San Juan 13:9 - Zapoteco de Chichicapan

⁹ Chiꞌchi rahbi Simohn Pehdru loh Jesuhs: ―¡Pwihsi Daada, ayi chiꞌbi luꞌh ñaaꞌ sihn sino que nee yiꞌcahn cun naaꞌhahn!

San Juan 13:9 Iomraidhean Croise

San Mateo 27:24

Ya chin bwaꞌha Pilahtu ayi nuu xa guunn ba laasii riichihpa raꞌ bwiinn chi gaca nin xclaaꞌdzi raꞌ ba, hasta chaasa ru raꞌ ba cun dxixiꞌhw, chiꞌchi gunabwaꞌ Pilahtu gwacaꞌh tuhbi xpwiinn ba ñihsa tin gudxiꞌbi naa ba nez delanta loh raꞌ bwiinn ziahan chi ya rahbi ba loh raꞌ ba: ―Ayi xi duhlda naꞌpahn pur nin gachi bwiinn zaꞌca riiꞌ; xtuhlda tun laꞌh tu.

San Juan 13:10

Ya chiꞌchi rahbi Jesuhs: ―Bwiinn nin gueꞌdu guhza ayi xchiꞌhn dxiaa gaduhbi tihxi ba, sola dxiaa ñaaꞌ si ba, laasii gaduhbi tihxi ba nayaa. Ya laꞌh tu nayaa tu, nicala ayi garaa dxiꞌh tu.

San Juan 13:8

Chiꞌchi rahbi Pehdru: ―¡Lliaaꞌhzi ayi guniꞌhihn ñaaꞌhahn chiꞌbi luꞌh! Chiꞌchi rahbi Jesuhs: ―Sidela naꞌh ayi chiꞌbiꞌhn ñaaꞌ luꞌh ayi naa luꞌh xpwiiꞌnnahn.

Hebreos 10:22

pwihsi niꞌchin nahpa chobiiga nuꞌh loh Dxiohs cun gaduhbi guelnayaa stoꞌ xteenn nuꞌh, ayi guidxyihbi nuꞌh nee ayi za gatuhyi loh nuꞌh. Cun guelriachii zaꞌca stoꞌ nuꞌh biaa laꞌn lastoꞌ nuꞌh loh xigaaba dxaaba nuꞌh, ya tihxi raꞌ nuꞌh bidxiꞌbin loh ñihsa nayaa,

1 Pedro 3:21

Ya chin rrobañihsa nuꞌh nnah, zahca gahbi nuꞌh ñihsa nin rrobañihsa nuꞌh chi naa ziga zi hasta rlaꞌh nuꞌh loh duhlda, laasii ziga gulaꞌh galluhnna raꞌ ba biaꞌhan hasta nnah ziga rlaꞌh nuꞌh loh duhlda. Guelrrohbañihsa ayi naan para gusiaan tihxi bwiinn sino que para guinaaban loh Dxiohs tuhbi lligaaba nayaa para laꞌhnuꞌh, nee rutaꞌhan laꞌhnuꞌh pur xcweenta nin babahn Jesucristu loh guelguhchi.