San Juan 13:16 - Zapoteco de Chichicapan

¹⁶ Nee guchiin nin rñiꞌn loh tu, nin tuhbi mooza ayi lasahca ru ba loh nin naa xballwaꞌn ba, nee nin tuhbi za bwiinn nin riah mandahdu ayi lasahca ru ba loh nin rguꞌnehza laꞌh ba.

San Juan 13:16 Iomraidhean Croise

San Lucas 6:40

¿Ta lasahcaru tuhbi nin rusiꞌdxi que no tuhbi nin ruluuꞌyi laꞌh ba? Ya bwiinn nin rusiꞌdxi chi, chin gutuhlla ba scwehyi ba, chiꞌchiyi gaca ba ziga guhca xmwehsu ba.

San Juan 15:20

Gulgasannah stoꞌ tu dxyiꞌdxyi raꞌ nin guñiꞌn loh tu: “Nin tuhbi mooza ayi lasahca ru ba loh xballwaꞌn ba.” Sidela naꞌh caꞌhnaꞌhla raꞌ ba tin chiinn raꞌ ba naꞌh, neezaa laꞌh tu guicaꞌhnaꞌhla raꞌ ba; ya sidela laꞌh raꞌ ba bazoꞌbadxiahga raꞌ ba xchiꞌdxyiꞌhn, neezaa xchiꞌdxyi tu zuzoꞌbadxiahga raꞌ ba.

San Juan 3:3

Chiꞌchi rahbi Jesuhs loh ba: ―Guchiin nin rñiꞌn loh luꞌh, bwiinn nin ayi gaalaa nacuubi (nin zeꞌ loh deeꞌ naa chechiistoꞌ luꞌh xchiꞌdxyi Dxiohs) ayi nuu gwaꞌha ba loh guelrnabwaꞌ xteenn Dxiohs llaaꞌndxibaaꞌ.

San Juan 3:5

Chiꞌchi rahbi Jesuhs: ―Guchiin nin rñiꞌn loh luꞌh, bwiinn nin ayi gaalaa cun ñihsa cun Spíritu Saantu ayi gaca chuꞌtii ba loh guelrnabwaꞌ xteenn Dxiohs.

2 Corintios 8:23

Sidela chyuulla guinaaba dxyiꞌdxyi laꞌh Titu pur bwiinn riiꞌ, gulguiñiꞌ loh bwiinn chi laꞌh bi naa bi nin cayuhnnee naꞌh dziꞌn nez loh tu, o sidela guinaaba dxyiꞌdxyi raꞌ ba xcweenta schioopa raꞌ lasaaꞌ nuꞌh, gulgahbi loh raꞌ ba laꞌh raꞌ ba naa raꞌ ba xquixaꞌga raꞌ bwiinn guidoꞌ nee pur xcweenta raꞌ ba rñiꞌ zaꞌca raꞌ bwiinn pur Jesucristu.

Filipenses 2:25

Per nnah bwiꞌhnnaꞌhn lligaaba nahpaa gaguꞌneezahn laꞌh bwiitsi nuꞌh Epafroditu, nin rahcanee naꞌh cun nin rutiꞌdxilohnee nu loh trabahjw xcweenta xchiꞌdxyi Dxiohs, laꞌhbi nin guluꞌnehza tu laꞌhgahca tu tin guhcanee bi naꞌh xcweenta tu pur nin rchiꞌhnaꞌhn.