San Juan 4:10 - Zapoteco de Chichicapan

¹⁰ Chiꞌchi rahbi Jesuhs loh gunnaꞌh chi: ―Sidela yiꞌh gacabwaꞌ luꞌh xa naa guelralahsa stoꞌ xteenn Dxiohs nee chyu naa nin canaaba ñihsa loh luꞌh, yiꞌh guinaaba luꞌh loh ba ya laꞌh ba zuniꞌhi ba ñihsa nabahan guee luꞌh.

San Juan 4:10 Iomraidhean Croise

San Lucas 11:13

Ya sidela laꞌh tu nin naa bwiinn duhlda rahca rudiꞌhi tu cohsa zaꞌca lliiꞌn tu, ¿xilaꞌhxchiꞌh Xtaada tu nin nuu dxibaaꞌ ayi dxiaꞌhan gudiꞌhi Ñiꞌh Spíritu Saantu laꞌh raꞌ bwiinn nin rnaaba Ñiꞌh ya zibweezaza Ñiꞌh stoꞌ raꞌ ba?

San Juan 16:3

Ziꞌchi guunnee raꞌ ba laꞌh tu laasii ayi nuꞌnbwaꞌ raꞌ ba laꞌh Xtaaꞌdahn nee nin naꞌh za ayi nuꞌnbwaꞌ raꞌ ba.

San Juan 17:3

Dee si raꞌ nahpa guelnabahan nin ayi ñichilohtiiꞌ; bwiinn raꞌ nin nuꞌnbwaꞌ Yuꞌbiluꞌh, nin naa tuhbi dxiꞌh Yuꞌbi Dxiohs, nee cun neezaa naꞌh, Jesucristu, nin guluꞌnehza luꞌh loh guidxyiyuh.

San Juan 3:16

’Laasii guhca nadziiꞌhi stoꞌ Dxiohs laꞌh raꞌ bwiinn guidxyiyuh, niꞌchin guxeꞌhla Ñiꞌh yuꞌpi Lliiꞌn Ñiꞌh loh guidxyiyuh, tin garaa raꞌ bwiinn raꞌ nin chechiistoꞌ raꞌ ñiꞌh xchiꞌdxyi Ñiꞌh ayi ñichiloh raꞌ ba loh Dxiohs, sino que gapa raꞌ ba tuhbi guelnabahan nacuubi nin ayi ñichilohtiiꞌ,

San Juan 4:14

per bwiinn raꞌ nin guee ñihsa nin gudiꞌhihn, ayi chuu dxyih nin guidxahga raꞌ ba ñihsa, laasii ñihsa nin gudiꞌhihn guee raꞌ ba, gacan stoꞌ raꞌ ba ziga zi tuhbi hasta rtahnn ñihsa nee gacazan guelnabahan nin ayi ñichilohtiiꞌ.

San Juan 6:35

Chiꞌchi rahbi Jesuhs loh raꞌ ba: ―Naꞌh naan pahn nin runiꞌhi guelnabahan; bwiinn nin dxiꞌ loon ayi chuu dxyih nin guichiaꞌhan bwiinn chi, ziꞌchiza bwiinn raꞌ nin chechiiza stoꞌ raꞌ ñiꞌh naꞌh ayiza guidxahga raꞌ ba ñihsa,

San Juan 6:51

Naꞌh naan pahn nabahan nin biehta nez dxibaaꞌ; bwiinn nin gahw pahn riiꞌ zibahan ba par tuꞌpazi, nee pahn nin gudiꞌhihn laꞌh raꞌ bwiinn naa bweꞌltiꞌxihn par laꞌh raꞌ bwiinn guidxyiyuh.

Hechos 9:11

Chiꞌchi rahbi Jesucristu loh ba: ―Gwah cahyi nin laa lahdu derehchu hasta nuu yihdzi Judas. Riꞌchi gunaabadxyiꞌdxyi laꞌh tuhbi bwiinn nin laa Saulu nin naa tuhbi bwiinn guihdxyi Tarsu. Bwiinn chi cabwihdxi-canaaba ba naꞌh ―rahbi Ñiꞌh loh Ananías―.

Romanos 8:32

Dxiohs ayi bachaꞌh Ñiꞌh xigaaba Ñiꞌh xcweenta Jesuhs Lliiꞌn Ñiꞌh tin ayi ñahchi Jesuhs, sino que badiꞌhi Ñiꞌh laꞌh Jesucristu nin naa Lliiꞌn Ñiꞌh guhchi loh tuhbi cruhzi tin gudxihlli Jesucristu xcweenta xtuhlda nuꞌh, ¿pwihsi xalla ayi guniꞌhi Ñiꞌh garaa raꞌ cohsa nin xchiꞌhn nuꞌh nnah nin naa nuꞌh tuhsi cun Lliiꞌn Ñiꞌh?

