San Juan 3:5 - Zapoteco de Chichicapan

⁵ Chiꞌchi rahbi Jesuhs: ―Guchiin nin rñiꞌn loh luꞌh, bwiinn nin ayi gaalaa cun ñihsa cun Spíritu Saantu ayi gaca chuꞌtii ba loh guelrnabwaꞌ xteenn Dxiohs.

San Juan 3:5 Iomraidhean Croise

San Mateo 18:3

chiꞌchi rahbi Ñiꞌh loh raꞌ ba: ―Guchiin nin rñiꞌn loh tu sidela laꞌh tu ayi guchaꞌh tu loh xigaaba tu tin dxiaca naguꞌdzi lastoꞌ tu ziga naa lastoꞌ biñiꞌn riiꞌ, pwihsi ayi gaca chuꞌtii tu loh guelrnabwaꞌ xteenn Dxiohs.

San Mateo 19:24

pwihsi rñiꞌn loh tu stuhbi, ayi guinagahn ru tiidxi tuhbi camehyu llaaꞌn tuhbi guihchiguulla que ziga tiidxi tuhbi bwiinn rricu loh guelrnabwaꞌ xteenn Dxiohs.

San Mateo 21:31

Ya loh garoopa bi, ¿cuun tuhbi bi nin bazoꞌbadxiahga xchiꞌdxyi xpaah raꞌ bi? Chiꞌchi rahbi raꞌ ba: ―Nin mwer guñiꞌ ba loh ñiꞌh. Ya chiꞌchi rahbi Jesuhs loh raꞌ ba: ―Guchiin nin rñiꞌn loh tu, laꞌh raꞌ bwiinn raꞌ nin ruteesa xmweeyi Roma cun gunnaꞌh dxaaba raꞌ laꞌguñiidxiuu raꞌ guyuuꞌtii loh guelrnabwaꞌ xteenn Dxiohs que laꞌh tu,

San Mateo 28:19

niꞌchin nnah gulchehnee xchiꞌdxyiꞌhn loh garaa raꞌ bwiinn guidxyiyuh tin gulguiꞌhn laꞌh raꞌ ba xpwiinn raꞌn cun gulgaroꞌbañihsa laꞌh raꞌ ba pur lah Daada Dxiohs cun lah Lliiꞌn Ñiꞌh, cun lah Spíritu Santu,

San Mateo 3:11

Naꞌh guchiin nin cañiꞌn loh tu, naꞌh ruroꞌbañiꞌsahn cun ñihsa pur nin rusaguuꞌdzi stoꞌ raꞌ bwiinn xcweenta xtuhlda raꞌ ba nez loh Dxiohs. Per stuhbi bwiinn nin zeꞌnaꞌhla naꞌh zuroꞌbañihsa ba laꞌh bwiinn raꞌ cun Spíritu Saantu. Bwiinn chi lasahca duxa ru ba que naꞌh, per nin para gutiꞌdxiꞌhn tahba ba ayi lasahcaꞌhn.

San Mateo 5:20

pwihsi cañiꞌn loh tu sidela ayi guunnzaꞌca ru tu xtsiꞌn Dxiohs nee cun ayi guibahan zaꞌca ru za tu loh Dxiohs nee loh xcweenta raꞌ mwehsu nin ruluuꞌyi lehyi cun loh xcweenta raꞌ bwiinn fariseu raꞌ, ayi chuꞌtii tu loh raꞌ xpwiinn Dxiohs nez dxibaaꞌ.

San Marcos 10:14

ya chin bwaꞌha Jesuhs ziꞌchi cayahca, chiꞌchi bidxyiꞌchi Ñiꞌh ya rahbi Ñiꞌh loh raꞌ xpwiinn Ñiꞌh chi: ―Gulgasaaꞌn dxieꞌbiiga raꞌ biñiꞌn hasta zuꞌhn, ayi ru gucweꞌza tu laꞌh raꞌ bi, laasii xquelrnabwaꞌ Dxiohs naa xteenn raꞌ bwiinn nin nadoꞌlaadzi ziga biñiꞌn raꞌ riiꞌ,

San Marcos 16:16

Ya bwiinn nin chechiistoꞌ ñiꞌh dxyiꞌdxyi raꞌ riiꞌ nee chioobaañihsa za raꞌ ba bwiinn chi zilaꞌh loh duhlda, ya bwiinn nin ayi chechiistoꞌ raꞌ ñiꞌh bwiinn raꞌ chi ziñihchi loh duhlda,

