San Juan 10:3 - Zapoteco de Chichicapan

³ ya bwiinn nin rahpa rwaaꞌ leeꞌ zixaala ba rwaaꞌ leeꞌ tin chuꞌtii baxtohra ya lliꞌhyi raꞌ chi nuꞌnbwaꞌ raꞌ ma rsiaaꞌha baxtohr chi, chiꞌchiyi cwidxi ba lliꞌhyi raꞌ chi tuhbigah raꞌ ma, laasii tuhbigah raꞌ ma nuu lah ma, laꞌh ba cweꞌhe ba laꞌh raꞌ lliꞌhyi chi laꞌn leeꞌ.

San Juan 10:3 Iomraidhean Croise

San Juan 10:14

Rahbi za Jesuhs: ―Naꞌh naan baxtohra zaꞌca, nee nuꞌnbwaꞌhn nin naa raꞌ xiꞌhyiraꞌn nee nin naa raꞌ xteꞌnnahn nuꞌnbwaꞌ za raꞌ ba naꞌh,

San Juan 10:16

nee neezaa naꞌpahn spaaldaa raꞌ lliꞌhyi nin ayi naa xleeꞌ raꞌ ñiꞌh riiꞌ, pwihsi nee raꞌ za niꞌchi raꞌ dxieꞌldaganeꞌhn nee zuzoꞌbadxiahga raꞌ ba xchiꞌdxyiꞌhn ya ziꞌchi chuu tuhsi lliꞌhyi cun tuhbisi za baxtohra.

San Juan 10:4

Ya chin laꞌh ba bwiꞌhnn gahn biriaꞌh garaa raꞌ lliꞌhyi raꞌ chi, chiꞌchi ñiidxiuu ba loh raꞌ ma ya lliꞌhyi raꞌ chi zianaꞌhla raꞌ ma laasii nuꞌnbwaꞌ raꞌ ma rsiaaꞌha ba.

San Juan 10:9

Naꞌh naan rwaaꞌ leeꞌ, ya bwiinn raꞌ nin chuꞌtii pur naꞌh, zilaꞌh raꞌ ba loh duhlda nee gaca raꞌ ba ziga tuhbi lliꞌhyi nin riuuꞌtii nee rariaꞌgaꞌh ma tin radxeela ma dxillaaꞌ zaꞌca rahw ma,

San Juan 6:37

Garaa raꞌ bwiinn nin rutiꞌdxi Xtaaꞌdahn loon, zeꞌ raꞌ ba loon; ya bwiinn raꞌ nin zeꞌ loon ayi cweꞌhestoꞌraꞌn ba

San Juan 6:45

Loh dxihtsi nin bacaꞌh raꞌ guehtu profeta raꞌ rñiꞌ: “Zuluuꞌyi Dxiohs laꞌh garaa raꞌ ba.” Niꞌchin garaa raꞌ bwiinn nin rucaꞌdxiahga xchiꞌdxyi Xtaaꞌdahn nee nin rusiꞌdxi loh Ñiꞌh niꞌchi raꞌ nin dxieꞌbiiga nez loon.

Romanos 8:30

Ya garaa raꞌ bwiinn nin gulii Ñiꞌh galohyi, garaa raꞌ niꞌchi gudihdxyi Ñiꞌh; ya garaa raꞌ nin gudihdxyi Ñiꞌh bwiꞌhnn nayaa Ñiꞌh bwiinn raꞌ chi nezloh Ñiꞌh; ya garaa raꞌ bwiinn nin bwiꞌhnn nayaa Ñiꞌh loh duhlda, neezaa bwiꞌhnn lasahca Ñiꞌh laꞌh raꞌ ba tin chuunee raꞌ ba laꞌh Ñiꞌh llaaꞌndxibaaꞌ.

1 Corintios 16:9

laasii riꞌchi nuu ziahan raꞌ bwiinn nin xclaaꞌdzi gusiꞌdxi xchiꞌdxyi Dxiohs, nee riꞌchi za nuu raꞌ ziahan raꞌ nin rdxyiꞌchinee raꞌ naꞌh.

