San Juan 6:9 - Zapoteco de Chichicapan

⁹ ―Riiꞌ laꞌh tuhbi biꞌnxtuhbi zuu laꞌh bi nuꞌa gaꞌyu pahn nin guhcachaꞌyi cun sebada cun chiohpa bwehlda, per ¿calla gaaldaa dee dxiꞌh loh bwiinn ziahan duxa raꞌ ca?

San Juan 6:9 Iomraidhean Croise

San Mateo 14:17

Chiꞌchi rahbi raꞌ xpwiinn Ñiꞌh: ―Ayi chyu nahpa ziahan guelwahw gayaꞌn nu laꞌh raꞌ ba ñaꞌchiꞌca gaꞌyu pahn cun chiohpa bwehlda nuuꞌ.

San Mateo 16:9

¿Tayi rahcabwaꞌtiiꞌ tu, nee ta nin ayi za riagannahstoꞌ tu xcweenta gagaꞌyu pahn nin gudxiꞌziꞌhn loh gaꞌyu mihyi raꞌ bwiinn, ya paaldaa tipi guhca nin biaꞌhancah?

San Marcos 6:38

Chiꞌchi gunaabadxyiꞌdxyi Ñiꞌh loh raꞌ ba rahbi Ñiꞌh: ―¿Spaaldaa pan nahpa tu? Gulcheguiaꞌha spaaldan. Ya chin bwaꞌha raꞌ ba chiꞌchi rahbi raꞌ ba: ―Zagaꞌyu dxiꞌh pahn cun schiohpa dxiꞌh bwehlda.

San Marcos 8:19

Chin gudxiꞌziꞌhn gagaꞌyu pahn loh gaꞌyu mihyi bwiinn, ¿paaldaa tiipin bidiaaꞌha? ―Tsiꞌh bichiohpan ―rahbi raꞌ xpwiinn Ñiꞌh.

San Lucas 9:13

Chiꞌchi rahbi Jesuhs loh raꞌ xpwiinn Ñiꞌh chi: ―¡Laꞌh tu gulgadiꞌhi nin gahw raꞌ ba! Ya rahbi raꞌ xpwiinn Ñiꞌh loh Ñiꞌh: ―Ayi chyu nahpa xi gahw raꞌ ba, ñaꞌsi zagaꞌyu dxiꞌh pahn cun schiohpa bwehlda nuuꞌ, ¿cayixchiꞌh chosiꞌ nu nin gahw bwiinn ziahan raꞌ ca?

San Juan 11:21

chiꞌchi rahbi Marta loh Jesuhs: ―Daada, sidela yiꞌh nuu luꞌh riiꞌ, ayi ñahchi bizaaꞌnahn,

San Juan 11:32

ya chin badzihn María hasta zuu Jesuhs, bazuꞌnllihbi bi loh Jesuhs chiꞌchi rahbi bi loh Ñiꞌh: ―Daada, sidela yiꞌh nuu luꞌh riiꞌ, ayi ñahchi bizaaꞌnahn Lásaro.

San Juan 21:10

Chiꞌchi rahbi Jesuhs loh raꞌ ba: ―Gulchecaꞌha paaldaa bwehlda nin gueꞌdu guleꞌhe tu.

San Juan 21:13

Ya lwehgu gwabiiga Jesuhs nezloh raꞌ ba, chiꞌchi gucaꞌha Ñiꞌh pahn gudxiꞌzi Ñiꞌhn nezloh raꞌ ba tin gudahw raꞌ ban, ya ziꞌchigahca bwiꞌhnn Ñiꞌh cun bwehlda.

San Juan 21:9

Ya chin bariaꞌh raꞌ ba laꞌn laancha chi rwaaꞌ ñihsa, bwaꞌha raꞌba cayahca tuhbi bwehla riꞌchi cun tuhbi bwehlda dziꞌba loh bwehla chi cun neezaa pahn.

San Juan 6:11

ya chiꞌchi gucaꞌha Jesuhs pahn chi ya chin guyaꞌloh badiꞌhi Ñiꞌh guelzuxchiilli loh Xtaada Dxiohs Ñiꞌh, chiꞌchi badiꞌhi Ñiꞌh pahn chi laꞌh raꞌ xpwiinn Ñiꞌh tin gudxiꞌzi raꞌ ban loh raꞌ bwiinn ziahan raꞌ chi, nee ziꞌchi gahca za bwiꞌhnnee Ñiꞌh bwehlda raꞌ hastayi gwadxah raꞌ bwiinn ziahan raꞌ chi,

San Juan 6:7

chiꞌchi rahbi Felipe loh Jesuhs: ―Nin chiohpa gaywaꞌh mweeyi denariu pahn ayi gaaldaa gahw raꞌ bwiinn ca per nin yahnn raꞌ ba ayi dxiehtan.

2 Corintios 8:9

laasii laꞌhtu ya nuꞌnbwaꞌ tu xa balahsa stoꞌ Daada Jesucristu laꞌhnuꞌh; laꞌh Ñiꞌh naa Ñiꞌh rricu pur nin caꞌha Ñiꞌh garaa xixteenn Dxiohs, per guhca Ñiꞌh ziga zi tuhbi bwiinn prohbitiiꞌ, tin ziꞌchi pur xcweenta Ñiꞌh gaapa tu garaa raꞌ nin nahpa Dxiohs nez dxibaaꞌ.

Apocalipsis 6:6

ya bihn dxiaagahn tuhbi rsiaaꞌha galaayi raꞌ gadaapa raꞌ maan raꞌ nin rii hasta zuu xagaxiiyi Dxiohs dxibaaꞌ, nah rsiaaꞌha chi: ―Sola tuhbi dxiꞌh kihlu llooba guicaꞌha luꞌh dela guunn luꞌh dziꞌn tuhbi dxyih, nee cun chohnna kihlu cebada guicaꞌha luꞌh guunn luꞌh dziꞌn tuhbi dxyih, per ayi guxiꞌn luꞌh vihnnu cun nsehchi.