San Juan 17:11 - Zapoteco de Chichicapan

¹¹ ’Naꞌh ayiru gacataꞌhn loh guidxyiyuh riiꞌ, per laꞌh raꞌ ba ziaꞌhan raꞌ ba loh guidxyiyuh riiꞌ, ya gaduhbi nin naꞌh dxieꞌldahn nez nuu Yuꞌbiluꞌh, Xtaaꞌdahn nin naa saantu rooꞌ, gacanee luꞌh laꞌh raꞌ ba cun guelrnabwaꞌ nin nahpa luꞌh ziga naa lah Yuꞌbiluꞌh, ziga lah nin baniꞌhi luꞌh naꞌh, tin cwih raꞌ ba tuhsi juunta ziga dxuu nuꞌh cun Yuꞌbiluꞌh.

San Juan 17:11 Iomraidhean Croise

San Mateo 10:16

Rahbi za Ñiꞌh: ―¡Gulguiaꞌhaloh! Naꞌh guixeꞌhlaꞌhn laꞌh tu ziga zi lliꞌhyi raꞌ loh raꞌ bwiinn raꞌ nin naa raꞌ ziga zi bweew; pwihsi gulgahca nasiin ziga zi bweꞌlda per nee gulgahca za nadoꞌlaaꞌdzi ziga palohmwiꞌhn raꞌ,

San Mateo 5:48

Gulgahca nazaꞌcatiiꞌ, ziga nazaꞌcatiiꞌ za Xtaada tu nin nuu dxibaaꞌ.

San Mateo 6:9

Laꞌh tu nahpa cwidxyi tu Dxiohs squiiꞌ: Xtaaꞌdahn nin nuu dxibaaꞌ, xclaaꞌdzihn garaa raꞌ bwiinn guiñiꞌ zaꞌca ziga laa luꞌh,

San Juan 13:1

Chin nagahdxi gadzihn dxyih nin gaca lañih paascu, laꞌh Jesuhs guhcabwaꞌ laꞌh hohra bigaꞌha gusaaꞌn Ñiꞌh loh guidxyiyuh tin gacah Ñiꞌh llaaꞌndxibaaꞌ nez loh Xtaada Ñiꞌh. LaꞌhÑiꞌh gwazah bacaꞌhstoꞌ Ñiꞌh laꞌh raꞌ xpwiinn Ñiꞌh nin rii loh guidxyiyuh, bacaꞌhstoꞌ Ñiꞌh laꞌh raꞌ ba para tuꞌpazi.

San Juan 13:3

ya ziga naann Jesuhs ya batiꞌdxi Xtaada Dxiohs Ñiꞌh guelrnabwaꞌ xteenn garaa raꞌ cohsa loh naa Ñiꞌh; laasii zeꞌ Ñiꞌh nez nuu Dxiohs nee hasta nuu za Dxiohs guziaa Ñiꞌh,

San Juan 14:20

ya laꞌn dxyih raꞌ chi laꞌh tu zudiꞌhi tu cweenta naꞌh nuuꞌhuhn tuhsi cun laꞌh Xtaaꞌdahn, ya laꞌh tu nuu tu tuhsi cun naꞌh, ya naꞌh tuhsi nuuꞌhuhn cun laꞌh tu.

San Juan 16:28

Zeꞌldahn nez loh Dxiohs tin guluꞌnehza Ñiꞌh naꞌh loh guidxyiyuh riiꞌ yannah laꞌn gabiiꞌhi loh guidxyiyuh riiꞌ tin gabiaꞌgariin nez nuu Xtaaꞌdahn.

San Juan 16:33

Laꞌn guñiꞌ dee raꞌ loh tu tin cwidxyii stoꞌ tu pur nuunee tu naꞌh tuhsi. Loh guidxyiyuh nahpa zizahcazii tu, per guldxiahxi laasii naꞌh laꞌn bwiꞌhnn gahn loh guidxyiyuh riiꞌ.

San Juan 17:23

naꞌh cun laꞌh raꞌ ba ya yiꞌh cun naꞌh, tin ziꞌchi gaca raꞌ ba tuhsi, ya ziꞌchi zahcabwaꞌ raꞌ bwiinn guidxyiyuh Yuꞌbiluꞌh guluꞌnehza luꞌh naꞌh loh guidxyiyuh, nee rucaꞌha za stoꞌ luꞌh naꞌh.

