San Juan 6:7 - Zapoteco de Chichicapan

⁷ chiꞌchi rahbi Felipe loh Jesuhs: ―Nin chiohpa gaywaꞌh mweeyi denariu pahn ayi gaaldaa gahw raꞌ bwiinn ca per nin yahnn raꞌ ba ayi dxiehtan.

San Juan 6:7 Iomraidhean Croise

San Mateo 18:28

per chin guyaꞌloh bariaꞌh mooza chi rwaaꞌ yihdzi rrehyi, chiꞌchi badxiꞌloh ba stuhbi xmooza rrehyi, ya bwiinn chi nuzaꞌbi loh ba gulliaaꞌyiꞌhn mweeyi, ya gucaꞌha ba gunaꞌzu ba yahnn bwiinn chi guxiꞌ ban chiꞌchi rahbi ba loh bwiinn chi: “¡Gudxihlli loon nin nuzaꞌbi luꞌh!”

San Marcos 6:37

Chiꞌchi rahbi Jesuhs loh raꞌ xpwiinn Ñiꞌh: ―¡Laꞌh tu gulgadiꞌhi nin gahw raꞌ bwiinn ca! Chiꞌchi rahbi raꞌ xpwiinn Ñiꞌh loh Ñiꞌh: ―¿Ta xclaaꞌdzi luꞌh chosiꞌn nu chiohpa gaywaꞌha denariu pahn tin gahw raꞌ bwiinn raꞌ ca? (Chiohpa gaywaꞌha denariu naa ziga guunn tuhbi ndxiꞌhw gahn loh xoꞌpa bweꞌhw garoolda.)

San Juan 1:43

Ya chin barah gueꞌla, bwiꞌhnn Jesuhs lligaaba chee Ñiꞌh para guihdxyi Galilea; dxyih chi badxiꞌloh Ñiꞌh laꞌh Felipe ya rahbi Ñiꞌh loh ba: ―Gudaꞌnaꞌhla naꞌh.

San Juan 1:44

Ya Felipe rii naa ba tuhbi bwiinn guihdxyi Betsaida, hasta naa za lahdxyi Andrehs cun Pehdru.

San Juan 1:45

Ya chin badxiꞌlohgaꞌh Felipe laꞌh Natanael, rahbi ba loh Natanael: ―Laꞌhnu bidiaꞌha loh bwiinn nin rñiꞌ xcweenta Ñiꞌh loh dxihtsi raꞌ xteenn lehyi nin bacaꞌh guehtu Moisehs, laꞌhgahcaza Ñiꞌh naa nin ruzeꞌta raꞌ guehtu daada raꞌ nin guñiꞌ xchiꞌdxyi Dxiohs; laa Ñiꞌh naa Jesuhs, lliiꞌn Joseh nin naa bwiinn guihdxyi Nazaret.

San Juan 1:46

Chiꞌchi rahbi Natanael: ―¿Ta nez Nazaret chi zahca dxiꞌ tuhbi bwiinn zaꞌca? Chiꞌchi rahbi Felipe: ―Gudaaꞌ tin gwaꞌha luꞌh.

San Juan 1:48

Chiꞌchi rahbi Natanael loh Jesuhs: ―¿Xaloh nuꞌnbwaꞌ luꞌh naꞌh? Chiꞌchi rahbi Jesuhs loh ba: ―Bwaꞌhahn loh luꞌh desde galohyi galoh nin guñiꞌ Felipe loh luꞌh, chin guñiꞌ ba loh luꞌh llaaꞌn tuhbi yahga ñiigu.

San Juan 12:5

―¿Xixnaa ayi gudooꞌ perfume ca chohnna gaywaꞌh denariu tin ñicaꞌha raꞌ bwiinn prohbi mweeyi chi? (Chohnna gaywaꞌh chi naa ziga rahlla tuhbi bwiinn guunn ba dziꞌn tsiꞌh bituhbi bweꞌhw.)