San Juan 3:17 - Zapoteco de Chichicapan

¹⁷ laasii Dxiohs ayi guluꞌnehza dxiꞌh Ñiꞌh laꞌh Lliiꞌn Ñiꞌh loh guidxyiyuh tin gudziiꞌba Ñiꞌh duhlda yihca raꞌ bwiinn guidxyiyuh, sino que guhldaꞌh Ñiꞌh laꞌh raꞌ ba loh duhlda.

San Juan 3:17 Iomraidhean Croise

San Mateo 1:23

Zuꞌa lliiꞌn tuhbi dxaꞌpa nin nagahdxi guidxiꞌtiiꞌ tuhbi ndxiꞌhw, ya chin gaalaa lliiꞌn bi guiriaꞌlah badoꞌyiꞌhn chi Emanuel (nin rzaꞌloh Dxiohs nabahannee laꞌh nuꞌh).

San Mateo 18:10

Rahbi za Ñiꞌh: ―Pwihsi gulguiaꞌha gah tin ayi cweꞌhestoꞌ tu laꞌh raꞌ bwiinn nin naa ziga biñiꞌn biꞌtuꞌhn raꞌ riiꞌ, pwihsi rñiꞌn loh tu xaanjla raꞌ bi guillii-guillii riiꞌ raꞌ ba loh Xtaaꞌdahn nin nuu dxibaaꞌ,

San Mateo 18:11

laasii laꞌh Lliiꞌn Dxiohs nin naa ndxiꞌhw zeꞌ loh guidxyiyuh tin gutaꞌh Ñiꞌh laꞌh raꞌ bwiinn duhlda raꞌ nin bizaꞌbi loh duhlda.

San Lucas 19:10

laasii naꞌh naan Lliiꞌn Dxiohs nin naa ndxiꞌhw tin chiꞌhyihn bwiinn raꞌ nin cagañihchi pur xtuhlda raꞌ ba tin naꞌh guhldaꞌhraꞌn ba loh xtuhlda raꞌ ba.

San Lucas 9:56

Guxeꞌhla Xtaaꞌdahn naꞌh loh guidxyiyuh, per ayi par guñihchiloodxiꞌhn bwiinn raꞌ sino que zeꞌldahn tin guhldaꞌhn laꞌh raꞌ ba loh duhlda. Chiꞌchi zee raꞌ ba stuhbi guihdxyi.

San Juan 1:29

Ya chin barah gueꞌla, bwaꞌha Jwahn loh Jesuhs zeegadzihn Ñiꞌh hasta zuu Jwahn, chiꞌchi rahbi Jwahn: ―¡Gulguiaꞌha! Riiꞌ laꞌh Xiꞌhyi Dxiohs nin rusiaꞌpitii xtuhlda raꞌ bwiinn guihdxyiyuh badzihn.

San Juan 10:36

ya sidela laꞌh Dxiohs gulii naꞌh tin guluꞌnehza Ñiꞌh naꞌh loh guidxyiyuh riiꞌ, ¿xaalla rñiꞌ chiꞌh tu laꞌhtu cañiꞌyaan laꞌh Dxiohs laasii cañiꞌn naan Lliiꞌn Dxiohs?

San Juan 11:42

Naꞌh naꞌnnahn ayi chuu dxyih nin ayi dxihn luꞌh chin rñiꞌn loh yuꞌbiluꞌh, pwihsi rñiꞌñin pur bwiinn raꞌ nin rii riiꞌ, tin chechiistoꞌ raꞌ ba yiꞌh guluꞌnehza luꞌh naꞌh.

San Juan 17:18

Ziga guluꞌnehza luꞌh naꞌh loh raꞌ nin naa raꞌ bwiinn guidxyiyuh, ziꞌchi za naꞌh ziguꞌneeza raꞌn ba tin chee raꞌ ba loh gaduhbi guidxyiyuh.

