San Lucas 1:70 - Zapoteco de Chichicapan

⁷⁰ Dxiꞌ daada chi tin soobaa dxyiꞌdxyi nin guñiꞌ daada raꞌ nin guñiꞌ xchiꞌdxyi Dxiohs nahpa dxiꞌ ba,

San Lucas 1:70 Iomraidhean Croise

San Marcos 12:36

Pwihsi guehtu Davihd gahca, pur Spíritu Saantu guñiꞌ ba rahbi ba: Daada Dxiohs rahbi loh Daada nin rnabwaꞌ naꞌh: “Guzohba xlahdu nanchiin hastayi gadzihn dxyih gutsiꞌgahn garaa raꞌ nin rdxyiꞌchinee yiꞌh nez ñaaꞌ luꞌh.”

San Lucas 24:44

chiꞌchi rahbi Jesuhs loh raꞌ ba: ―Deeꞌ naa xchiꞌdxyiꞌhn nin guñaan loh tu chin guyuuꞌneꞌhn laꞌh tu, guñaan loh tu nahpa zizohba gaca garaa dxyiꞌdxyi nin caa loh xlehyi Moisehs pur naꞌh, neezaa ziga caa loh xchihtsi daada raꞌ nin guñiꞌ xchiꞌdxyi Dxiohs, cun neezaa ziga caa loh chihbru nin laa Salmu.

Hechos 28:25

Ya pur nin ayi nuu ñuhnn raꞌ ba tuhbisi lligaaba niꞌchin guzaꞌloh ziaa raꞌ ba, chiꞌchi rahbi Pahblu: ―Guchiica dxyiꞌdxyi raꞌ nin badiꞌhi Spíritu Saantu Dxiohs guñiꞌ guehtu Isaías, rahbi ba loh raꞌ guehtu xtatita rooꞌ raꞌnuꞌh:

Romanos 1:2

Ya guhcala cadxyih rooꞌ biaꞌhannee dxyiꞌdxyi Dxiohs laꞌh raꞌ daada raꞌ nin baluuꞌyi xchiꞌdxyi Ñiꞌh, ziga zuluuꞌyi Ñiꞌh dxyiꞌdxyi riiꞌ laꞌh nuꞌh, ya dxyiꞌdxyi raꞌ nin biaꞌhannee dxyiꞌdxyi Ñiꞌh laꞌh raꞌ daada raꞌ chi laꞌn caa raꞌ loh dxihtsi nin bacaꞌh raꞌ ba

Hebreos 3:7

Niꞌchin zigapaꞌ rñiꞌ Spíritu Saantu xteenn Dxiohs squiiꞌ: Sidela laꞌh tu rucaꞌdxiahga tu dxyiꞌdxyi nin rñiꞌ Dxiohs loh tu nnah,

1 Pedro 1:12

Per Dxiohs badiꞌhi Ñiꞌh para gacabwaꞌ raꞌ ba ayi laꞌn dxyih dxiꞌh nin nabahan raꞌ ba chaꞌloh dxyiꞌdxyi raꞌ chi sino que guzohban nee para laꞌh raꞌ nuꞌh nnah. Niꞌchin nnah dee raꞌ naa nin baluuꞌyi raꞌ bwiinn nin ruluuꞌyi xchiꞌdxyi Dxiohs loh tu laasii nez llaaꞌndxibaaꞌyi baxeꞌhla Dxiohs Spíritu Saantu Ñiꞌh tin cweeza Ñiꞌh laꞌn lastoꞌ raꞌ ba tin basañiꞌ Ñiꞌh laꞌh raꞌ ba dxyiꞌdxyi nin guclaaꞌdzi Ñiꞌh guiñiꞌ raꞌ ba. Dee raꞌ naa dxyiꞌdxyi raꞌ nin xclaaꞌdzi raꞌ aanjla gahca raꞌ gacabwaꞌ raꞌ ba pur xcweenta ñiꞌh.

2 Pedro 1:21

Pwihsi laꞌh raꞌ guehtu daada raꞌ nin guñiꞌ xchiꞌdxyi Dxiohs, nin tuhbi bweelta ayi guñiꞌ raꞌ ba pur xcweenta gahca raꞌ ba sino que guhca raꞌ ba bwiinn raꞌ nin guñiꞌ xcweenta Dxiohs, laasii guhcanee Spíritu Saantu Dxiohs laꞌh raꞌ ba.

2 Pedro 3:2

Gulgasannah stoꞌ tu xcweenta dxyiꞌdxyi raꞌ nin guñiꞌ guehtu daada raꞌ nin guñiꞌ xchiꞌdxyi Dxiohs cachieempa rooꞌ duxa, neezaa dxyiꞌdxyi nin guñiꞌ Daada Jesucristu nin baluuꞌyi raꞌ xpooxtla Ñiꞌh laꞌhtu.

Apocalipsis 19:10

Chiꞌchi ñuzuꞌnlliibihn loh aanjla chi, per squiiꞌ guñiꞌ ba loon: ―¡Ayi guunn luꞌh ziꞌca!, laasii naꞌh naan ziga gahca yiꞌh; naꞌh naan tuhbi nin ruhnn xtsiꞌn Dxiohs, ziga naa luꞌh yiꞌh cun bwihtsi raꞌ luꞌh nin zezah loh dxyiꞌdxyi guchii xteenn Jesucristu. Mas chaꞌyi guzuꞌnllihbi luꞌh loh Dxiohs; laasii xchiꞌdxyi Jesuhs naa dxyiꞌdxyi nin ruluuꞌyi Dxiohs laꞌh raꞌ bwiinn tin rahpaa raꞌ ba dxyiꞌdxyi guiñiꞌ raꞌ ba.