San Lucas 18:7 - Zapoteco de Chichicapan

⁷ Ya Dxiohs, ganaalla dziꞌn zaꞌca ruhnn Ñiꞌh. Sidela ziꞌchi ruhnn Ñiꞌh, ¿caxdxiaꞌn ayi gacanee Ñiꞌh laꞌh raꞌ bwiinn nin gulii Ñiꞌh cun nin nadziiꞌhi Ñiꞌh sidela dxyih-nagueꞌla rnaaba raꞌ ba loh Ñiꞌh guunn Ñiꞌh guelguxchiisi para laꞌh raꞌ ba?

San Lucas 18:7 Iomraidhean Croise

San Mateo 24:22

Ya sidela laꞌh Dxiohs ayi guchyuuꞌga Ñiꞌh yihca raꞌ dxyih chi, ayi chyu bwiinn taꞌhtiiꞌ; per zuchyuuꞌga Ñiꞌh yihca raꞌ dxyih chi pur bwiinn raꞌ nin gulii Ñiꞌh gaca xpwiinn Ñiꞌh.

San Mateo 24:24

laasii dxiꞌ ziahan raꞌ bwiinn nin gusaguiꞌhi laꞌh raꞌ bwiinn nee guunn raꞌ ba tiidxi raꞌ ba ziga Crixtu nee guunn za raꞌ ba sehn raꞌ cun dziꞌn rooꞌ raꞌ tin ziꞌchi zusaguiꞌhi raꞌ ba laꞌh raꞌ bwiinn, pwehda hasta nee raꞌ bwiinn nin gulii Dxiohs guiclaaꞌdzi raꞌ ba gusaguiꞌhi raꞌ ba, per ayi guunn raꞌ ba gahn.

San Mateo 7:11

Pwihsi laꞌh tu nicala naa tu bwiinn nadxaaba raꞌ per naann tu xa gudiꞌhi tu cohsa zaꞌca laꞌh raꞌ lliiꞌn tu; ¡xi laꞌhxchiꞌh Xtaada tu nin nuu dxibaaꞌ ayi dxiaꞌhan gudiꞌhi Ñiꞌh cohsa zaꞌca laꞌh raꞌ bwiinn nin guinaaban loh Ñiꞌh!

San Lucas 11:13

Ya sidela laꞌh tu nin naa bwiinn duhlda rahca rudiꞌhi tu cohsa zaꞌca lliiꞌn tu, ¿xilaꞌhxchiꞌh Xtaada tu nin nuu dxibaaꞌ ayi dxiaꞌhan gudiꞌhi Ñiꞌh Spíritu Saantu laꞌh raꞌ bwiinn nin rnaaba Ñiꞌh ya zibweezaza Ñiꞌh stoꞌ raꞌ ba?

San Lucas 2:37

Naa ba tuhbi gunnaꞌhviuhda nin nuu ochenta y cuatro yihza, ayi bariaꞌtiiꞌ ba laꞌn guidoꞌ. Dxyih-nagueꞌla gudihdxyi-gunaaba ba gacanee Dxiohs laꞌh ba, nee ziahanza bweelta bacwaaꞌhan ba ayi gudahw ba tin gudihdxyi-gunaaba ba loh Dxiohs.

San Lucas 21:28

Chin saꞌloh gaca raꞌ cohsa raꞌ riiꞌ, ayi guidxyihbi tu; gulcwihsi, gulguiaꞌha nez guiyaꞌ tin lwehgusi gadzihn dxyih nin guziꞌlaaꞌdzi tu, taꞌh tu loh duhlda.

Romanos 8:33

¿Chyuu niꞌca gudziiꞌba duhlda yihca raꞌ bwiinn nin gulii Dxiohs? Dxiohs gahca bwiꞌhnn tin bariaꞌcaa nuꞌh bwiinn nayaa nezloh Ñiꞌh.

Colosenses 3:12

Pwihsi Dxiohs nadziiꞌhi Ñiꞌh laꞌhtu nee gulii Ñiꞌh laꞌhtu tin gaca tu xpwiinn Ñiꞌh. Pwihsi niꞌchin gulguibahan ziga xclaaꞌdzi Dxiohs; gulgalahsastoꞌ tu lasaaꞌ tu, ayi gaca tu bwiinn nadxyiꞌchi, nee gulgahpaa mohda nadoꞌlaaꞌdzi cun gulgahca bwiinn nin nayuuldastoꞌ ñiꞌh nee gulgahpaa zirooꞌ paseensi laꞌh bwiinn lasaaꞌ tu cun cuun chiꞌhzi cohsa nin xclaaꞌdzi raꞌba guunnee raꞌba o guinaaba raꞌba loh tu.

1 Tesalonicenses 3:10

Dxyih-nagueꞌla rnaaba nu loh Dxiohs tin gacanee Ñiꞌh laꞌh nu tin dxioꞌpadiaꞌha nu cuun tu tin galuuꞌyi nu laꞌh tu garaa dxyiꞌdxyi raꞌ nin cayaꞌdxi tu loh xchiꞌdxyi Dxiohs nin riachiistoꞌ tu.

