San Juan 7:4 - Zapoteco de Chichicapan

⁴ laasii chin xclaaꞌdzi bwiinn guluuꞌyi zaꞌca ba laꞌh raꞌ bwiinn, ayi ruhnn ba xtsiꞌn ba ralaꞌn; niꞌchin sidela yiꞌh ruhnn luꞌh dziꞌn raꞌ riiꞌ, bwiꞌhnnan loh raꞌ garaatiiꞌ raꞌ bwiinn guidxyiyuh.

San Juan 7:4 Iomraidhean Croise

San Mateo 23:5

Ruhnn raꞌ ba squiiꞌ tin rdxiꞌhyi raꞌ ba nez gadxyigaaꞌ loh raꞌ bwiinn nin ruhnn raꞌ ba, nee riuuꞌ za stoꞌ raꞌ ba rcah dxyiꞌdxyi raꞌ nin caa loh Xchiꞌdxyi Dxiohs locah raꞌ ba cun nez rwaaꞌ llehcu raꞌ ba loh xahba raꞌ ba, nee neezaa ruhnn gurooꞌ raꞌ ba luhlla xahba raꞌ ba tin guluuꞌyi raꞌ ba bwiinn zaꞌca duxa raꞌ ba loh snuhn raꞌ bwiinn,

San Mateo 4:6

chiꞌchi rahbi ba loh Ñiꞌh: ―Sidela guchii luꞌh naa luꞌh Lliiꞌn Dxiohs, balaꞌha yiꞌh desde riꞌca hasta loh yuh, laasii caa loh Xchihtsi Dxiohs: “Zixeꞌhla Ñiꞌh xaanjla Ñiꞌh tin gaapaa raꞌ ba yiꞌh, ya cun naa raꞌ aanjla raꞌ chi zinaꞌzu raꞌ ba yiꞌh tin ayi guireꞌlda luꞌh nin tuhbi dxiah.”

San Mateo 6:16

Rahbi za Ñiꞌh: ―Chin gucwaaꞌhan tu, ayi guunn nalaasa loh tu ziga ruhnn raꞌ bwiinn nin rusaguiꞌhi bwiinn raꞌ nin ruluuꞌyi nez loh raꞌ bwiinn chin rucwaaꞌhan raꞌ ba ruhnn nalaasa loh raꞌ ba tin gwaꞌha paꞌhcaa bwiinn riigacwaaꞌhan raꞌ ba. Guchiin nin rñiꞌn loh tu cun sola ziga ruhnn raꞌ ba zicaꞌha raꞌ ba nin ruhnn tucahri guicaꞌha raꞌ ba.

San Mateo 6:5

Rahbi za Ñiꞌh: ―Chin cwidxyi-guinaaba tu loh Dxiohs, ayi guunn tu ziga ruhnn raꞌ bwiinn rusaguiꞌhi raꞌ nin riuuꞌstoꞌ raꞌ ñiꞌh gaca lasahca raꞌ nez loh raꞌ bwiinn nee laꞌn guidoꞌ o loh neziuh raꞌ ya rzuꞌnchiigah raꞌ ba rbwihdxyi-rnaaba raꞌ ba loh Dxiohs nicala loh dxiaaꞌ raꞌ laasii riuuꞌstoꞌ raꞌ ba guluuꞌyi raꞌ ba ziga ruhnn raꞌ ba tin guiñiꞌ zaꞌca bwiinn pur laꞌh raꞌ ba, ya guchiin nin rñiꞌn, cun sola ziga ruhnn raꞌ ba riiꞌ laꞌh raꞌ ba bwiꞌhnn gahn nin guicaꞌha raꞌ ba,

San Lucas 6:45

Bwiinn zaꞌca rñiꞌza cohsa zaꞌca, laasii cohsa zaꞌca naa nin nuu stoꞌ ba, nee bwiinn nadxaaba rñiꞌ ba ganaalla cohsa dxaaba za, laasii niꞌchi nuu stoꞌ ba. Cun rwaaꞌ bwiinn rñiꞌ ba dxyiꞌdxyi nin nuu stoꞌ ba.

San Juan 18:20

chiꞌchi rahbi Jesuhs loh raꞌ ba: ―Naꞌh guñiꞌn nez delaanta loh garaatiiꞌ raꞌ bwiinn nee guillii-guillii baluꞌyiꞌhn laꞌn guidoꞌ biꞌtiꞌhn raꞌ nin naa ziga capihyiꞌhn raꞌ nee cun laꞌn guidoꞌrooꞌ nez hasta radiaaꞌha raꞌ garaa raꞌ bwiinn Israel raꞌ; pwihsi nin tuhbi dxyiꞌdxyi ayi baluꞌyiꞌhñin ralaꞌn.

San Juan 7:3

chiꞌchi rahbi raꞌ nin naa raꞌ bwihtsi Jesuhs loh Ñiꞌh: ―Ayi dxiaꞌhan luꞌh riiꞌ; gwah para guihdxyi Judea tin riꞌchi neezaa raꞌ xpwiinn raꞌ luꞌh nin caꞌnzanee luꞌh gwaꞌha raꞌ ba garaa raꞌ dziꞌn raꞌ nin ruhnn luꞌh,

San Juan 7:5

Pwihsi nin bwiꞌhnn raꞌ bwihtsi Ñiꞌh nin laꞌh raꞌ ba ayi gwachiistoꞌ raꞌ ba xchiꞌdxyi Jesuhs,