San Juan 2:21 - Zapoteco de Chichicapan

²¹ Per xcweenta guidoꞌ nin guñiꞌ Jesuhs loh raꞌ bwiinn raꞌ chi naa bweꞌltihxi Ñiꞌh.

San Juan 2:21 Iomraidhean Croise

San Juan 1:14

Pwihsi laꞌh nin naa dxyiꞌdxyi guhca Ñiꞌh tuhbi bwiinn guidxyiyuh nee guyuuꞌnee za Ñiꞌh laꞌhnu; nee nadziiꞌhi paꞌcaa Ñiꞌh laꞌh nu, cun rñiꞌ za Ñiꞌh dxyiꞌdxyi nanchii loh nu, nee bidiaꞌhaloh za nu llaꞌñih xteenn Ñiꞌh, nin naa llaꞌñih yuꞌpi Lliiꞌn Xtaada Dxiohs nuꞌh.

San Juan 2:22

Pwihsi niꞌchin chin babahn Ñiꞌh loh guelguhchi, bagannastoꞌ raꞌ xpwiinn Ñiꞌh xcweenta dxyiꞌdxyi raꞌ riiꞌ, ya ziꞌchi gwachiistoꞌ raꞌ ba ziga caa loh Xchihtsi Dxiohs cun ziga guñiꞌ Jesuhs xchiꞌdxyi Ñiꞌh.

1 Corintios 3:16

¿Tayi gaann tu laꞌhtu naa tu xquidoꞌ Dxiohs, nee nuu nabahan Spíritu Saantu Dxiohs laꞌn lastoꞌ tu?

1 Corintios 6:19

¿Tayi gaann tu tihxi tu naa xquidoꞌ Spíritu Saantu Dxiohs nin nuu dxibaa, ya nuu Spíritu Saantu laꞌn lastoꞌ tu? Niꞌchin laꞌhtu ayi nuu guinabwaꞌ tu laꞌh gahca tu,

2 Corintios 6:16

¿Xi nah tu? ¿Gu ziga naa xquidoꞌ Dxiohs naa za xquidoꞌ dxaan raꞌ? Laasii laꞌhnuꞌh naa nuꞌh xquidoꞌ Dxiohs nin nuu dxibaaꞌ, ziga gahca guñiꞌ Dxiohs galoh: Ziuuꞌhuhn nez laꞌn lastoꞌ raꞌ ba, zizaꞌneezaaraꞌn ba; Naꞌh gacaꞌhn Xchiohs tu, ya laꞌhtu gaca tu xpwiiꞌnn raꞌn.

Colosenses 1:19

Ziꞌchi guhca laasii ziꞌchi bwiꞌhnn Dxiohs lligaaba guhca tin ziꞌchi garaa guelnabahan dziꞌtsi nin rdxeela pur xcweenta Dxiohs rdxeela zan pur xcweenta lliiꞌn Ñiꞌh.

Colosenses 2:9

laasii garaa guelrnabwaꞌ cun garaa za llaꞌñih nin nahpa Dxiohs, nahpaza Jesucristu nicala laꞌh Ñiꞌh guñah Ñiꞌh ziga tuhbi bwiinn guidxyiyuh,

Hebreos 8:2

nee naa Ñiꞌh bixohza laꞌn yuuꞌ nin naa saantu nadaa, hasta bwiꞌhnnchaꞌyi Dxiohs; ayi laꞌn guidoꞌ dxiꞌh nin ruhnn chaꞌyi raꞌ bwiinn loh guidxyiyuh.