuꞌh.

Romanos 10:15

nee ¿xa chegaluuꞌyi raꞌ ba xchiꞌdxyi Ñiꞌh sidela ayi chyu guixeꞌhla laꞌh raꞌ ba? Ziga caa loh Xchihtsi Dxiohs rñiꞌ squiiꞌ: “¡Lliꞌballaa chuhla naa radzihn raꞌ bwiinn raꞌ nin zeegaluuꞌyi xchiꞌdxyi Dxiohs nin rbahchidxyii stoꞌ bwiinn nee ruluuꞌyi za raꞌ ba xchiꞌdxyi zaꞌca Dxiohs!”

Efesios 3:8

nee nicala naan llihguiꞌhntiiꞌ loh garaa raꞌ xpwiinn Dxiohs, naꞌh naan nin baniꞌhi Ñiꞌh guelrahcanee xteenn Ñiꞌh tin guluꞌyiꞌhn xchiꞌdxyi Ñiꞌh loh raꞌ bwiinn nin ayi naa raꞌ bwiinn Israel tin gacabwaꞌ raꞌ ba balaaca chiꞌh lasahca nin nahpa Jesucristu para laꞌhnuꞌh,

Colosenses 1:23

per ziga rluuꞌyi cweenta riiꞌ nahpaa cheezah dziꞌtsi tu loh xchiꞌdxyi Dxiohs zigazi zohbaa tuhbi yuuꞌ nin rgaꞌha rahca loh tuhbi simieentu dziꞌtsi tin ziꞌchi ayi chuu dxyih nin gusaaꞌn tu xcweenta cohsa zaꞌca nin naannloh tu zicaꞌha tu laasii cohsa chi bihnn tun pur xcweenta xchiꞌdxyi Dxiohs, laasii dxyiꞌdxyi raꞌ riiꞌ ziahan duxa raꞌ la lahta laꞌn bidiꞌchi la loh gaduhbi guidxyiyuh, ya naꞌh Pahblu bibwiꞌhihn tin ruꞌnnahn cumpahñu cagaluꞌyiꞌhn xchiꞌdxyi Dxiohs laꞌh raꞌ bwiinn.