San Juan 17:25

Xtaaꞌdahn nin ruhnn ganaalla dziꞌn zaꞌca, bwiinn raꞌ nin naa bwiinn guidxyiyuh ayi nuꞌnbwaꞌ raꞌ ba Yuꞌbiluꞌh, per naꞌh nuꞌnbwaꞌn yiꞌh nee bwiinn raꞌ riiꞌ ya laꞌh raꞌ ba guhcabwaꞌ Yiꞌh guluꞌnehza luꞌh naꞌh

San Juan 17:6

’Bwiinn raꞌ nin gulii luꞌh loh guidxyiyuh tin guniꞌhi raꞌ luꞌh ba naꞌh; laꞌn rwaꞌha chyu naa luꞌh, nee naa za raꞌ ba xteenn Yuꞌbiluꞌh, ya yiꞌh baniꞌhi raꞌ luꞌh ba naꞌh, nee cagazoꞌbadxiahga raꞌ ba xchiꞌdxyi Yuꞌbiluꞌh,

San Juan 7:33

ya chiꞌchi rahbi Jesuhs: ―Spaaldaa si dxyih ziuuꞌhuhn lahda tu, chiꞌchi zabiaꞌgariin hasta nuu nin guluꞌnehza naꞌh loh guidxyiyuh riiꞌ;

Hechos 3:21

Per nnah ya nuu Jesucristu llaaꞌndxibaaꞌ, hasta gadzihn dxyih nin gusacuubi Dxiohs garaatiiꞌ raꞌ cohsa ziga biaꞌhan dxyiꞌdxyinee Ñiꞌh laꞌh raꞌ guehtu daada raꞌ nin guñiꞌ xchiꞌdxyi Dxiohs desde cadxyih rooꞌ.

Romanos 12:5

Pwihsi ziꞌchi za laꞌh raꞌ nuꞌh nicala ziahan nuꞌh, per tuhsi cweerpu naa nuꞌh nez loh Crixtu; nee naa za nuꞌh tuhsi ziga tuhbi ziga stuhbi raꞌ nuꞌh ziga zi garaa raꞌ lahta xteenn tuhsi tuhbi cweerpu.

Romanos 9:17

Pwihsi loh Xchihtsi Dxiohs caa squiiꞌ ziga guñiꞌ Ñiꞌh loh rrehyi Faraohn, rahbi Ñiꞌh: “Naꞌh bwiꞌhnnaꞌhn naa luꞌh rrehyi xteenn Egiptu tin baluꞌyiꞌhn yiꞌh rahca ruꞌnnahn cuunchiꞌhzi nin guiclaaꞌdzihn, nee tin pur yiꞌhza guidiꞌchi xchiꞌdxyiꞌhn gaduhbi loh guihdxyiyuh.”

1 Corintios 1:10

Rñiꞌn loh tu bwihtsi lasaaꞌ raꞌn, xcweenta Daada Jesucristu xteenn nuꞌh; gulguiꞌhnn tuhsi lligaaba, nee ayi taaꞌha lasaaꞌ tu sino que gulguibahannee lasaaꞌ cun gulcaꞌstoꞌ lasaaꞌ za.

Gálatas 3:28

Ayiru xi guelrzaaꞌ chuu tu nicala naa nuꞌh bwiinn Israel o bwiinn griehgu raꞌ, o bwiinn nin gudooꞌtiiꞌ ziga mooza raꞌ, o bwiinn nin ayi naa mooza raꞌ, ndxiꞌhw o gunnaꞌh; laasii garaa raꞌ nuꞌh naa tuhsi nez loh Jesucristu.

Efesios 4:4

Ziꞌchi tuhsi tihxi naa nuꞌh loh Jesucristu, nee tuhsiza naa xigaaba nuꞌh cun laꞌh Ñiꞌh, cun tuhsi za hereensi nin naannloh nuꞌh zachicaꞌha nuꞌh loh nin gudihdxyi laꞌhnuꞌh,

Filipenses 2:9

Niꞌchin nin mahzi bwiꞌhnn lasahca Dxiohs laꞌh Ñiꞌh, nee bazoꞌba za Xtaada Dxiohs Ñiꞌh lah Ñiꞌh nin mahzi lasahca loh garaatiiꞌ lah raꞌ bwiinn nin caꞌha raꞌba,

Hebreos 1:3

Niꞌchin Lliiꞌn Dxiohs naa laꞌgahca llaꞌñih nin naa Dxiohs nee naa paꞌhcaa Ñiꞌh ziga gahca naa Xtaada Dxiohs Ñiꞌh, nee cun xquelrnabwaꞌ Ñiꞌh naa dziꞌtsi garaa niꞌchi si gurihxchih, ya chin guyaꞌloh basiaa Ñiꞌh laꞌh nuꞌh loh duhlda, guzohba Ñiꞌh xlahdu derehchu Xtaada Ñiꞌh.

Hebreos 9:24

laasii laꞌh Jesucristu ayi guyuuꞌtii Ñiꞌh laꞌn yuuꞌ saantu nin ruhnn chaꞌyi raꞌ bwiinn guidxiyuh, nin naa ziga xpacaala guidoꞌ paꞌcaa xteenn Dxiohs sino que guyuuꞌtii Ñiꞌh llaaꞌndxibaaꞌ tin cañiꞌ Ñiꞌh pur xcweenta raꞌ nuꞌh loh Dxiohs,

Santiago 4:4

¡Bwiinn yaꞌdxi raꞌ! ¿Tayi gaann tu bwiinn nin xclaaꞌdzi guunn raꞌ dziꞌn nin ruhnn raꞌ bwiinn guidxyiyuh, bwiinn chi rdxyiꞌchinee ba laꞌh Dxiohs? Niꞌchin sidela nuu chyu tuhbi tu nin xclaaꞌdzi chezah loh nin rahca loh guidxyiyuh riiꞌ, bwiinn chi rdxyiꞌchinee laꞌh Dxiohs.