2 Tesalonicenses 1:6

Laasii nuu Dxiohs lligaaba zalda chiilli raꞌ bwiinn raꞌ nin basaꞌcazii laꞌh tu xtuhlda raꞌ ba, niꞌchin nin zusagwaꞌha Dxiohs laꞌh raꞌ ba guelrzaꞌcazii,

1 Timoteo 5:5

Ya gunnaꞌh nin guchii biaꞌhan biuhda nin ba biaꞌhan tuhsi ñiꞌh bwiinn chi sola radxiꞌsi ba laꞌh Dxiohs tin gudiꞌhi Ñiꞌh xi gahw ba nee dxyih-nagueꞌla rbwihdxi-rnaaba ba loh Ñiꞌh,

2 Timoteo 1:3

Chin riagannastoꞌn yiꞌh chin rbwiidxyi-rnaꞌbaꞌhn loh Dxiohs, dxyih-nagueꞌla rudiꞌhihn guelzuxchiilli loh Dxiohs, nin cayuꞌnnahn xtsiꞌn Ñiꞌh gaduhbi xigaaba nayaaꞌhahn nin nuuꞌhuhn loh Ñiꞌh, ziga gahca nin bwiꞌhnn raꞌ guehtu xtatita raꞌn.

2 Timoteo 2:10

Pwihsi niꞌchin cazaꞌcaziin tin gacanee raꞌn bwiinn raꞌ nin gulii Dxiohs tin neezaa raꞌ ba chechiistoꞌ raꞌ ba xchiꞌdxyi Ñiꞌh tin guibahan raꞌ ba loh llaꞌñih xteenn Jesucristu para tuꞌpazi.

Tito 1:1

Naꞌh Pahblu, naan xmooza Dxiohs nee pooxtla xteenn Jesucristu; laꞌh Ñiꞌh guluuꞌnehza naꞌh tin gacaneꞌhn chioo ru guelriachiistoꞌ xteenn bwiinn nin gulii Dxiohs chechii stoꞌ xchiꞌdxyi Ñiꞌh, tin gacabwaꞌ raꞌ ba xcweenta dxyiꞌdxyi nanchii nin rusiaa laꞌh raꞌ bwiinn loh duhlda,

1 Pedro 1:1

Naꞌh Pehdru, naan tuhbi pooxtla xteenn Jesucristu; cagacaꞌhn dxihtsi riiꞌ loh raꞌ bwiinn nin gulii Dxiohs gaca raꞌ xpwiinn Ñiꞌh ziga bwiinn raꞌ nin riidiꞌchi raꞌ nez loh guihdxyi Pontu, nez Galacia, nez Capadocia, nez Asia, neezaa loh guihdxyi Bitinia.

2 Pedro 3:9

Dxiohs ayi cayahcanagahn dxiꞌh para guzaꞌloh xchiꞌdxyi Ñiꞌh ziga ruhnn nuu raꞌ bwiinn lligaaba, sino que paseensi si cayahpa Ñiꞌh laꞌh raꞌ nuꞌh, laasii ayi xclaaꞌdzi Ñiꞌh nin tuhbi bwiinn ñichiloh sino que garaa raꞌ ba guzee raꞌ ba para dxibaaꞌ.

Apocalipsis 18:20

Per biahxi xcweenta guihdxyi ca; yiꞌh dxibaaꞌ, laꞌhtu nin naa raꞌ xpwiinn Dxiohs, laꞌhtu xpooxtla xteenn Ñiꞌh, cun bwiinn raꞌ nin baluuꞌyi xchiꞌdxyi Ñiꞌh desde galohtiiꞌyi; laasii laꞌh Dxiohs bwiꞌhnn guelguxchisi loh guihdxyi ca tin gudxihllin garaa nin cagasaꞌcazii guihdxyica laꞌhtu.

Apocalipsis 6:10

Bwiinn raꞌ riiꞌ cañiꞌ raꞌ ba jweersi rooꞌ rahbi raꞌ ba: ―Daada Dxiohs nin naa saantu cun nin naa guchii paꞌh, ¿cuucayi chaꞌloh guunn Yuꞌbiluꞌh guelguxchisi tin chiilli raꞌ bwiinn guidxyiyuh xcweenta nin gudxiinn raꞌ ba laꞌh nu?

Apocalipsis 7:15

Niꞌchin nin zuu raꞌ ba hasta zuu xahgaxiiyi Dxiohs, ya riiyuhnn raꞌ ba xtsiꞌn Ñiꞌh dxyih-nagueꞌla; niꞌchin Daada nin nahpa guelrnabwaꞌ nin zohba loh yahgaxiiyi rooꞌ zahcanee Ñiꞌh laꞌh garaa raꞌ bwiinn nin rii nez loh Ñiꞌh.