San Marcos 9:47

Nee sidela laꞌh tuhbi bizloh luꞌh gusiaaban yiꞌh loh duhlda, guleꞌhen; mas chaꞌyi chuꞌtii luꞌh loh xquelrnabwaꞌ Dxiohs nicala cun tuhbi si bizloh luꞌh xlawaaꞌha chenee garoopan yiꞌh loh dxih xteenn gabihldxyi

San Lucas 13:24

―Gulguiꞌhnn jweersi chuꞌtii tu nez rwaaꞌ pweerta biꞌtuꞌhn galoh tu tin dxyiꞌbi ziahanrooꞌ bwiinn riclaaꞌdzi chuꞌtii raꞌ ban per ayi guunn raꞌ ba gahn chuꞌtii raꞌ ba.

San Lucas 13:3

Ñaan loh tu, ayi gaca ziꞌchi. Per sidela ayi gusaguꞌdzi stoꞌ tu loh Dxiohs ziꞌchi gahca saca garaa tu.

San Lucas 13:5

Ñaan loh tu, ayiza gaca ziꞌchi, per sidela ayi guchaꞌh tu ziga nabahan tu zuñihchi gahcaza tu.

San Juan 1:13

ayi pur nin naa raꞌ dxiꞌh ba lliiꞌn bwiinn guidxyiyuh, nee ayiza pur xigaaba raꞌ dxiꞌh xcuzahn raꞌ ba o pur chyulla stuhbi bwiinn, sino que guhcan pur xigaaba Dxiohs.

San Juan 3:3

Chiꞌchi rahbi Jesuhs loh ba: ―Guchiin nin rñiꞌn loh luꞌh, bwiinn nin ayi gaalaa nacuubi (nin zeꞌ loh deeꞌ naa chechiistoꞌ luꞌh xchiꞌdxyi Dxiohs) ayi nuu gwaꞌha ba loh guelrnabwaꞌ xteenn Dxiohs llaaꞌndxibaaꞌ.

San Juan 3:4

Chiꞌchi rahbi Nicodemu loh Ñiꞌh: ―Per, ¿xa gaca gaalaa nacuubi tuhbi ndxiꞌhw nin ba guyuꞌxa? ¿Ta zahca gabiaꞌgarii dxiuuꞌ ba stoꞌ xmaah ba stuhbi tin gaalaa nacuubi ba?

Hechos 2:38

Chiꞌchi rahbi Pehdru loh raꞌ ba: ―Gulgasaguꞌdzistoꞌ tu loh Dxiohs cun neezaa chioobaañihsa cada tuhbigah tu pur lah Jesucristu laasii ziꞌchi naa tuhbi sehn guzoꞌbadxiahga tu xchiꞌdxyi Jesucristu, nee tin ziꞌchiza zuhnn Dxiohs pardohn xtuhlda tu, ya chiꞌchiyi zuniꞌhi Dxiohs Spíritu Saantu laꞌhtu tin cweezaa Ñiꞌh laꞌn lastoꞌ tu.

Hechos 3:19

Niꞌchin nnah gulgacuꞌdzi stoꞌ tu nee gulgabiaꞌgarii nez loh Dxiohs, nee tin gusiaꞌpitii Ñiꞌh xtuhlda tu,

Romanos 14:17

laasii loh xquelrnabwaꞌ Dxiohs ayi naaꞌhan xa chiꞌhyisi bwiinn xa gahw raꞌ cun xa guee raꞌ ba; sola xquelrnabwaꞌ Dxiohs naaꞌhan xcweenta ziga guibahan nayaa luꞌh nezloh Dxiohs neezaa guelrbwihdxyii stoꞌ cun guelriahxistoꞌ pur xcweenta Spíritu Saantu xteenn Dxiohs,

Romanos 8:2

ya lehyi xteenn Spíritu nin runiꞌhi guelnabahan pur nin naa nuꞌh tuhsi cun laꞌh Jesucristu, bataꞌh Ñiꞌh laꞌh nuꞌh loh xquelrnabwaꞌ lehyi duhlda cun loh lehyi guelguhchi,

1 Corintios 15:50

Pwihsi xclaaꞌdzihn guiñiꞌn loh tu bwiitsi raꞌn, nin naa bweꞌhla nee dzihta nin guhlanee nuꞌh ayi nuu chuu raꞌn loh xquelrnabwaꞌ Dxiohs, nacuubi gaca garaatiiꞌ; pwihsi nin rñihchiloh ayi nuu chuu niꞌchi loh nin ayi rñihchilohtiiꞌ,

1 Corintios 2:12

per laꞌh raꞌ nuꞌh ayi chyu gucaꞌha guelnaann xteenn guidxyiyuh, sino que bachicaꞌha nuꞌh Spíritu Saantu Dxiohs nin nuu dxibaaꞌ, tin gacabwaꞌ zaꞌca nuꞌh xcweenta raꞌ cohsa nin baniꞌhi Ñiꞌh laꞌhnuꞌh, laasii balahsastoꞌ Ñiꞌh laꞌhnuꞌh.