1 Pedro 1:5

Nee pur nin nahpa tu guelriachii stoꞌ xteenn xchiꞌdxyi Dxiohs stoꞌ tu, laꞌh Ñiꞌh rahpa dziꞌtsi Ñiꞌh laꞌhnuꞌh tin gaaldaa gachicaꞌha raꞌ nuꞌh guelnazaꞌca nin nahpa chaꞌyi Ñiꞌh llaaꞌndxibaaꞌ nin gutaꞌh laꞌh raꞌ nuꞌh nin guluuꞌyiloh laꞌn dxyih raꞌ nin guiñihchiloh guidxyiyuh.

1 Juan 3:12

Ayi gaca nuꞌh ziga guhca guehtu Caín, laasii laꞌh ba naa ba xpwiinn bwiinndxaaba niꞌchin gudxiinn ba bwihtsi ba. ¿Xixnaa gudxiinn ba laꞌh bwihtsi ba? Laasii nin guhca bariaꞌcaa xtsiꞌn ba pur dziꞌn dxaaba, ya nin bwiꞌhnn bwihtsi ba bwen guhcan.

1 Juan 5:19

Pwihsi naann nuꞌh naa nuꞌh xpwiinn Dxiohs, ya garaa raꞌ bwiinn nin riuuꞌ si lligaaba xteenn guidxyiyuh cagazobadxiahga raꞌ ba xchiꞌdxyi bwiinndxaaba.

Judas 1:1

Naꞌh naan Judas nin ruhnn xtsiꞌn Jesucristu, nee naan bwihtsi Jacobo; cagacaꞌhn dxihtsi riiꞌ loh raꞌ bwiinn raꞌ nin gulii Xtaada Dxiohs nuꞌh, nin rucaꞌh duxa stoꞌ Ñiꞌh laꞌhnuꞌh, nee gudihdxyi Ñiꞌh laꞌh nuꞌh tin gaca nuꞌh tuhsi cun laꞌh Jesucristu.

Judas 1:24

Dxiohs nin naa tuhbi dxiꞌh, nin nahpa guelnasiin duxa, cun laꞌh Jesucristu xteenn nuꞌh nin nahpa guelrnabwaꞌ para gahpa laꞌhtu tin ayi dxiaaba tu loh duhlda, nee guzuh Ñiꞌh laꞌhtu loh guelbachaꞌh rooꞌ xteenn Dxiohs sin nin tuhbi duhlda nee cun riahxi duxa tu; Dxiohs nahpa Ñiꞌh garaatiiꞌ llaꞌñih, guelrnabwaꞌ, cun guelguxchisi pur xcweenta Daada Jesucristu desde galohyi, nee nnah, cun para tuꞌpazi. Ziꞌchi gaca pwihsi.

Apocalipsis 15:4

¿Chyu ayi guidxyihbi yiꞌh Daada? ¿Chyu ayi guunn lasahca lah Yuꞌbiluꞌh? Pwihsi sola yiꞌh dxiꞌh naa luꞌh saantu, ya zieꞌbiiga raꞌ garaa raꞌ bwiinn guidxyiyuh raꞌ tin guzuꞌnllihbi raꞌ ba nez loh Yuꞌbiluꞌh, laasii ba baluuꞌyiloh luꞌh garaa raꞌ xtsiꞌn zaꞌca Yuꞌbiluꞌh.

Apocalipsis 19:12

Bizloh Ñiꞌh naa raꞌn ziga dxih bwehla, ya yihca Ñiꞌh zohba ziahan rooꞌ raꞌ curohn, ya caa Ñiꞌh tuhbi lah nin sola laꞌh Ñiꞌh naann Ñiꞌh ya ayi chyu ruhnn gahn dxiuꞌnbwaꞌ lah Ñiꞌh.

Apocalipsis 4:8

Ya gadaapa raꞌ maan raꞌ chi tuhbigah raꞌ ma zohba xoꞌpagah xiiyi raꞌ ma, ya gaduhbitiiꞌ tihxi raꞌ ma nuu bizloh raꞌ ma; nee dxyih-nagueꞌla ayi rbweeza cañiꞌ raꞌ ma: Saantu, saantu, saantu naa Daada Dxiohs nin nahpa guelrnabwaꞌ rooꞌ, nin nuu des galohtiiꞌyi, nin nuu nnah, cun nin chuu par tuꞌpazi.