San Juan 5:18 - Zapoteco de Chichicapan

¹⁸ Ya pur dxyiꞌdxyi raꞌ riiꞌ mahzi ru guclaaꞌdzi raꞌ bwiinn Israel raꞌ chi ñidxiinn raꞌ ba laꞌh Jesuhs, per ayi pur nin ayi rahpadaa dxiꞌh Ñiꞌh dxyih nin ruziꞌlaaꞌdzi raꞌ bwiinn Israel, sino que laasii neezaa rahbi Ñiꞌh naa Ñiꞌh Dxiohs, nee rahbi za Ñiꞌh Dxiohs naa Xpaah Ñiꞌh, niꞌchin.

San Juan 5:18 Iomraidhean Croise

San Mateo 12:5

O ¿nagahdxi guꞌlda tu loh xchihtsi lehyi Moisehs xa ruhnn raꞌ bixohza laꞌn guidoꞌ dxyih nin ruziꞌlaaꞌdzi raꞌ bwiinn Israel, ruhnn raꞌ ba xtsiꞌn raꞌ ba, per ayi xi xtuhlda raꞌ ba?

San Juan 1:19

Bwiinn Israel raꞌ nin naa raꞌ bwiinn guihdxyi Jerusalehn guxeꞌhla raꞌ ba paaldaa bixohza raꞌ cun levita raꞌ loh Jwahn, tin gwah ganabadxyiꞌdxyi raꞌ ba chyu naa Jwahn.

San Juan 10:30

laꞌh Daada Dxiohs tuhsi naa nu.

San Juan 10:33

Ya chiꞌchi rahbi raꞌ bwiinn Israel raꞌ chi: ―Ayi chyu gucaꞌhdxiah yiꞌh sidela cayuhnn luꞌh dziꞌn zaꞌca, sidela nnah xclaaꞌdzi luꞌh tiidxi luꞌh pur Dxiohs niꞌchin, pwihsi yiꞌh ayi naa luꞌh Dxiohs, yiꞌh naa luꞌh tuhbi bwiinn zi per cañiꞌ luꞌh yiꞌh naa luꞌh Dxiohs.

San Juan 14:23

Chiꞌchi rahbi Jesuhs: ―Bwiinn nin rucaꞌhstoꞌ ñiꞌh naꞌh, bwiinn chi ruzoꞌbadxiahga xchiꞌdxyiꞌhn, nee zucaꞌhstoꞌ Xtaaꞌdahn laꞌh ba. Ya Xtaaꞌdahn cun naꞌh zibahannee nu laꞌh bwiinn chi,

San Juan 14:9

Chiꞌchi rahbi Jesuhs: ―Felipe, guhca cadxyihrooꞌ dxaꞌgaꞌhn loh tu, nee ¿ta nagahdxi dxiuꞌnbwaꞌ luꞌh naꞌh? Bwiinn nin rwaꞌha naꞌh rwaꞌha za ba laꞌh Xtaaꞌdahn. ¿Xixnaa rnaaba luꞌh gusaꞌnaꞌhn gwaꞌha luꞌh laꞌh Daada Dxiohs?

San Juan 19:7

Ya chiꞌchi rahbi raꞌ bwiinn Israel raꞌ chi loh Pilahtu: ―Laꞌhnu nidxiaapa nu tuhbi lehyi, ya ziga xlehyi nu nahpa gachi ba, laasii cagatiiꞌdxi ba laꞌh ba ziga Lliiꞌn Dxiohs.