1 Corintios 6:11

Ziga lasaaꞌ raꞌ bwiinn raꞌ riiꞌ guhca raꞌ paaldaa tu, per nnah laꞌh Dxiohs bazuhnayaa lastoꞌ tu, nnah laꞌhtu banaa tu bwiinn nayaa nezloh Ñiꞌh laasii basiaꞌpitii Ñiꞌh xtuhlda tu pur xcweenta Jesucristu nee pur xcweenta za Spíritu Saantu Dxiohs. Niꞌchin nnah ya naa tu xpwiinn Ñiꞌh.

Gálatas 6:15

Laasii sidela naa nuꞌh tuhsi cun laꞌh Jesucristu, nicala nuu nuꞌh o nicala ayi chuu nuꞌh bwaꞌ xteenn circuncisión, nin naa mahzi bwen gaca nuꞌh tuhbi bwiinn nin badxaꞌh ya biuuꞌ ba ganaalla lligaaba cuubi raꞌ pur xchiꞌdxyi Jesucristu.

Efesios 5:26

Bwiꞌhnn Ñiꞌh squiiꞌ tin basiaa Ñiꞌh xtuhlda raꞌ bwiinn raꞌ nin naa xquidoꞌ Ñiꞌh tin ziꞌchi gaca raꞌ ba tuhbi bwiinn nayaa nezloh Ñiꞌh nee biaa za lastoꞌ raꞌ ba cun xchiꞌdxyi Ñiꞌh, zigazi riaa lahdxi dxiimma cun ñihsa,

1 Pedro 1:2

Xtaada Dxiohs nuꞌh gulii laꞌhtu galohyi, gulii Ñiꞌh laꞌhtu para laꞌh gahca Ñiꞌh tin guunn Spíritu Saantu xteenn Ñiꞌh xtsiꞌn Ñiꞌh laꞌn lastoꞌ tu tin guzoꞌbadxiahga tu xchiꞌdxyi Jesucristu tin gaca nayaa lastoꞌ tu pur xcweenta llarihn Ñiꞌh. Rnaꞌbaꞌhn loh Dxiohs gacanee chaꞌyi ru Ñiꞌh laꞌhtu, nee gusacwachidxyii Ñiꞌh stoꞌ tu.

1 Pedro 3:21

Ya chin rrobañihsa nuꞌh nnah, zahca gahbi nuꞌh ñihsa nin rrobañihsa nuꞌh chi naa ziga zi hasta rlaꞌh nuꞌh loh duhlda, laasii ziga gulaꞌh galluhnna raꞌ ba biaꞌhan hasta nnah ziga rlaꞌh nuꞌh loh duhlda. Guelrrohbañihsa ayi naan para gusiaan tihxi bwiinn sino que para guinaaban loh Dxiohs tuhbi lligaaba nayaa para laꞌhnuꞌh, nee rutaꞌhan laꞌhnuꞌh pur xcweenta nin babahn Jesucristu loh guelguhchi.

1 Juan 2:29

yaque laꞌhtu naann tu nazaꞌca naa Dxiohs, pwihsi ziꞌchi za gulgahcabwaꞌ garaa raꞌ nin guunn ganaalla dziꞌn zaꞌca naa raꞌ bwiinn raꞌ chi lliiꞌn Dxiohs.

1 Juan 5:1

Garaa raꞌ bwiinn raꞌ nin riachii stoꞌ raꞌ ñiꞌh laꞌh Jesuhs naa Crixtu, bwiinn chi naa lliiꞌn Dxiohs; pwihsi ziga gacaꞌh stoꞌ raꞌ nuꞌh laꞌh Xtaada Dxiohs nuꞌh, ziꞌchi gahca za gacaꞌh stoꞌ nuꞌh laꞌh raꞌ bwiinn raꞌ nin naa raꞌ lliiꞌn Dxiohs nin nuu dxibaaꞌ,