San Juan 7:12 - Zapoteco de Chichicapan

¹² Nez lahda raꞌ bwiinn riigazeꞌta duxa raꞌ ba laꞌh Jesuhs; nuu raꞌ bwiinn chi rahbi raꞌ ba: ―Jesuhs naa tuhbi ndxiꞌhw nin ruhnn dziꞌn zaꞌca. Ya nuu raꞌ ba rahbi raꞌ ba: ―Ayi guinazaꞌca naa dziꞌn nin ruhnn ndxiꞌhw chi, rusaguiꞌhi ba laꞌh raꞌ bwiinn.

San Juan 7:12 Iomraidhean Croise

San Mateo 10:25

Niꞌchin cun dxiaꞌhan bwiinn nin rusiꞌdxi, gaca ba ziga naa xmwehsu ba, ya mooza gaca ba ziga naa xballwaaꞌn ba, ya sidela guiñiꞌ raꞌ bwiinn laꞌh nin naa ballwaaꞌn xteenn tuhbi yuuꞌ Belzebuu, lliaaꞌ lla bwiinn raꞌ nin nuu rwaaꞌ yihdzi ba, ¿cuunlla nin guiñiꞌ raꞌ ba loh raꞌ bwiinn chi?

San Mateo 21:46

ya guclaaꞌdzi raꞌ ba ñinaꞌzu raꞌ ba laꞌh Jesuhs hohra chi gahca, per bidxyihbi raꞌ ba laꞌh raꞌ bwiinn laasii bwiinn raꞌ ruhnn raꞌ ba lligaaba naa Jesuhs tuhbi bwiinn nin rñiꞌ xchiꞌdxyi Dxiohs.

San Mateo 27:63

tin rahbi raꞌ ba: ―Daada, riagannastoꞌ nu guñiꞌ bwiinn dxixiꞌhw chi chin nabahan ba nnaa ba: “Chin dxiohnna dxyih guhchiꞌhn zabahanahn loh guelguhchi”,

San Lucas 18:19

Chiꞌchi rahbi Jesuhs loh bi: ―¿Xixnaa rñiꞌ luꞌh chaꞌyiꞌhn? Ayi nin tuhbi bwiinn chaꞌyi, tuhbidxiꞌh Dxiohs.

San Lucas 23:47

Ya chin bwaꞌha capitahn nin rnabwaꞌ laꞌh raꞌ suldahdu nin zuu riꞌchi xi guhca, chiꞌchi guzaꞌloh cañiꞌ zaꞌca ba pur Dxiohs, rahbi ba: ―Guchii bwiinn ca, ayi xtuhlda ba.

San Lucas 23:50

Nee guyuuꞌ tuhbi bwiinn zaꞌca nin laa Joseh, xnehza nabahan ba loh xquelrnabwaꞌ Dxiohs, bwiinn guihdxyi Arimatea ba, neezaa dxaꞌga ba loh raꞌ bwiinn nin rnabwaꞌ laꞌn guidoꞌrooꞌ xteenn raꞌ bwiinn Israel.

San Lucas 6:45

Bwiinn zaꞌca rñiꞌza cohsa zaꞌca, laasii cohsa zaꞌca naa nin nuu stoꞌ ba, nee bwiinn nadxaaba rñiꞌ ba ganaalla cohsa dxaaba za, laasii niꞌchi nuu stoꞌ ba. Cun rwaaꞌ bwiinn rñiꞌ ba dxyiꞌdxyi nin nuu stoꞌ ba.

San Lucas 7:16

Ya chin bwaꞌha raꞌ bwiinn nin zegacaꞌtsi laꞌh bi bacwaꞌhn Jesuhs laꞌh bi, chiꞌchi bidxyihbi duxa raꞌ ba laasii bwaꞌha raꞌ ba guhca bacwaꞌhn Jesuhs laꞌh nuꞌbi chi loh guelguhchi, ya guzaꞌloh riiñiꞌ raꞌ ba: ―¡Bayi Dxiohs sihn chuhla naa Ñiꞌh! ¡Tuhbi bwiinn nin mahzi lasahca nin rñiꞌ xchiꞌdxyi Dxiohs laꞌba badzihn nezloh nuꞌh! Neezaa rahbi raꞌ ba: ―LaꞌDxiohs badzihn gacanee Ñiꞌh laꞌh raꞌ xpwiinn Ñiꞌh.

San Juan 6:14

Ya bwiinn raꞌ chi chin bwaꞌha raꞌ ba sehn rooꞌ nin bwiꞌhnn Jesuhs, chiꞌchi rahbi loh lasaaꞌ raꞌ ba: ―Guchiica, laꞌh ba naa ndxiꞌhw nin rñiꞌ loh Xchihtsi Dxiohs nahpa dxiꞌ loh guidxyiyuh.

San Juan 7:32

Ya bihn raꞌ bwiinn fariseu raꞌ nin bazeꞌta raꞌ bwiinn laꞌh Jesuhs, chiꞌchi bwiinn fariseu raꞌ chi cun nin rnabwaꞌ laꞌh raꞌ bixohza raꞌ guxeꞌhla raꞌ ba guixaꞌga raꞌ xteenn guidoꞌ tin chenee raꞌ ba laꞌh Jesuhs tin dxieꞌw Ñiꞌh,

San Juan 7:47

Ya chiꞌchi rahbi raꞌ bwiinn fariseu raꞌ chi: ―¿Ta nee laꞌh tu basaꞌn tu bisaguiꞌhi tu?

San Juan 7:52

Ya chiꞌchi rahbi raꞌ ba loh Nicodemu: ―¿Ta nee luꞌh naa luꞌh tuhbi bwiinn guihdxyi Galilea? Basiꞌdxi loh Xchihtsi Dxiohs tin gwaꞌha luꞌh xa rñiꞌ lohon: nin tuhbi daada nin rñiꞌ xchiꞌdxyi Dxiohs ayi naa bwiinn guihdxyi Galilea.

San Juan 9:16

Ya chiꞌchi rahbi raꞌ paaldaa raꞌ bwiinn fariseu raꞌ chi: ―Nin bwiꞌhnn deeꞌ ayi naa ba xpwiinn Dxiohs, laasii ayi rahpadaa ba dxyih nin raziꞌlaaꞌdzi raꞌ nuꞌh. Ya snuhn raꞌ ba rahbi: ―Per ¿caalla gaca chiꞌh guunn ba dziꞌn rooꞌ sidela laꞌh ba naa ba tuhbi bwiinn duhlda? Ya ziꞌchi guhca chiohpa stoꞌ bwiinn raꞌ chi,

Hechos 11:24

Laasii laꞌh Bernabeh naa ba tuhbi bwiinn zaꞌca; tuhbi bwiinn nin riachii duxa stoꞌ ñiꞌh xchiꞌdxyi Dxiohs nee nuu nabahandziꞌtsi Spíritu Saantu Dxiohs lastoꞌ ba, ya pur niꞌchi ziahan ru raꞌ ba gwachiistoꞌ raꞌ ba xchiꞌdxyi Jesucristu.

Romanos 5:7

Yannah nagahn gaca ziga guidxeela tuhbi bwiinn nin siꞌguihlda gachi xcweenta stuhbi bwiinn, nicala pur masque bwiinn zaꞌca nin naa ba,

Filipenses 2:14

Ya gaduhbi cayuhnn tun ayi cwachi tu guelchiah nee ayiza guinaabadxyiꞌdxyi tu xi para nahpaa guunn tun,