San Juan 19:6 - Zapoteco de Chichicapan

⁶ Ya chin bwaꞌha raꞌ bixohza nin rnabwaꞌ laꞌh raꞌ bixohza cun guixaꞌga raꞌ xteenn guidoꞌ laꞌh Jesuhs ziꞌchi, mahziru gudihdxyidxiahyoꞌba raꞌ ba rahbi raꞌ ba: ―¡Bacaꞌh ba loh cruhzi! ¡Bacaꞌh ba loh cruhzi! Chiꞌchi rahbi Pilahtu: ―Pwihsi gulchenee ba laꞌhtu, ya laꞌgahca tu gulgacaꞌh ba loh cruhzi, laasii naꞌh ayi rdxeelaꞌhn nin tuhbi xtuhlda bwiinn ca.

San Juan 19:6 Iomraidhean Croise

San Mateo 26:58

Nee Pehdru gwanaꞌhla laꞌh raꞌ bwiinn nin zenee laꞌh Ñiꞌh zihtu-zihtu naꞌhla Pehdru hasta badzihn ba rwaaꞌ yihdzi bixohza nin rnabwaꞌ nin laa Caifahs, ya guyuuꞌtii Pehdru rwaaꞌ yihdzi ba zohba Pehdru lahda raꞌ guixaꞌga raꞌ xteenn guidoꞌ nin rii riꞌchi tin cagaldaꞌtsi ba guidiaꞌhan xa chaꞌloh garaa raꞌ nin cayahca raꞌ chi.

San Mateo 27:22

Chiꞌchi gunaabadxyiꞌdxyi Pilahtu loh raꞌ bwiinn chi rahbi ba: ―Ya ¿cuun xchiꞌh nin xclaaꞌdzi tu cun guuneꞌhn Jesuhs, nin laa Crixtu? Chiꞌchi rahbi garaa raꞌ ba: ―¡Bacaꞌh ba loh cruhzi!

San Mateo 27:24

Ya chin bwaꞌha Pilahtu ayi nuu xa guunn ba laasii riichihpa raꞌ bwiinn chi gaca nin xclaaꞌdzi raꞌ ba, hasta chaasa ru raꞌ ba cun dxixiꞌhw, chiꞌchi gunabwaꞌ Pilahtu gwacaꞌh tuhbi xpwiinn ba ñihsa tin gudxiꞌbi naa ba nez delanta loh raꞌ bwiinn ziahan chi ya rahbi ba loh raꞌ ba: ―Ayi xi duhlda naꞌpahn pur nin gachi bwiinn zaꞌca riiꞌ; xtuhlda tun laꞌh tu.

San Lucas 23:4

Chiꞌchi rahbi Pilahtu loh raꞌ bwiinn nin rnabwaꞌ laꞌh raꞌ bixohza cun loh raꞌ garaa raꞌ bwiinn nin rii riꞌchi: ―Ayi rdxeelaꞌhn nin tuhbi xtuhlda bwiinn riiꞌ.

San Juan 18:3

Niꞌchin lwehgusi riꞌchi badzihnnee Judas nuhn suldahdu Romanu cun paaldaa raꞌ guixaꞌga xteenn guidoꞌrooꞌ, ya bwiinn raꞌ riiꞌ gwah raꞌ ba riꞌchi pur xquelrnabwaꞌ raꞌ bixohza raꞌ nin rnabwaꞌ laꞌh raꞌ garaa bixohza nee cun xquelrnabwaꞌ za raꞌ bwiinn fariseu raꞌ. Nuꞌa raꞌ ba spahda nee cun lahnsa, nee nuꞌa za raꞌ ba lámpara raꞌ cun atorcha raꞌ nin ruhnn biaꞌñih.

San Juan 18:31

Chiꞌchi rahbi Pilahtu loh raꞌ ba: ―Gulchenee ba laꞌhgahca tu gulguiꞌhnn guelguxchisi xcweenta ba ziga naa xlehyi tu. Ya chiꞌchi rahbi raꞌ bwiinn Israel raꞌ chi: ―Per laꞌhnu ziga naa nu bwiinn Israel ayi rusaaꞌn xlehyi tu gachidxiinn nu nin tuhbi bwiinn.

San Juan 18:38

Chiꞌchi rahbi Pilahtu: ―¿Cuun xchiꞌh za nin naa dxyiꞌdxyi guchii? Ya chin guyaꞌloh gunaabadxyiꞌdxyi Pilahtu dxyiꞌdxyi raꞌ riiꞌ, biriaꞌh ba stuhbi tin guñiꞌ ba loh raꞌ bwiinn Israel stuhbi rahbi ba: ―Naꞌh ayi rdxeelaꞌhn nin tuhbi xtuhlda bwiinn riiꞌ,

San Juan 19:15

Chiꞌchi rahbi raꞌ ba jweersirooꞌ: ―¡Gachi ba! ¡Gachi ba! ¡Bacaꞌh ba loh cruhzi! Chiꞌchi rahbi Pilahtu loh raꞌ ba: ―¿Ta naꞌh gucaꞌhn laꞌh xrrehyi tu loh cruhzi? Ya chiꞌchi rahbi raꞌ bixohza raꞌ nin rnabwaꞌ raꞌ laꞌh raꞌ bixohza loh Pilahtu: ―¡Laꞌhnu ayiru chyu nahpa rrehyi, sola tuhbidxiꞌh laꞌh emperador!

San Juan 19:4

Ya chiꞌchi biriaꞌh laꞌgaꞌh Pilahtu stuhbi, chiꞌchi rahbi ba: ―Gulguiaꞌha, laꞌn cabweꞌhe bwiinn riiꞌ nezloh tu tin gacabwaꞌ tu ayi rdxeelaꞌhn nin tuhbi xtuhlda bwiinn riiꞌ.

Hechos 2:23

Per galohtiiꞌ laꞌh Dxiohs naann la xa guunnee tu laꞌh Jesucristu nin naa Lliiꞌn Ñiꞌh. Pura xigaaba gahca Ñiꞌh biuꞌn Ñiꞌh ntriehgu Lliiꞌn Ñiꞌh loh tu tin batiꞌdxi tu Ñiꞌh loh raꞌ bwiinn nadxaaba nin bacaꞌh laꞌh Ñiꞌh loh cruhzi tin guhchi Ñiꞌh.

Hechos 7:52

¿Chyu profeta ayi guñiꞌyah raꞌ guehtu xtaada guldooꞌ raꞌ tu xchiꞌdxyi ñiꞌh nin badiꞌhi Dxiohs? Guyaa garaatiiꞌ guehtu profehta raꞌ chi, nee gudxiinn raꞌ za ba laꞌh raꞌ guehtu profeta raꞌ nin guñiꞌ ziꞌ Jesucristu Lliiꞌn Dxiohs nin nuu dxibaaꞌ. Nnah laꞌh Ñiꞌh biꞌ, per laꞌh tu bacaꞌh tu laꞌh Ñiꞌh loh cruhzi chiꞌchi guhchi Ñiꞌh.