San Juan 18:4 - Zapoteco de Chichicapan

⁴ Ya laꞌh Jesuhs laꞌh Ñiꞌh guhcabwaꞌla garaa raꞌ nin gaca, chiꞌchi gunabadxyiꞌdxyi Ñiꞌh loh raꞌ bwiinn ziahan raꞌ chi, rahbi Ñiꞌh: ―¿Chyu radxiꞌhyi tu?

San Juan 18:4 Iomraidhean Croise

San Mateo 16:21

Ya hohra chi gahca guzoꞌbaloh guñiꞌ Jesuhs loh raꞌ xpwiinn Ñiꞌh nahpa chee Ñiꞌh guihdxyi Jerusalehn, laasii riꞌchi nahpa gutiꞌdxiloh Ñiꞌh guelrzaꞌcazii duxa lahtsi naa raꞌ bwiinnguuhla raꞌ, cun bixohza raꞌ nin rnabwaꞌ laꞌh raꞌ bixohza, cun mwehsu raꞌ nin ruluuꞌyi xlehyi Moisehs; neezaa rahbi Ñiꞌh: ―Nahpa zidxiinn raꞌ ba naꞌh, per chin dxiohnna dxyih guhchiꞌhn zabahnahn loh guelguhchi.

San Mateo 26:2

―Pwihsi laꞌh tu naann tu riaꞌdxi schiohpa dxyih lañih pascu zeꞌgadzihn, ya laꞌh Lliiꞌn Dxiohs nin naa ndxiꞌhw zahca Ñiꞌh ntriehgu loh raꞌ bwiinn duhlda tin gucaꞌh raꞌ ba laꞌh Ñiꞌh loh cruhzi.

San Mateo 26:21

ya gaduhbi nin riiyahwnee raꞌba laꞌh Ñiꞌh rahbi Ñiꞌh loh raꞌ ba: ―Guchiin nin rñiꞌn loh tu, tuhbi gahca tu naa nin gutooꞌ naꞌh.

San Mateo 26:31

ya chiꞌchi rahbi Jesuhs loh raꞌ ba: ―Garaatiiꞌ tu zusaaꞌn tu naꞌh nnahgueꞌla, pwihsi ziꞌchi caa loh Xchihtsi Dxiohs: “Zidxiꞌnnahn laꞌh nin rahpa lliꞌhyi ya ziaaꞌhan bizaꞌbi raꞌ lliꞌhyi raꞌ”,

San Lucas 24:44

chiꞌchi rahbi Jesuhs loh raꞌ ba: ―Deeꞌ naa xchiꞌdxyiꞌhn nin guñaan loh tu chin guyuuꞌneꞌhn laꞌh tu, guñaan loh tu nahpa zizohba gaca garaa dxyiꞌdxyi nin caa loh xlehyi Moisehs pur naꞌh, neezaa ziga caa loh xchihtsi daada raꞌ nin guñiꞌ xchiꞌdxyi Dxiohs, cun neezaa ziga caa loh chihbru nin laa Salmu.

San Juan 13:1

Chin nagahdxi gadzihn dxyih nin gaca lañih paascu, laꞌh Jesuhs guhcabwaꞌ laꞌh hohra bigaꞌha gusaaꞌn Ñiꞌh loh guidxyiyuh tin gacah Ñiꞌh llaaꞌndxibaaꞌ nez loh Xtaada Ñiꞌh. LaꞌhÑiꞌh gwazah bacaꞌhstoꞌ Ñiꞌh laꞌh raꞌ xpwiinn Ñiꞌh nin rii loh guidxyiyuh, bacaꞌhstoꞌ Ñiꞌh laꞌh raꞌ ba para tuꞌpazi.

San Juan 13:11

Guñiꞌ Ñiꞌh ayi guinayaa garaa raꞌ ba, laasii ba naann Ñiꞌh cuun nin guun ntriehgu laꞌh Ñiꞌh loh raꞌ bwiinn duhlda raꞌ.

San Juan 18:5

Chiꞌchi rahbi bwiinn raꞌ chi: ―Laꞌh Jesuhs nin zeꞌ guihdxyi Nazaret. Chiꞌchi rahbi Jesuhs: ―Naꞌhan. Ya neezaa Judas nin cayuhnn ntriehgu laꞌh Jesuhs dxaꞌga loh raꞌ bwiinn raꞌ chi,

San Juan 18:7

Chiꞌchi rahbi Jesuhs loh raꞌ ba stuhbi: ―¿Chyu radxiꞌhyi tu? Chiꞌchi rahbi raꞌ ba stuhbi: ―Laꞌh Jesuhs nin zeꞌ guihdxyi Nazaret.

San Juan 19:28

Ya chin guyaꞌloh garaa raꞌ deeꞌ, ya naann Jesuhs laꞌhgahn guhca garaa raꞌ cohsa raꞌ nin nahpa gaca, tin guzohba raꞌ xchiꞌdxyi Dxiohs nin caa pur xcweenta Ñiꞌh, niꞌchin rahbi Jesuhs: ―Rdxaagahn ñihsa.

San Juan 6:64

Per loh ziga rii tu riꞌca nuu mas paaldaa tu nin ayi riachiistoꞌ tu dxyiꞌdxyi nin rñiꞌn loh tu. Pwihsi Jesuhs desde galohyi naann Ñiꞌh cuun raꞌ bwiinn raꞌ nin riachiistoꞌ laꞌh Ñiꞌh nee cuun za nin naa bwiinn nin gutooꞌ laꞌh Ñiꞌh loh raꞌ bwiinn duhlda,

Hechos 2:28

laꞌluꞌh baluuꞌyi la naꞌh xa guibahanahn para tuꞌpazi, nee zusiahxi luꞌh naꞌh laasii guibahannee luꞌh naꞌh llaaꞌndxibaaꞌ.

1 Pedro 4:1

Pwihsi niꞌchin batiꞌdxiloh Jesucristu guelrzaꞌcazii xcweenta raꞌ xtuhlda raꞌ nuꞌh, guhchi Ñiꞌh loh cruhzi; neezaa laꞌhtu rgaꞌha guunn tu lligaaba zutiꞌdxiloh za tu guelrzaꞌcazii, laasii nin guzahcazii tihxi ñiꞌh ya baziaꞌtii ñiꞌh xneziuh duhlda,