San Juan 17:21

Rdxiꞌhnaꞌhn loh Yuꞌbiluꞌh garaa raꞌ ba cwih raꞌ ba tuhsi juunta, nee gaca raꞌ ba tuhsi cun laꞌh raꞌ nuꞌh, Xtaaꞌdahn ziga nuunee luꞌh naꞌh, ziꞌchiza nuuneen yiꞌh, pwihsi nahpa cwih raꞌ ba tuhsi juunta, tin ziꞌchi chechiistoꞌ raꞌ bwiinn guidxyiyuh Yuꞌbiluꞌh guluꞌnehza luꞌh naꞌh loh guidxyiyuh.

San Juan 17:23

naꞌh cun laꞌh raꞌ ba ya yiꞌh cun naꞌh, tin ziꞌchi gaca raꞌ ba tuhsi, ya ziꞌchi zahcabwaꞌ raꞌ bwiinn guidxyiyuh Yuꞌbiluꞌh guluꞌnehza luꞌh naꞌh loh guidxyiyuh, nee rucaꞌha za stoꞌ luꞌh naꞌh.

San Juan 17:25

Xtaaꞌdahn nin ruhnn ganaalla dziꞌn zaꞌca, bwiinn raꞌ nin naa bwiinn guidxyiyuh ayi nuꞌnbwaꞌ raꞌ ba Yuꞌbiluꞌh, per naꞌh nuꞌnbwaꞌn yiꞌh nee bwiinn raꞌ riiꞌ ya laꞌh raꞌ ba guhcabwaꞌ Yiꞌh guluꞌnehza luꞌh naꞌh

San Juan 17:3

Dee si raꞌ nahpa guelnabahan nin ayi ñichilohtiiꞌ; bwiinn raꞌ nin nuꞌnbwaꞌ Yuꞌbiluꞌh, nin naa tuhbi dxiꞌh Yuꞌbi Dxiohs, nee cun neezaa naꞌh, Jesucristu, nin guluꞌnehza luꞌh loh guidxyiyuh.

San Juan 17:8

pwihsi baluꞌyiꞌhn dxyiꞌdxyi raꞌ nin baniꞌhi luꞌh guiñiꞌn loh raꞌ ba, ya laꞌh raꞌ ba riachiistoꞌ raꞌ ban, nee neezaa cagadiꞌhi raꞌ ba cweenta naꞌh zeꞌldahn loh guidxyiyuh pur xcweenta Yuꞌbiluꞌh, nee riachii za stoꞌ raꞌ ba Yuꞌbiluꞌh guluꞌnehza luꞌh naꞌh.

San Juan 20:21

Chiꞌchi rahbi Jesuhs stuhbi: ―¡Gulcwahchidxyii stoꞌ tu! Ziga guluꞌnehza Xtaaꞌdahn naꞌh, ziꞌchiza rguꞌneezahn laꞌhtu.

San Juan 3:34

laasii bwiinn nin guluꞌnehza Dxiohs loh guidxyiyuh ganaalla xchiꞌdxyi Dxiohs rñiꞌ ba, laasii pur Dxiohs gwadxahtiiꞌ stoꞌ nabahan ba cun Spíritu Saantu.

San Juan 5:36

per naꞌh naꞌpahn nin ruluuꞌyiloh ru chyu naan nin lasahca ru loh nin guñiꞌ Jwahn: dziꞌn gahca raꞌ nin ruꞌnnahn naan tuhsi gahca cun dziꞌn nin baniꞌhi Xpaaꞌn naꞌh guꞌnnahn, pwihsi dee raꞌ ruluuꞌyi Xtaada nin guluꞌnehza naꞌh.

San Juan 5:38

per xchiꞌdxyi ba ayi riaꞌzi tun laasii ayi riachiistoꞌ tu naꞌh, ziga naan Lliiꞌn Ñiꞌh nin guluꞌnehza Ñiꞌh.

