San Lucas 11:9 - Zapoteco de Chichicapan

⁹ Ziꞌchi gahcaza ñaan loh tu: sidela chezah canaaba tu xiilla, zicaꞌha tun; sidela chezah cachiꞌhyi tu xiila zidxeela tun; sidela chezah cagasihdzi tu rwaaꞌ xleeꞌ bwiinn zixaala raꞌ ban chuꞌtii tun,

San Lucas 11:9 Iomraidhean Croise

San Mateo 21:22

ya garaa raꞌ nin guinaaba tu loh Dxiohs chin cwidxyi-guinaaba tu Ñiꞌh, gaduhbi stoꞌ tu gulchechii stoꞌ tu, tin ziꞌchi zicaꞌha tu nin guinaaba tu.

San Mateo 21:31

Ya loh garoopa bi, ¿cuun tuhbi bi nin bazoꞌbadxiahga xchiꞌdxyi xpaah raꞌ bi? Chiꞌchi rahbi raꞌ ba: ―Nin mwer guñiꞌ ba loh ñiꞌh. Ya chiꞌchi rahbi Jesuhs loh raꞌ ba: ―Guchiin nin rñiꞌn loh tu, laꞌh raꞌ bwiinn raꞌ nin ruteesa xmweeyi Roma cun gunnaꞌh dxaaba raꞌ laꞌguñiidxiuu raꞌ guyuuꞌtii loh guelrnabwaꞌ xteenn Dxiohs que laꞌh tu,

San Mateo 6:29

Pwihsi rñiꞌn loh tu nin rrehyi Salomohn nicala ziahan rooꞌ guelnazaꞌca raꞌ nin guhpa ba, nicala guhta ba lahdxi zaꞌca per ayi guhldaa ñiñah xahba ba ziga paꞌh dxiaꞌ raꞌ riiꞌ.

San Marcos 11:24

Niꞌchin nin rñiꞌn loh tu sidela xiilla guinaaba tu loh Dxiohs, zuniꞌhi Ñiꞌhn, niꞌchin nin gulchechiistoꞌ tu laꞌh Ñiꞌh.

San Marcos 13:37

Nin rñiꞌn loh tu cañiꞌn loh garaatiiꞌ tu; ¡gulcwih nasiin para hohra chi!

San Lucas 11:10

laasii chyuchiꞌhzi nin riazah rdxiꞌhn xiilla rdiꞌhi raꞌ bwiinnan; nee chyuchiꞌhziza nin riazah cadxiꞌhyi xiilla rdxeela ban; nee neezaa chyuchiꞌhziza nin riazah cagasihdzi rwaaꞌ leeꞌ, nahpa guireꞌh nin guixaalan tin chuꞌtii ban.

San Juan 14:13

Ya garaa nin guinaaba tu pur laan, naꞌh zuniꞌhiñin laꞌh tu tin ziꞌchi gaca lasahca lah Xtaaꞌdahn pur Lliiꞌn Ñiꞌh.

San Juan 15:16

Ayi laꞌh dxiꞌh tu gulii tu naꞌh sino que naꞌh guliin laꞌh tu nee rñiꞌn loh tu nahpa chee tu tin guunn duxa tu xtsiꞌn Xtaaꞌdahn, nee ayi ñichiloh dziꞌn chi, ya ziꞌchi zuniꞌhi Xtaaꞌdahn garaa nin guinaaba tu pur laan.

San Juan 15:7

’Ya sidela laꞌh tu dxiaꞌhannee tu naꞌh gaduhbistoꞌ tu, nee sidela chuu paꞌca tu chaꞌzi tu xchiꞌdxyiꞌhn, gulguinaaba nin chiꞌh zi xclaaꞌdzi tu nee zicaꞌha tun.

San Juan 4:10

Chiꞌchi rahbi Jesuhs loh gunnaꞌh chi: ―Sidela yiꞌh gacabwaꞌ luꞌh xa naa guelralahsa stoꞌ xteenn Dxiohs nee chyu naa nin canaaba ñihsa loh luꞌh, yiꞌh guinaaba luꞌh loh ba ya laꞌh ba zuniꞌhi ba ñihsa nabahan guee luꞌh.

