San Juan 2:10 - Zapoteco de Chichicapan

¹⁰ chiꞌchi rahbi ba: ―Garaatiiꞌ raꞌ bwiinn guee raꞌ mwehrgaloh vihnnu zaꞌca, ya chin laꞌh raꞌ ba gwaaꞌ ziꞌyi vihnnu zaꞌca, chiꞌchi guee raꞌ gaꞌh ba nuhn vihnnu corrienta, per yiꞌh nuu guꞌchaꞌyi luꞌh vihnnu zaꞌca chi hasta nnah.

San Juan 2:10 Iomraidhean Croise

San Mateo 24:49

ya soꞌbaloh ba gusaꞌcazii ba laꞌh raꞌ snuhn raꞌ xmooza xballwaaꞌn ba, ya soꞌbaloh gahw ba guee ba mascahyi cun snuhn raꞌ lasaaꞌ bwiinngwaaꞌ ba,

San Lucas 12:45

Per sidela guunn mooza chi lligaaba laꞌn lastoꞌ ba: “Zahcataꞌh guibiaꞌgarii xpallwaaꞌnaꞌhn”, talguꞌnsi soobaaloh ba gahwxaꞌta ba, guee ba, suhdzi ba;

San Lucas 16:25

Chiꞌchi rahbi Abrahn: “Xiiꞌhihn, basazaꞌstoꞌ luꞌh chin gubahan luꞌh loh guidxyiyuh gohpa luꞌh garaatiiꞌ cohsa raꞌ badiꞌhi guuxta stoꞌ luꞌh, ya Lásaro ayi xi gohpa ba niꞌchin gubahan guelzii ba, yannah laꞌhba cagaziꞌlaaꞌdzi ba, ya yiꞌh ruhnn tucahri tiidxi luꞌh trabahjw.

Hechos 2:15

Ayi rzuhdzi dxiꞌh nu ziga ruhnn tu lligaaba. ¿Tayi rwaꞌha tu rsiiyiru ñiꞌ gueꞌdu xcagaꞌ ñiꞌh?

1 Corintios 11:21

laasii chin laꞌh xchih gurih loh mweella, chiꞌchi tuhbigah raꞌ bwiinn rusiooba raꞌ ba rcaꞌha raꞌ ba xi rahw raꞌ ba. Gaduhbi nin riigah nuhn raꞌ nin cachiaꞌhan pur nin gueꞌdu gahw raꞌ ba, ya snuhn raꞌ ba ya gudahwxaꞌta raꞌ ba hasta guzuhdzi raꞌ ba.

Efesios 5:18

Ayi gaca tu bwiinn gwaaꞌ, laasii guerreeꞌ ruhnn rbweꞌhetiiꞌ duꞌh naa bwiinn cun ziga dziꞌn dxaaba nin ruhnn raꞌ ba, mas gulgadiꞌhi lastoꞌ tu guunnyihdzi Spíritu Saantu xteenn Dxiohs.

1 Tesalonicenses 5:7

Pwihsi bwiinn nin rahsi gueꞌla rahsi si ba; ayi ruhnn cweenta ba Dxiohs. Bwiinn raꞌ nin rzuhdzi ziga gueꞌla nacahyi, nuu zuhdzi ba laasii ayi guinacweenta ba loh Dxiohs,

Apocalipsis 17:2

Garaa raꞌ rrehyi raꞌ nin nuu loh guidxyiyuh guhpa raꞌ ba duhlda pur gunnaꞌh riiꞌ ya basiꞌnaaꞌha xquelrusaguiꞌhi gunnaꞌh riiꞌ laꞌh raꞌ ba pur nin bidxiꞌ duhlda raꞌ ba laꞌh gunnaꞌh riiꞌ.

Apocalipsis 17:6

Chiꞌchi lwehgu badiꞌhihn cweenta nuullaadxuu yihca gunnaꞌh chi cun llarihn raꞌ xpwiinn Dxiohs nin badxiinn ba, nee cun neezaa llarihn raꞌ bwiinn raꞌ nin baluuꞌyi xchiꞌdxyi Jesucristu. Ya chin bwaꞌhahn cohsa raꞌ chi bidxyiibi duuxaꞌhn,