San Juan 5:45

Ayi guunn tu lligaaba naꞌh gudziiꞌbaꞌhn duhlda yihca tu nez loh Xtaaꞌdahn, laasii bwiinn nin gudziiꞌba duhlda yihca tu naa guehtu Moisehs gahca nin riachiistoꞌ tu xlehyi ñiꞌh.

San Juan 6:29

Chiꞌchi rahbi Jesuhs loh raꞌ ba: ―Nin xclaaꞌdzi Dxiohs guunn tu naa chechiistoꞌ tu xchiꞌdxyi Lliiꞌn Ñiꞌh nin guluꞌnehza Ñiꞌh loh guidxyiyuh.

San Juan 6:38

laasii naꞌh ayi zeꞌldadxiꞌhn nez llaaꞌndxibaaꞌ tin guꞌnnahn nin naa xigaabasihn loh guidxyiyuh riiꞌ sino que naꞌh zeꞌldahn tin guꞌnnahn nin xclaaꞌdzi Xtaaꞌdahn nin nuu dxibaaꞌ gaca,

San Juan 6:40

laasii ziga naa xigaaba Xtaaꞌdahn nin nuu dxibaaꞌ garaa raꞌ bwiinn raꞌ nin gwaꞌha laꞌh Lliiꞌn Ñiꞌh nee chechiizastoꞌ raꞌ ba laꞌh Ñiꞌh, zahpa raꞌ ba guelnabahan nin ayi ñichilohtiiꞌ, ya naꞌh gucwaꞌnraꞌn ba loh guelguhchi chin guigaꞌha hohra nin guibiaꞌgariin.

San Juan 6:57

Xtaaꞌdahn nin guluꞌnehza naꞌh loh guidxyiyuh, nahpa za ba guelnabahan, nee naꞌh nabahanahn pur laꞌh ba; pwihsi ziꞌchi gahca za laꞌh bwiinn nin gucaꞌstoꞌ ñiꞌh naꞌh zibahan za ba pur naꞌh.

San Juan 7:29

per naꞌh nuꞌnbwaꞌn laꞌh ba laasii naꞌh zeꞌldahn hasta nuu ba, nee laꞌh ba guluꞌnehza ba naꞌh.

San Juan 8:11

Chiꞌchi rahbi gunnaꞌh chi loh Jesuhs: ―Daada, nin tuhbi raꞌ ba. Ya chiꞌchi rahbi Jesuhs loh gunnaꞌh chi: ―Nin naꞌh za ayi xi duhlda gudziiꞌbaꞌhn yihca luꞌh; pwihsi nnah gwah, ayiru cheezah luꞌh loh duhlda.

San Juan 8:42

Chiꞌchi rahbi Jesuhs loh raꞌ ba: ―Sidela guchii tu naa Dxiohs Xtaada tu, pwihsi ñantsiiꞌhi tu naꞌh, laasii naꞌh zeꞌldahn pur xcweenta Dxiohs nee laꞌn zuuꞌhu loh tu riiꞌ; naꞌh ayi zeꞌldahn pur xcweenta gahcahn, sino que Dxiohs guluꞌnehza naꞌh loh guidxyiyuh.

1 Juan 2:2

Guhchi Jesucristu xcweenta nuꞌh loh cruhzi, gudxihlli Ñiꞌh xcweenta xtuhlda raꞌ nuꞌh loh cruhzi, nee ayi xtuhlda zi dxiꞌh nuꞌh gudxihlli Ñiꞌh sino que nezaa xtuhlda raꞌ garaa raꞌ bwiinn guidxyiyuh.

1 Juan 4:14

ya laꞌh gahca nu bidiaꞌhaloh nu, niꞌchin nin rachiñiꞌ nu; laꞌh Daada Dxiohs guxeꞌhla Ñiꞌh Lliiꞌn Ñiꞌh tin guziaꞌtii Ñiꞌh xtuhlda raꞌ bwiinn guidxyiyuh,