San Juan 5:15

Ya chiꞌchi gwaguihtsi ndxiꞌhw chi loh raꞌ bwiinn Israel laꞌh Jesuhs basiaca laꞌh ba,

San Juan 5:16

pwihsi pur niꞌchin gucaꞌnnaꞌhla raꞌ bwiinn Israel raꞌ chi laꞌh Jesuhs tin guclaaꞌdzi raꞌ ba ñidxiinn raꞌ ba laꞌh Ñiꞌh, laasii rusiaca Ñiꞌh bwiinn raꞌ dxyih nin ruziꞌlaaꞌdzi raꞌ bwiinn Israel raꞌ,

San Juan 5:17

per laꞌh Jesuhs rahbi Ñiꞌh lohsi raꞌ ba: ―Laꞌh Xtaaꞌdahn zeezah cayuhnn ba dziꞌn, nee cun neezaa naꞌh ruꞌnnahn dziꞌn.

San Juan 5:23

tin gaann za raꞌ bwiinn laꞌh nin naa Lliiꞌn Ñiꞌh ziga za raann raꞌ ba laꞌh Xtaada Dxiohs Ñiꞌh. Bwiinn nin ayi ruzoꞌbadxiahga xchiꞌdxyi Lliiꞌn Dxiohs, ayi za ruzoꞌbadxiahga bwiinn chi xchiꞌdxyi Xtaada Dxiohs Ñiꞌh nin guluꞌnehza laꞌh Ñiꞌh.

San Juan 7:1

Ya chin guyaꞌloh raꞌ deeꞌ, gucaꞌnzaa Jesuhs loh guihdxyi Galilea; per nin ayi guclaaꞌdzi Ñiꞌh ñuuꞌ Ñiꞌh loh guihdxyi Judea laasii riꞌchi badxiꞌhyi raꞌ bwiinn Israel raꞌ laꞌh Jesuhs tin ñidxiinn raꞌ ba laꞌh Ñiꞌh,

San Juan 7:19

¿Tayi guchii dxiꞌhn, Moisehs baniꞌhi lehyi laꞌh tu?, nee nnah nin tuhbi tu ayi ruzoꞌbadxiahga tu lehyi chi. ¿Xixnaa xclaaꞌdzi tu chiinn tu naꞌh?

San Juan 8:54

Chiꞌchi rahbi Jesuhs loh raꞌ ba: ―Sidela naꞌh rñiꞌzaꞌcaꞌhn pur xcweenta gahcahn, pwihsi ayi xi guilasahca xcweeꞌntahn, per nin rñiꞌzaꞌca xcweeꞌntahn naa Xtaada Dxiohsaꞌhn; laꞌhgahca Ñiꞌh nin nnaa tu naa Xchiohs tu,

San Juan 8:58

Chiꞌchi rahbi Jesuhs loh raꞌ ba: ―Pwihsi guchiin nin rñiꞌn loh tu, chin nagahdxi dxiꞌ guehtu Abrahn loh guidxyiyuh, naꞌh laꞌn nabahan la desde chiꞌchi.

Filipenses 2:6

Nicala naa Ñiꞌh Dxiohs gahcaa, ayi biaa Ñiꞌh xcweenta gahca Ñiꞌh, ziga naa Ñiꞌh Dxiohs,

Apocalipsis 22:1

Ya chiꞌchi baluuꞌyi aanjla chi naꞌh tuhbi guiꞌw nayaa, hasta nuu ñihsa nin runiꞌhi guelnabahan. Ñaꞌñihin ziga zi bihdru nin laa cristal, cariaꞌhan nez loh yahgaxiiyi hasta rnabwaꞌ Dxiohs cun Lliꞌhyi xteenn Ñiꞌh.

Apocalipsis 22:3

Ayi ru chuu cohsa duhlda raꞌ loh guihdxyi chi. Yahgaxiiyi xteenn Dxiohs cun xteenn Xiꞌhyi Ñiꞌh chuu loh guihdxyi chi, nee cun sola za laꞌh raꞌ xpwiinn Ñiꞌh chuu loh guihdxyi chi, nee cun sola za laꞌh raꞌ xpwiinn Ñiꞌh nin guzuꞌnllihbi nez loh Ñiꞌh nee gaann raꞌ ba laꞌh Ñiꞌh.