Romanos 2:7

Ya laꞌh raꞌ bwiinn raꞌ nin radxiꞌhyi raꞌ loh xquelñaꞌñih Dxiohs cun guelnabahan nacuubi, nee guziꞌguehlda za raꞌ ba guibahan zaꞌca raꞌ ba gaduhbi lagaꞌtiiꞌ; bwiinn raꞌ chi zudiꞌhi Ñiꞌh guelnabahan nacuubi;

2 Corintios 6:2

laasii squiiꞌ rñiꞌ loh xchiꞌdxyi Dxiohs: Dxyih nin bwiꞌhnnaꞌhn lligaaba balahsa stoꞌn laꞌhtu, bacaꞌdxiaagahn xchiꞌdxyi tu nin gunaaba tu loon; ya dxyih nin guyahpitii xtuhlda tu, bwiꞌhnnaꞌhn cumpahñu laꞌhtu. ¡Guldxihn dxyiꞌdxyi! Nnah naa tuhbi dxyih nin galahsa stoꞌ Dxiohs laꞌhnuꞌh; nnah naa tuhbi dxyih nin gusiaꞌpitii Ñiꞌh xtuhlda tu.

Hebreos 11:6

Pwihsi ayi nuu cuꞌnasaa luꞌh stoꞌ Dxiohs sidela ayi riachiistoꞌ luꞌh xchiꞌdxyi Ñiꞌh, laasii ziga chebiiga luꞌh loh Dxiohs nahpa chechiistoꞌ luꞌh nuu Dxiohs nee zudiꞌhi Ñiꞌh cohsa zaꞌca laꞌh raꞌ bwiinn raꞌ nin gadxiꞌhyi laꞌh Ñiꞌh.

Hebreos 4:16

Niꞌchin ayi chyu guidxyihbi gachibwihdxyi-gachinaaba nuꞌh loh Xchiohs nuꞌh nin nadziiꞌhi laꞌh nuꞌh tin galahsastoꞌ Ñiꞌh laꞌh nuꞌh nee gacanee Ñiꞌh laꞌh nuꞌh chin guichiꞌhn nuꞌh Ñiꞌh.

Santiago 1:5

Sibweela chyu tuhbi tu riaꞌdxi ziga guelnaann xteenn Dxiohs, gulguinaaban loh Dxiohs; laꞌh Ñiꞌh guniꞌhi Ñiꞌhn laꞌhtu laasii laꞌh Ñiꞌh naa nin runiꞌhi garaatiiꞌ xiica raꞌ laꞌhnuꞌh nee ayi rusiaꞌhan Ñiꞌh laꞌhnuꞌh loh nin tuhbi xtuhyi,

Santiago 5:15

nee laꞌhtu bwiinn raꞌ nin cwiidxyi-guinaaba loh Dxiohs pur laꞌh bwiinn nin rahcalluꞌhu, gulchechii za stoꞌ tu tin para dxiaaca bwiinn nin rahcalluꞌhu; ya ziꞌchi zuteesa Dxiohs laꞌh ba loh gueldxyihdxyi, ya sidela nuu xi xtuhlda ba zuhnn Ñiꞌh pardohn xtuhlda ba chi.

1 Juan 3:22

Ya ziga chin chyu guinaaba loh Ñiꞌh xilla, zuniꞌhi Ñiꞌhn laꞌhnuꞌh, laasii razoꞌbadxiahga nuꞌh xcweenta xchiꞌdxyi Ñiꞌh, nee rachidiꞌhnn nuꞌh ziga nin rusiaꞌhan guelnasaa stoꞌ Ñiꞌh.

Apocalipsis 2:24

Per laꞌh tu garaa raꞌ ru nin nuu loh guihdxyi Tiatira, nin raꞌ ayi zeezah loh dxyiꞌdxyi nin ruluuꞌyi Jezabel nee nin ayi za nuꞌnbwaꞌ tu nin rñiꞌ raꞌ ba naa dxyiꞌdxyi ralaꞌn xteenn bwiinndxaaba, naꞌh nin stuhbi dziꞌn ayi rudziꞌbaꞌhn yihca nin naa tuhbi dxiꞌh xtsiꞌn tu.