San Juan 4:21 - Zapoteco de Chichicapan

²¹ Chiꞌchi rahbi Jesuhs loh gunnaꞌh chi: ―Gwachiistoꞌ luꞌh naꞌh, gunnaꞌh; laasii laꞌh dxyih gadzihn guzuꞌnllihbi tu loh Dxiohs nin ayiru nahpa dxiꞌ tu loh dahan riiꞌ, nin ayiru za nahpa chee tu hasta guihdxyi Jerusalehn,

San Juan 4:21 Iomraidhean Croise

San Mateo 18:20

laasii nez hasta cwih chiohpa o chohnna bwiinn nin riachiistoꞌ raꞌ ñiꞌh naꞌh riꞌchi laꞌn zuꞌh galaayi raꞌ ba.

San Mateo 28:19

niꞌchin nnah gulchehnee xchiꞌdxyiꞌhn loh garaa raꞌ bwiinn guidxyiyuh tin gulguiꞌhn laꞌh raꞌ ba xpwiinn raꞌn cun gulgaroꞌbañihsa laꞌh raꞌ ba pur lah Daada Dxiohs cun lah Lliiꞌn Ñiꞌh, cun lah Spíritu Santu,

San Lucas 21:24

Nuu raꞌ ba gachi raꞌ ba loh guehrru, snuhn raꞌ ba guzee prehsu, guzee raꞌ ba garaa guihdxyi ziitu raꞌ, ya bwiinnziitu raꞌ chuunaa raꞌ ba gaduhbi guihdxyi Jerusalehn hastayi gazaaꞌ dxyih nin gabiaꞌgarii bwiinn Israel, chiꞌchi gareꞌh raꞌ ba.

San Juan 14:6

Chiꞌchi rahbi Jesuhs: ―Naꞌh naan neziuh, cun dxyiꞌdxyi nin naa guchii nee cun neezaa guelnabahan; niꞌchin pur naꞌh dxiꞌh zahca gadzihn tu nez nuu Daada Dxiohs.

San Juan 16:2

laasii zadzihn dxyih nin zibweꞌhedxiaꞌhla raꞌ ba laꞌh tu laꞌn guidoꞌrooꞌ guihdxyi Jerusalehn nee zadzihn za hohra chin luꞌh, chyuchiꞌzi bwiinn nin chiinn laꞌh tu, zuhnn raꞌ ba lligaaba nalluꞌyi ziga guunn raꞌ ba chi nez loh Dxiohs.

San Juan 16:32

Pwihsi laꞌh hohra bigaꞌha nee nnah gahcan chin cada tuhbigah tu ganaꞌzu nezii-neziꞌchi ya zusaaꞌn tu tuhbidxiꞌh naꞌh, per ayi dxiaꞌhanahn tuhsi laasii laꞌh Xtaaꞌdahn zuunee naꞌh.

San Juan 4:23

per laꞌh hohra guigaꞌha nee nnahgahca bigaꞌhan chin laꞌh raꞌ bwiinn nin guchii raꞌ raann laꞌh Dxiohs laꞌn lastoꞌ raꞌ ba nee neezaa cun Spíritu Saantu Dxiohs zaann raꞌ ba laꞌh Dxiohs laasii bwiinn raꞌ squiiꞌ rdxiꞌhyi Dxiohs gaann laꞌh Ñiꞌh.

San Juan 5:25

Pwihsi guchiin nin rñiꞌn loh tu zadzihn hohra nee naan hohra gahca nin dxihnn raꞌ bwiinnguuchi xchiꞌdxyi Lliiꞌn Dxiohs; ya bwiinn raꞌ nin guzoꞌbadxiahga xchiꞌdxyi Ñiꞌh zibahan raꞌ ba

San Juan 5:28

Ayi gadxyigaaꞌ loh tu pur dxyiꞌdxyi raꞌ riiꞌ, laasii zadzihn hohra nin dxihn raꞌ garaa raꞌ bwiinn guuchi xchiꞌdxyi Ñiꞌh,

Hechos 6:14

neezaa bihndxiahga nu guñiꞌ Esteban: “Jesuhs nin zeꞌ Nazaret gutsihyi guidoꞌ rooꞌ, zuchaꞌhza ba lehyi nin luꞌh baniꞌhi guehtu Moisehs laꞌhnu.”

Efesios 2:18

Laasii pur xcweenta Jesucristu ziga tuhbi ziga stuhbi raꞌ nuꞌh rahca zogadzihn nuꞌh nezloh Daada Dxiohs pur tuhsi Spíritu Saantu nin ruhn biñih Ñiꞌh laꞌn lastoꞌ nuꞌh.

Efesios 3:14

Ya pur cweenta riiꞌ niꞌchin nin rusiaꞌchyu lliibihn nez delaanta loh Daada Dxiohs nin nabahan dziꞌtsi dxibaaꞌ,

1 Timoteo 2:8

Pwihsi xclaaꞌdzihn garaa lahta loh guidxyiyuh hasta rii raꞌ xpwiinn Dxiohs guiteesa naa raꞌ ba cwidxi-guinaaba raꞌ ba loh Dxiohs, per nahpa gwaꞌhaxgah raꞌ ba gaca nayaa paꞌh lastoꞌ raꞌ ba nee gusaaꞌn raꞌ ba guelnadxyiꞌchi cun guelrdxihndxinee dxyiꞌdxyi cun lasaaꞌ raꞌ,

1 Pedro 1:17

Ya ziga laꞌhtu rñiꞌ tu “Paah” loh Dxiohs nin ruhnn tuhbiloh guelguxchisi loh garaa raꞌ bwiinn cun xcweenta dziꞌn nin bwiꞌhnn raꞌ ba, pwihsi nahpa guidxyihbi tu Ñiꞌh loh garaa raꞌ dxyih raꞌ nin guibahan tu loh guidxyiyuh rii.

Apocalipsis 21:22

Ayi bwaꞌhahn nin tuhbi guidoꞌ loh guihdxyi chi, laasii laꞌh Daada Dxiohs nin nahpa guelrnabwaꞌ naa xquidoꞌ guihdxyi chi cun neezaa Lliꞌhyi xteenn Ñiꞌh.