San Lucas 11:4 - Zapoteco de Chichicapan

⁴ gusiaꞌpitii gahca luꞌh xtuhlda nu nin rachiguꞌtii nu loh yuꞌbiluꞌh, ziga naguuꞌdzistoꞌ nu cun nin ruñihchi loh nu. Neen ayi gusaaꞌn luꞌh coꞌbañuh bwiinndxaaba laꞌh nu chin guiclaaꞌdzi ba sino que guhldaꞌh luꞌh laꞌh nu loh ba.

San Lucas 11:4 Iomraidhean Croise

San Mateo 18:35

Chiꞌchi rahbi Jesuhs: ―Ziꞌchi za guunnee Xtaaꞌdahn nin nuu dxibaaꞌ laꞌh tu sidela laꞌh cada tuhbigah tu ayi gusiaꞌldastoꞌ tu xtuhlda raꞌ bwihtsi tu, per desde laꞌn lastoꞌ tu.

San Mateo 26:41

Gulchestii tin gulguinaaba loh Dxiohs tin ayi gusaguiꞌhi bwiinndxaaba laꞌh tu; spíritu tu zirooꞌ nadaꞌhnan, per bweꞌltihxi tu casiꞌnaaꞌduxan.

San Lucas 11:5

Cun neezaa rahbi Jesuhs loh raꞌ ba: ―Sidela chyuulla tuhbi tu nahpa tuhbi amihgu ya gadzihn ba yihdzi tu garoolda gueꞌla, nnah ba loh tu: “¿Tayi cweꞌhedxiꞌhn luꞌh chohnna pahn naꞌh,

San Lucas 13:4

Ya xcweenta tsiꞌñu bichohnna bwiinn raꞌ nin guhchi chin gubihxi torre nin laa Siloeh yihca raꞌ ba, ¿ta ruhnn tu lligaaba guyuuꞌru xtuhlda raꞌ ba que bwiinn nin rii guihdxyi Jerusalehn?

San Lucas 22:46

chiꞌchi rahbi Jesuhs loh raꞌ ba: ―¿Xixnaa naꞌxgahsi tu? Gulchestii gulguinaaba loh Dxiohs tin ayi gusaguiꞌhi bwiinndxaaba laꞌh tu.

San Lucas 8:13

Ya biñih nin biaaba lahda dxiah hasta nuu gulliaꞌ yuh, niꞌchi naa ziga bwiinn nin bacaꞌdxiahga xchiꞌdxyi Dxiohs, gucaꞌha raꞌ ban cun guuxta zezahnee raꞌ ban paaldaa dxyih. Ya chin rzahcazii raꞌ ba saca rianaꞌhla raꞌ ba dxyiꞌdxyi chi, mejor rbweꞌhehestoꞌ raꞌ ban laasii ayi nahpa raꞌ ba dulbaaꞌ chaꞌyi.

San Juan 17:15

Ayi rnaꞌbaꞌhn loh yuꞌbiluꞌh gabweꞌhe luꞌh ba loh guidxyiyuh, sino que gulaloh raꞌ luꞌh laꞌh raꞌ ba loh bwiinndxaaba.

1 Corintios 10:13

Pwihsi ziga guelrzaꞌcazii raꞌ nin nugatiꞌdxiloh tu naan laꞌhgahca guelrzaꞌcazii nin cagatiꞌdxiloh raꞌ la garaa raꞌ lasaaꞌ tu loh Jesucristu. Per ayi cweꞌhe stoꞌ Dxiohs laꞌh tu nee ayi za gusaaꞌn Ñiꞌh sacazii ru tu loh nin zahca guunn tu waanta, tin loh raꞌ guelrzaꞌcazii nin dxieꞌdxiahlda raꞌ guunn Ñiꞌh cumpahñu laꞌhtu xa taꞌh tu loh raꞌ guelrzaꞌcazii raꞌ chi.

Colosenses 3:13

Pwihsi ziꞌchi gulguiꞌhnn nasiin lastoꞌ tu ayi guidxyiꞌchinee tu lasaaꞌ tu sidela xalla rdiiꞌdxisuu dxyiꞌdxyi gulgasiaꞌldastoꞌ nin ruñihchi loh tu zigaza basiaꞌlda za stoꞌ Daada Jesucristu xtuhlda tu pwihsi ziꞌchi gulguiꞌhnn za cun nin ruñihchi loh tu,

2 Tesalonicenses 3:3

Dxiohs nahpa rzohba xchiꞌdxyi Ñiꞌh, pwihsi laꞌh Ñiꞌh guzuhdziꞌtsi laꞌh tu cun zahpa za Ñiꞌh laꞌh tu tin ayi dxiaaba tu laꞌn naa nin nadxaaba.

2 Timoteo 4:18

nee zutaꞌh Ñiꞌh naꞌh loh garaa raꞌ duhlda, zahpadziꞌtsi Ñiꞌh naꞌh, cun ziguꞌchaꞌyi Ñiꞌh naꞌh tin chuꞌnee Ñiꞌh naꞌh loh xquelrnabwaꞌ Ñiꞌh llaaꞌndxibaaꞌ. Lah si Ñiꞌh chuu guiñiꞌ zaꞌca raꞌ bwiinn para tuꞌpazi. Ziꞌchi gaca pwihsi.

Santiago 2:13

ya ziga bwiinn raꞌ nin ayi balahsa stoꞌ raꞌ ñiꞌh lasaaꞌ raꞌ ñiꞌh, bwiinn chi chin tiidxi za ba loh guelguxchisi xteenn Dxiohs ayi za galahsa stoꞌ Ñiꞌh laꞌh ba; per ziga bwiinn nin balahsa stoꞌ ñiꞌh laꞌh stuhbi bwiinn lasaaꞌ ba, bwiinn chi zwaꞌha zaꞌca Dxiohs loh ba hohra nin gaca jwiisi.

Apocalipsis 2:10

Ayi guidxyihbi tu loh xcweenta guelrzaꞌcazii nin laꞌh guhlda gutiꞌdxiloh tu, laasii laꞌh bwiinndxaaba gusieꞌw paaldaa tu laꞌn lahtsidxiꞌba, tin gacabwaꞌ ba guiduꞌhun ta guchii tu gwachiistoꞌ tu xchiꞌdxyiꞌhn, ya zutiꞌdxiloh tu guelrzaꞌcazii tsiꞌh gubihdxyi; gulgasuhchihpa lastoꞌ tu tin chezah dziꞌtsi tu loh xchiꞌdxyiꞌhn nicala gachi tu, per naꞌh guniꞌhihn guelnabahan nin ba naa par tuꞌpazi laꞌh tu ziga tuhbi corohna.

Apocalipsis 3:10

laasii ayi rriaꞌgahn tu loh xchiꞌdxyiꞌhn, niꞌchin naꞌh zahcaneꞌhn laꞌh tu chin gutiꞌdxiloh tu guelrzaꞌcazii, nee zutiꞌdxiloh za garaa raꞌ bwiinn guidxyiyuh guelrzaꞌcazii tin guiduꞌhun cuun paꞌca nin naa raꞌ bwiinn zaꞌca loh raꞌ bwiinn guidxyiyuh raꞌ.