San Juan 4:1 - Zapoteco de Chichicapan

¹ Chin bihn Jesuhs nin rñiꞌ raꞌ bwiinn fariseu raꞌ rahbi raꞌ ba: “Jesuhs ruroꞌbañihsa laꞌh raꞌ mahziru bwiinn que laꞌh Jwahn”,

San Juan 4:1 Iomraidhean Croise

San Lucas 1:76

Ya yiꞌh, xiiꞌhihn ―rahbi Zacarías― ziriaꞌlah luꞌh daada nin rñiꞌ xchiꞌdxyi Dxiohs nin nuu dxibaaꞌ, tin guzee luꞌh cheguiꞌhnn zaꞌca luꞌh xneziuh Daada nin guixeꞌhla Dxiohs,

San Lucas 19:31

Ya sidela chyuulla guinaꞌbadxyiꞌdxyi loh tu: “¿Xixnaa guxachi tu buhrra ca?”, chiꞌchi gahbi tu loh ba: “Tuhbi bwiinn nin mahzi rnabwaꞌ cachiꞌhn ma tin tsiiba ba ma.”

San Lucas 19:34

Chiꞌchi rahbi raꞌ ba: ―Dxugaxachi nu ma laasii tuhbi bwiinn nin mahzi rnabwaꞌ cachiꞌhn ba ma tin tsiiba ba ma.

San Lucas 2:11

laasii nnadxyih guulaa tuhbi badoꞌ loh guihdxyi xteenn guehtu Davihd ya badoꞌ chi zeꞌgataꞌh laꞌh tu loh duhlda ya laꞌh Ñiꞌh naa Crixtu nin naa Daada.

San Lucas 7:13

Ya chin bwaꞌha Jesuhs niꞌchi, chiꞌchi balahsastoꞌ Ñiꞌh laꞌh gunnaꞌhviuhda chi, rahbi Ñiꞌh: ―Ayiru guꞌn luꞌh.

San Lucas 7:19

Chiꞌchi gudihdxyi Jwahn chiohpa xpwiinn ba, tin guxeꞌhla Jwahn laꞌh raꞌ ba gwaganaabadxyiꞌdxyi raꞌ ba loh Jesuhs: ―¿Ta yiꞌh naa luꞌh Crixtu nin dxyubweꞌza nu, o zachibweꞌza nu stuhbi bwiinn?

San Juan 3:22

Ya chin guyaꞌloh deeꞌ, chiꞌchi zenee Jesuhs laꞌh raꞌ xpwiinn Ñiꞌh nez loh guihdxyi xteenn Judea, nez guyuuꞌnee Ñiꞌh laꞌh raꞌ ba paaldaa dxyih chin baroꞌbañihsa za raꞌ xpwiinn Ñiꞌh laꞌh raꞌ bwiinn.

San Juan 3:26

ya gwaguihtsi raꞌ ban loh Jwahn, rahbi raꞌ ba: ―Mwehsu, bwiinn nin guzuhnee luꞌh nez hasta rtahn gubihdxyi rwaaꞌ guiꞌw Jordahn; bwiinn nin bwiiꞌyidxyiꞌdxyi luꞌh xcweenta ñiꞌh loh nu, bwiinn chi nin nuugaroꞌbañihsa nee ziahanru bwiinn naꞌhla laꞌh ba.

Hechos 10:36

Dxiohs guñiꞌ loh raꞌ ndxiꞌhw nin zeezahnee raꞌ xchiꞌdxyi zaꞌca Jesucristu, ya laꞌh Ñiꞌh naa Xtaada raꞌ nuꞌh, laꞌhza Ñiꞌh rnabwaꞌ gaduhbi guidxyiyuh.

1 Corintios 1:17

laasii Jesucristu ayi guxeꞌhla Ñiꞌh naꞌh para guroꞌbañiisahn, sino que guxeꞌhla Ñiꞌh naꞌh tin guluꞌyiꞌhn xchiꞌdxyi Ñiꞌh xcweenta ziga gutaꞌh Ñiꞌh laꞌh raꞌ bwiinn loh duhlda, per ayi ruluꞌyiꞌhn cun dxyiꞌdxyi guelnaanntiiꞌ, tin ayi guziaꞌtiin yihca dziꞌn rooꞌ duxa nin bwiꞌhnn Jesucristu chin guhchi Ñiꞌh loh cruhzi.

1 Corintios 15:47

Ziꞌchi za mweer ndxiꞌhw nin bwiꞌhnn chaꞌyi Dxiohs guhca ba cun guxuh xteenn yuh nee naa ba bwiinn guidxyiyuh; ya ndxiꞌhw nin raroopa naa Jesucristu, laꞌh Ñiꞌh biehta Ñiꞌh nez dxibaaꞌ hasta nuu Dxiohs.

1 Corintios 2:8

Nin tuhbi raꞌ nin rnabwaꞌ loh guidxyiyuh riiꞌ ayi rahcabwaꞌ raꞌ ba xcweenta raꞌ cohsa raꞌ riiꞌ; per sidela laꞌh raꞌ ba ñahcabwaꞌ raꞌ ban, ayi ñucaꞌh raꞌ ba laꞌh Daada Jesucristu nin nahpa guelñaꞌñih loh cruhzi.

2 Corintios 4:5

Chin raluuꞌyi nu xchiꞌdxyi Jesucristu, ayi ruhnn lasahca nu laꞌhgahca xcweenta raꞌ nu sino que ruhnn lasahca nu laꞌh Jesucristu nin naa Daada, ya laꞌhnu ziga xmooza tu xcweenta Jesucristu.

Santiago 2:1

Bwiitsi raꞌ, laꞌhtu ziga ya gwachii stoꞌ tu xchiꞌdxyi Daada Jesucristu nin nahpa garaa llaꞌñih, ayi nuu guunn tu guriin-guriin cun cada tuhbigah raꞌ bwiinn.

Apocalipsis 19:16

Nee loh xahba Ñiꞌh cun cweꞌ cuuꞌdxi Ñiꞌh caa squiiꞌ: “Rehyi xteenn raꞌ rrehyi raꞌ, Daada xteenn raꞌ daada raꞌ.”