San Juan 18:11 - Zapoteco de Chichicapan

¹¹ chiꞌchi rahbi Jesuhs loh Pehdru: ―Gucaꞌha spahda ca baguꞌchaꞌyin; sidela laꞌh Xpaaꞌn ya naa xigaaba ba tiꞌdxiꞌhn trabahjw riiꞌ nicala tiꞌdxiꞌhñin, ¿taayi nahpadxiꞌh naꞌh tiidxiꞌhñin?

San Juan 18:11 Iomraidhean Croise

San Mateo 20:22

Chiꞌchi rahbi Jesuhs: ―Laꞌh tu nin ayi gaann tu xiñin rdxiꞌhn tu; ¿ta ruhnn tu lligaaba zuhnn tu gahn gutiꞌdxiloh tu loh guelrzaꞌcazii nin gutiꞌdxiloon? Chiꞌchi rahbi raꞌ ba: ―Zidiꞌhnn nu gahn.

San Mateo 26:39

Ya gwah Jesuhs stuhbiꞌtuꞌhn ru delanta galoh hasta biaꞌhan raꞌ xpwiinn Ñiꞌh, riꞌchi guhta gurloh Ñiꞌh loh yuh, tin gudihdxyi-gunaaba Ñiꞌh gacanee Xtaada Dxiohs Ñiꞌh laꞌh Ñiꞌh gutiꞌdxiloh Ñiꞌh guelrzaꞌcazii, squiiꞌ guñiꞌ Ñiꞌh: ―Paah, ¿tayi gaca guchaꞌh xigaaba luꞌh tin guhldaꞌh luꞌh naꞌh loh guelrzaꞌcazii nin gutiꞌdxloon? Per sidela ayi nuuꞌhun ayi za xi ruhnn gutiꞌdxilooñin.

San Mateo 26:42

Ya nin raroopa zeegañiꞌnee Ñiꞌh Xtaada Dxiohs Ñiꞌh rahbi Ñiꞌh: ―Paah, sidela nahpa gutiꞌdxiloon guelrzaꞌcazii, nicala gaca ziga naa xigaaba luꞌh.

San Lucas 12:30

tin bwiinn guidxyiyuh lligaaba chiꞌhzi nin xa guidxeela raꞌ ba nin gahw raꞌ ba nin guee raꞌ ba cun nin gacu raꞌ ba riuuꞌ raꞌ ba, per Xtaada nuꞌh nin nuu dxibaaꞌ laꞌÑiꞌh naannla cuun nin xchiꞌhn tu;

San Lucas 22:42

squiiꞌ: ―Paah, ¿tayi gaca guchaꞌh xigaaba luꞌh tin guhldaꞌh luꞌh naꞌh loh trabahjw duxa nin gutiꞌdxiloon? Per sidela ayi nuuꞌhun, ayiza xi ruhnn tiꞌdxiꞌhñin.

San Juan 15:10

Sidela laꞌh tu ruzoꞌbadxiahga tu xchiꞌdxyiꞌhn, ziazah gucaꞌstoꞌn laꞌh tu zigaza ruzoꞌbadxiaagahn xchiꞌdxyi Xtaaꞌdahn, nee cun zigaza zeezah rucaꞌstoꞌ Ñiꞌh naꞌh.

San Juan 17:24

’Paah, yiꞌh baniꞌhi luꞌh laꞌh raꞌ ba naꞌh, nee rnaꞌbaꞌhn loh Yuꞌbiluꞌh nee raꞌ ba chuunee raꞌ ba naꞌh nez chuuꞌhuhn, tin gwaꞌha raꞌ ba guel lasahca xteꞌnnahn nin baniꞌhi luꞌh naꞌh, laasii rucaꞌh stoꞌ luꞌh naꞌh galoh nin nagahdxi cwihxchyih guidxyiyuh.

San Juan 18:36

Ya chiꞌchi rahbi Jesuhs: ―Ayi naa xquelrnabwaꞌn loh guidxyiyuh riiꞌ; sidela ñahcan, chiꞌchi garaa raꞌ xpwiꞌnnahn ñidxildxi pur naꞌh tin ayi ñinaꞌzu raꞌ bwiinn Israel raꞌ naꞌh, per xquelrnabwaꞌn ayi naan loh guidxyiyuh riiꞌ.

San Juan 20:17

Chiꞌchi rahbi Jesuhs: ―Ayi guinaꞌzu luꞌh naꞌh, laasii nagahdxi guziaaꞌhahn nez hasta nuu Xpaaꞌn, per bwaa tin guhdzi loh raꞌ bwiꞌtsihn laꞌn gueꞌdu zuziaaꞌha nez hasta nuu Xpaaꞌn nin naa za Xpaah tu; nee Dxiohs xteꞌnnahn, cun nin naa za Xchiohs tu.

2 Corintios 10:4

Laasii dxiꞌba nin rulaloh laꞌhnu ayi naaꞌhan ziga dxiꞌba nin rutuhbi raꞌ bwiinn guidxyiyuh, sino que naan cun ganaalla xquelrnabwaꞌ Dxiohs tin riidiꞌhnn nu gahn loh raꞌ garaa raꞌ guelrnabwaꞌ nin nuu loh guidxyiyuh.

2 Corintios 6:7

neezaa pur xcweenta dxyiꞌdxyi guchii paꞌh xteenn Dxiohs, nee cun neezaa pur guelrnabwaꞌ xteenn Ñiꞌh. Caꞌha nu tuhbi madxihdu guelnayaa xteenn Ñiꞌh; caꞌha nu guelnayaa chi garoopa naa nu ziga lahdu derehchu cun lahdu rrabwehsa.

Hebreos 12:2

Niꞌchin nnah nahpa guidiꞌhnn nuꞌh lligaaba zaꞌca xa bwiꞌhnn Jesucristu nin badiꞌhi guelriachiistoꞌ laꞌh raꞌ ba nee nin nahpa bazaꞌloh nin gwachiistoꞌ raꞌ ba, ya laꞌh Jesucristu batiꞌdxiloh Ñiꞌh guelrzaꞌcazii loh cruhzi, nee ayi za batuhyi loh Ñiꞌh pur guelguhchi nin guhchi Ñiꞌh, laasii naann Ñiꞌh chin ba batiꞌdxiloh Ñiꞌh gallee guelrzaꞌcazii chi zicaꞌha Ñiꞌh guelnabahan nasaa, nee guzohba Ñiꞌh xlahdu derehchu Dxiohs nin nuu llaaꞌndxibaaꞌ hasta canabwaꞌ Ñiꞌh.