San Lucas 17:1 - Zapoteco de Chichicapan

¹ Rahbi Jesuhs loh raꞌ xpwiinn Ñiꞌh: ―Nahpa nuu cohsa raꞌ nin ruhnn pur riuuꞌ xtuhlda raꞌ bwiinn, per prohbiza bwiinn nin rguꞌtii laꞌh raꞌ bwiinn loh duhlda.

San Lucas 17:1 Iomraidhean Croise

San Mateo 16:23

Ya chiꞌchi gubiaꞌgarii Jesuhs rahbi Ñiꞌh loh Pehdru: ―¡Biriaꞌcaa loon bwiinndxaaba!, laasii rusiin luꞌh naꞌh loh lligaaba dxaaba, laasii yiꞌh ayi nuu luꞌh xigaaba Dxiohs laꞌlaꞌgaꞌh xigaaba bwiinn guidxyiyuh ruhnn luꞌh.

San Mateo 18:7

¡Gulguiaꞌhagah laꞌh tu bwiinn guidxyiyuh, laasii nuu nin rusiaaba laꞌh bwiinn loh duhlda! Nee Ayi dxiaꞌdxi nin guunn ziꞌca, per ¡prohbi za laꞌh bwiinn nin guunn pur chuu xtuhlda snuhn raꞌ bwiinn!

San Lucas 16:31

Per Abrahn rahbi: “Per sidela ayi guzoꞌbadxiahga raꞌ ba xchiꞌdxyi Moisehs neezaa xchiꞌdxyi daada raꞌ nin guñiꞌ xchiꞌdxyi Dxiohs, ¿xilaꞌhxchiꞌh tuhbi bwiinn nin guhchi chechiistoꞌ raꞌ ba?”

Romanos 14:13

Pwihsi niꞌchin ayi chyu guiñiꞌyah ru xcweenta raꞌ lasaaꞌ raꞌ nuꞌh. Mas chaꞌyi guidiꞌhnn nuꞌh lligaaba lastoꞌ nuꞌh ayi chyu chiꞌhyi nez dxiaaba raꞌ lasaaꞌ raꞌ nuꞌh loh duhlda.

Romanos 16:17

Bwiitsi raꞌn, rnaꞌbaduuxaꞌhn loh tu gulgahcanasiin cun xcweenta raꞌ bwiinn raꞌ nin rusiahchistoꞌ raꞌ bwiinn, tin guilaaꞌha lasaaꞌ raꞌ ba. Pwihsi bwiinn raꞌ squiiꞌ rwaꞌhadxaaba raꞌ ba loh guelruluuꞌyi xteenn Dxiohs nin zezahnee tu, niꞌchin mahzi chaꞌyi gulguiriaꞌcaa loh raꞌ bwiinn raꞌ squiiꞌ,

1 Corintios 10:32

nee ayi za gucheꞌh tu nin laꞌh raꞌ bwiinn Israel raꞌ, nee nin laꞌh raꞌ za bwiinn raꞌ nin ayi naa raꞌ bwiinn Israel, nee nin laꞌh raꞌ za bwiinn nin naa raꞌ xpwiinn xquidoꞌ Dxiohs.

1 Corintios 11:19

Per naꞌnnahn nahpa gaca ziꞌca tin gacabwaꞌ tu chyu niꞌca raꞌ nin rucaꞌhpaꞌh stoꞌ raꞌ ñiꞌh laꞌh Dxiohs, chyu niꞌca raꞌ paꞌh lasahca ru loh xtsiꞌn Dxiohs.

1 Corintios 8:13

Pwihsi niꞌchin, sidela naꞌh guꞌnnahn dxiaaba bwiꞌtsihn loh duhlda pur xcweenta nin raawuhn, mahzi bwen ru naꞌh ayi gaawuhn stuhbi guelwahw nin guunn dxiaaba bwiꞌtsihn loh duhlda.

1 Timoteo 4:1

LaꞌSpíritu Saantu guñiꞌ chin gueꞌdu gadzihn dxyih nin guibiaꞌgarii Jesucristu, chuu raꞌ bwiinn nin cweꞌhecaa xchiꞌdxyi Dxiohs, ya chenaꞌhla raꞌ ba xchiꞌdxyi spíritu raꞌ nin rusaguiꞌhi cun neezaa chenaꞌhla raꞌ ba garaa dxyiꞌdxyi nin ruluuꞌyi bwiinndxaaba.

Apocalipsis 2:14

per guyuuꞌ chiohpa-choon xtuhlda tu: loh tu dxaꞌga raꞌ bwiinn raꞌ nin ruhnn ziga bwiꞌhnn guehtu Balaam ba guhca cadxyih rooꞌ; laꞌh ba basiꞌdxi ba laꞌh guehtu Balac xa guunn ba tin dxiaaba raꞌ bwiinn Israel loh duhlda, baluuꞌyi ba laꞌh raꞌ bwiinn Israel tin gahw raꞌ ba cohsa raꞌ nin badiꞌhi guhn raꞌ ba nez loh dxaan, nee basiꞌdxi za ba laꞌh raꞌ bwiinn Israel guidxaꞌga raꞌ ba chyu chiꞌh zi gunnaꞌh.

Apocalipsis 2:20

per nuu tuhbi guelchiah nin rdxiꞌchihn pur laꞌh tu; laasii rcahbi tu riuuꞌ tu loh tuhbi gunnaꞌh nin laa Jezabel. Laꞌh ba rñiꞌ si ba naa ba tuhbi profehta, gunnaꞌh nin rñiꞌ xchiꞌdxyi Dxiohs, ya pur nin ruluuꞌyi ba rusaguiꞌhi zi ba laꞌh raꞌ xpwiiꞌnnraꞌn tin rzaꞌbi raꞌ ba loh raꞌ dziꞌn gubwihlli nee tin rahw za raꞌ ba cohsa raꞌ nin rbwih loh dxaan.