San Juan 21:16 - Zapoteco de Chichicapan

¹⁶ Chiꞌchi rahbilaꞌgaꞌh Jesuhs: ―Simohn, lliiꞌn Jonahs, ¿ta nadziiꞌhi luꞌh naꞌh? Chiꞌchi rahbi Pehdru: ―Ziꞌchi Daada; yiꞌh naann luꞌh nin riahxiꞌhn xcweenta ñiꞌh. Chiꞌchi rahbi Jesuhs: ―Guhpa laꞌh raꞌ xpwiiꞌnnraꞌn nin naa ziga xiꞌyiraꞌn.

San Juan 21:16 Iomraidhean Croise

San Mateo 2:6

Ya yiꞌh guihdxyi Belehn, yuh xteenn Judea, tayi yiꞌh dxiꞌh naa luꞌh biꞌtuꞌhn ru loh raꞌ guihdxyi liꞌhi, nee nnah yiꞌh gaca luꞌh tuhbi guihdxyi nin gaalaa tuhbi bwiinn nin guinabwaꞌ nin guluuꞌyi neziuh zaꞌca laꞌh guihdxyi Israel xteꞌnnahn.

San Mateo 25:32

ya garaa raꞌ bwiinn gallee guihdxyi raꞌ gadiaaꞌha loh Ñiꞌh, ya riꞌchi gabwii Ñiꞌh laꞌh raꞌ xpwiinn Ñiꞌh ziga zi rabwiꞌhi lliꞌhyi loh raꞌ chihba,

San Mateo 26:72

Ya chiꞌchi basaguiꞌhi Pehdru stuhbi hasta guñiꞌ chihpa ba rahbi ba: ―¡Ayi nuꞌnbwaꞌn bwiinn ca!

San Lucas 19:10

laasii naꞌh naan Lliiꞌn Dxiohs nin naa ndxiꞌhw tin chiꞌhyihn bwiinn raꞌ nin cagañihchi pur xtuhlda raꞌ ba tin naꞌh guhldaꞌhraꞌn ba loh xtuhlda raꞌ ba.

San Juan 18:17

ya chiꞌchi gunaabadxyiꞌdxyi tuhbi mooza gunnaꞌh nin rahpa rwaaꞌ leeꞌ chi loh Pehdru rahbi ba: ―¿Taayi nee dxiꞌh luꞌh naa luꞌh tuhbi raꞌ xpwiinn ndxiꞌhw ca? Chiꞌchi rahbi Pehdru: ―Ayi nee dxiꞌhn.

San Juan 18:25

Ya zuu gahca Pehdru riꞌchi zuu gabihdxyi ba, ya chiꞌchi gunaabadxyiꞌdxyi raꞌ ba loh Pehdru rahbi raꞌ ba: ―¿Taayi nee dxiꞌh luꞌh naa luꞌh tuhbi raꞌ xpwiinn ndxiꞌhw ca? Chiꞌchi rahbi Pehdru: ―Ayi nee dxiꞌhn.

San Juan 21:17

Ya nin riohnna bweelta gunaabadxyiꞌdxyi Jesuhs loh Pehdru, rahbi Ñiꞌh: ―Simohn, lliiꞌn Jonahs, ¿ta guchii luꞌh riahxi luꞌh pur xcweeꞌntahn? Ya chiꞌchi mwedxi bwiꞌhnn nalaasa loh Pehdru laasii nin biohnna bweelta gunaabadxyiꞌdxyi Ñiꞌh loh Pehdru sidela laꞌh Pehdru guchiipaꞌh rucaꞌstoꞌ bi laꞌh Ñiꞌh, chiꞌchi rahbi Pehdru: ―Ziꞌchi Daada; Yuꞌbiluꞌh naann luꞌh garaatiiꞌ, naannza luꞌh riahxiꞌhn pur xcweenta luꞌh. Chiꞌchi rahbi Jesuhs; ―Guhpa laꞌh raꞌ xpwiiꞌnnraꞌn nin naa raꞌ ziga xiꞌhyiraꞌn.

Hechos 20:28

Niꞌchin gulgahpaa dziꞌtsi nee cun neezaa raꞌ snuhn raꞌ bwiinn nin naa raꞌ xpwiinn Dxiohs tin niꞌchi baniꞌhi Spíritu Saantu guinabwaꞌ tu loh raꞌ bwiinn nin naa xpwiinn Ñiꞌh, tin niꞌchin guziꞌ Ñiꞌh laꞌh raꞌ xpwiinn Ñiꞌh chi cun llerihn Ñiꞌh.

Hebreos 13:20

Laꞌh Dxiohs nin naa guelrbwihdxyii stoꞌ, nin bacwaꞌhn laꞌh Jesucristu loh guelguhchi, Jesucristu naa xpallwaaꞌn raꞌ lliꞌhyi pur llarihn Ñiꞌh nin bwiꞌhnn guzohba dxyiꞌdxyi cuubi nin ba naa par tuꞌpazi.

1 Pedro 2:25

laasii laꞌhtu desde galohyi guhca tu ziga zi lliꞌhyi nin bizaꞌbi raꞌ, per nnah laꞌhtu biuuꞌnehza loh Jesucristu, tin naa Ñiꞌh xbaxtohr loh tu, nee laꞌh Ñiꞌh naa Ñiꞌh rahpa xaalma tu.

1 Pedro 5:2

gulgahpa laꞌh raꞌ bwiinn raꞌ nin naa raꞌ ziga xiꞌyiꞌhn Dxiohs, laꞌhtu nin naa raꞌ ziga baxtohra; gulguiꞌhnnan tal ziga xclaaꞌdzi Dxiohs gaca, per ayi pur nin nahpa guunn dxiꞌh tun sino que pur xcuuxta tu; nin ayi pur saꞌbi dxiꞌh stoꞌ tu xcweenta mweeyi sino que gulguiꞌhnn xtsiꞌn tu cun gaduhbi stoꞌ tu.

Apocalipsis 7:17

laasii laꞌh Xiꞌhyi Dxiohs nin zohba galaayillee loh yahgaxiiyi rooꞌ nin naa tronu nez dxibaaꞌ gaapa laꞌh raꞌ ba ziga zi lliꞌhyi raꞌ, ya chenee Ñiꞌh laꞌh raꞌ ba hasta nuu ñihsa nin naa guelnabahan; ya Dxiohs gucwiꞌdzi rwaꞌhaloh raꞌ ba cun ñihsabwii raꞌ nin ruꞌn raꞌ ba.