1 Corintios 1:30

ya laꞌh gahca Dxiohs bazuh laꞌhtu loh Daada Jesucristu; baxeꞌhla za Ñiꞌh Jesucristu loh nuꞌh tin baziaꞌñih Ñiꞌh laꞌh lastoꞌ nuꞌh tin gahpa raꞌ nuꞌh guelnasiin xteenn Dxiohs, tin guibahan xnehza nuꞌh nezloh Dxiohs, tin gaca nayaa lastoꞌ nuꞌh tin guziaꞌtii Ñiꞌh xtuhlda raꞌ nuꞌh.

1 Corintios 10:4

Ziꞌchi gahca za garaa raꞌ ba gwaaꞌ raꞌ ba ñihsa tihxi dxiah rooꞌ laasii ayi ñihsa ñeeꞌ raꞌ ba, per Spíritu Crixtu guzahnee raꞌ ba nez chiꞌh zi gucaꞌnzaa raꞌ ba nez loh dahan desiertu, ya niꞌchin pur xquelrnabwaꞌ Ñiꞌh biriaꞌh ñihsa tihxi dxiah rooꞌ chi nin naa zigazi tihxi Ñiꞌh.

2 Corintios 9:15

Zuxchiilli Dxiohs laasii baniꞌhi Ñiꞌh tuhbi cohsa rooꞌ, cun tuhbi guelnazaꞌca rooꞌ nez loh raꞌ nuꞌh.

Efesios 2:8

pwihsi pur nin balahsastoꞌ Dxiohs laꞌhnuꞌh, niꞌchin bataꞌh Ñiꞌh laꞌhnuꞌh loh duhlda chin gwachiistoꞌ nuꞌh xchiꞌdxyi Ñiꞌh. Niꞌchin ayi guunn tu lligaaba bidxeela tun pur laꞌhgahca xcweenta tu sino que gucaꞌha tun laasii Dxiohs naa nin baniꞌhin laꞌhtu.

Hebreos 6:4

pwihsi guyuuꞌ bwiinn raꞌ nin biaꞌñih loh xquelrihn ñiꞌh, nin gucaꞌha guelnazaꞌca nin rudiꞌhi Dxiohs, nin guleezaa Spíritu Saantu xteenn Dxiohs laꞌn lastoꞌ raꞌ ñiꞌh.

1 Juan 5:20

Naann za nuꞌh biꞌ Jesucristu Lliiꞌn Dxiohs loh guidxyiyuh ya baluuꞌyi Ñiꞌh laꞌhnuꞌh xchiꞌdxyi Dxiohs; Daada Dxiohs nin nuu dxibaaꞌ. Ya nabahan nuꞌh tuhsi cun nin naa Dxyiꞌdxyi guchii nin naa laꞌh gahca Jesucristu, pwihsi laꞌh Ñiꞌh naa Dxiohs guchii paꞌh, nee laꞌh za Ñiꞌh naa Ñiꞌh guelnabahan nin ayi ñichilohtiiꞌ.

Apocalipsis 21:6

Chiꞌchi nnah za Ñiꞌh loon squiiꞌ: ―Laꞌn guyaꞌloh; naꞌh naan nin rbahchixchih nee naꞌh za naan ziga nin ruzaꞌloh ziga zi lehtra A cun Z. Bwiinn nin rdxahga ñihsa; naꞌh gudiꞌhihn ñihsa nin rudiꞌhi guelnabahan guee ba, sin nin ayi chiilli ba nin tuhbi gaꞌyu.

Apocalipsis 22:17

Spíritu Saantu Dxiohs cun dxaꞌpa xteenn Lliꞌhyi xteenn Dxiohs rñiꞌ raꞌ squiiꞌ: ―Gudaaꞌ. Ya nin rihndxiahga za guiñiꞌ raꞌ ba: ―Gudaaꞌ. Ya nin rdxahga ñihsa, nee xclaaꞌdzi ba guee ban, dxiꞌ ba tin guee ba ñihsa nin rudiꞌhi guelnabahan, nee sin nin tuhbi gaꞌyu ayi guunn ba gaxtu.

Apocalipsis 7:17

laasii laꞌh Xiꞌhyi Dxiohs nin zohba galaayillee loh yahgaxiiyi rooꞌ nin naa tronu nez dxibaaꞌ gaapa laꞌh raꞌ ba ziga zi lliꞌhyi raꞌ, ya chenee Ñiꞌh laꞌh raꞌ ba hasta nuu ñihsa nin naa guelnabahan; ya Dxiohs gucwiꞌdzi rwaꞌhaloh raꞌ ba cun ñihsabwii raꞌ nin ruꞌn raꞌ ba.