San Juan 10:41 - Zapoteco de Chichicapan

⁴¹ ya ziahan raꞌ bwiinn gwah raꞌ ba hasta guyuuꞌ Jesuhs ya rahbi raꞌ ba: ―Guchii, nicala laꞌh Jwahn ayi bwiꞌhnn ba nin tuhbi sehn rooꞌ, garaa nin guñiꞌ ba pur bwiinn riiꞌ guchiiꞌhin.

San Juan 10:41 Iomraidhean Croise

San Mateo 14:2

niꞌchin rahbi Herodes loh raꞌ xpwiinn ba nin rii hasta rnabwaꞌ ba: ―Dee naa Jwahn nin ruroꞌbañihsa, pwehda babahn ba loh raꞌ bwiinn guuchi, niꞌchin nin nahpa ba guelrnabwaꞌ tin ruhnn ba dziꞌn roo raꞌ ca.

San Marcos 1:37

ya chin badxeela raꞌ ba laꞌh Ñiꞌh rahbi raꞌ ba loh Ñiꞌh: ―Ziahan raꞌ bwiinn xclaaꞌdzi gwaꞌha yiꞌh.

San Lucas 12:1

Gaduhbi cañiꞌ Ñiꞌh guzaꞌloh cagadzihn pur mihyi raꞌ bwiinn hasta rreeldaa lasaaꞌ raꞌ ba tantu ziahan raꞌ ba, chiꞌchi guzaꞌloh cañiꞌ Jesuhs loh raꞌ xpwiinn Ñiꞌh, rahbi Ñiꞌh: ―Gulgahca nasiin tin ayi guicaꞌha tu xmohda raꞌ bwiinn fariseu, ziga ayi rzohbadxiahga raꞌ ba dxyiꞌdxyi gahca nin rñiꞌ raꞌ ba,

San Lucas 5:1

Ya guyuuꞌ tuhbi dxyih zuu Jesuhs rwaaꞌ tuhbi laguhn nin laa Genesaret. Chin badzihnsuu ziahan bwiinn riꞌchi, bataꞌwnaa raꞌ ba laꞌh Jesuhs taantu xclaaꞌdzi raꞌ ba dxihn raꞌ ba xchiꞌdxyi Dxiohs nin ruluuꞌyi Ñiꞌh.

San Juan 1:27

ya bwiinn chi naa nin gueꞌdu dxiꞌ nez diꞌtsihn, ya naꞌh nin ayi xi lasahcaꞌhn para laꞌh bwiinn chi; nin para cweꞌhehn tahba ba ñaaꞌ ba ayi lasahcaꞌhn.

San Juan 2:11

Mwer dziꞌn rooꞌ riiꞌ naa nin bwiꞌhnn Jesuhs loh guihdxyi Canah xteenn Galilea, tin baluuꞌyi Ñiꞌh xa naa guelrnabwaꞌ xteenn Ñiꞌh; pwihsi neezaa raꞌ xpwiinn Ñiꞌh gwachiistoꞌ raꞌ ba laꞌh Ñiꞌh.