Filipenses 4:3

ya yiꞌh xcompañeeruꞌhn nanchiin nin ridiꞌhnnee dziꞌn, rnaꞌbaꞌhn loh luꞌh gacanee luꞌh laꞌh raꞌ bizaaꞌn raꞌnuꞌh laasii laꞌhraꞌbi guhcanee raꞌbi naꞌh bidiꞌchii xchiꞌdxyi Dxiohs tuhsi juunta cun Clemente cun spaalda raꞌ nin guhcanee naꞌh. Lah raꞌbi ya naalaꞌn puunta loh dxihtsi nin naa guelnabahan nacuubi.

Colosenses 4:3

Nee chin rbwihdxi-rnaabaza tu loh Dxiohs, gulguinaabaza loh Ñiꞌh guelrahcanee para garaa nu tin ziꞌchi mahziru cheezah guidiꞌchi xchiꞌdxyi Dxiohs xcweenta Jesucristu nin guluuꞌlaꞌn Ñiꞌh per nnah laꞌh dxyiꞌdxyi raꞌ chi baluuꞌyiloh loh ñiaꞌñih para bwiinn raꞌ. Pwihsi pur xcweenta dxyiꞌdxyi raꞌ riiꞌ niꞌchin nin nuu ñieꞌwꞌhn laꞌn lahtsidxiꞌba riiꞌ.

2 Timoteo 2:19

Per Dxiohs laꞌh Ñiꞌh bazuh tuhbi dxiah nin baguzuh, nin caa tuhbi dxyiꞌdxyi nin rñiꞌ: “Laꞌh Daada Dxiohs nuꞌnbwaꞌ Ñiꞌh bwiinn raꞌ nin naa xpwiinn Ñiꞌh”, nee caa za: “Nahpa chyu guiriaꞌcaa loh nin ayi naa xnehza garaa raꞌ nin guchii paꞌh naa xpwiinn Daada Jesucristu.”

1 Pedro 1:12

Per Dxiohs badiꞌhi Ñiꞌh para gacabwaꞌ raꞌ ba ayi laꞌn dxyih dxiꞌh nin nabahan raꞌ ba chaꞌloh dxyiꞌdxyi raꞌ chi sino que guzohban nee para laꞌh raꞌ nuꞌh nnah. Niꞌchin nnah dee raꞌ naa nin baluuꞌyi raꞌ bwiinn nin ruluuꞌyi xchiꞌdxyi Dxiohs loh tu laasii nez llaaꞌndxibaaꞌyi baxeꞌhla Dxiohs Spíritu Saantu Ñiꞌh tin cweeza Ñiꞌh laꞌn lastoꞌ raꞌ ba tin basañiꞌ Ñiꞌh laꞌh raꞌ ba dxyiꞌdxyi nin guclaaꞌdzi Ñiꞌh guiñiꞌ raꞌ ba. Dee raꞌ naa dxyiꞌdxyi raꞌ nin xclaaꞌdzi raꞌ aanjla gahca raꞌ gacabwaꞌ raꞌ ba pur xcweenta ñiꞌh.

1 Juan 4:6

Per laꞌhnuꞌh naa nuꞌh xpwiinn Dxiohs, ya bwiinn raꞌ nin nuꞌnbwaꞌ laꞌh Dxiohs rucaꞌdxiahga raꞌ ba xchiꞌdxyi nuꞌh; per bwiinn raꞌ nin ayi naa xpwiinn Dxiohs, ayi rucaꞌdxiahga raꞌ ba xchiꞌdxyi raꞌ nuꞌh. Pwihsi ya squiiꞌ rluuꞌyi cuun nin nuu Spíritu Dxiohs stoꞌ raꞌ ñiꞌh nee cuun za nin nuu raꞌ spíritu nin rusaguiꞌhi stoꞌ raꞌ ñiꞌh.

3 Juan 1:14

laasii xclaaꞌdzihn gwaꞌhahn loh luꞌh seguihdu gahca, ya chiꞌchi gachidiꞌyidxyiꞌdxyi nuꞌh cun rwaaꞌ raꞌ nuꞌh.

Apocalipsis 20:15

ya loh bwehla za chi zee raꞌ bwiinn raꞌ nin ayi caa lah raꞌ ñiꞌh loh chihbru nin laa guelnabahan.

Apocalipsis 3:20

Gulguiaꞌha, naꞌh laꞌn zuu rwaaꞌ leeꞌ xteenn stoꞌ tu, cabwiidxihn, per sidela chyulla tuhbi tu dxihn cañiꞌn, guxaala bwiinn chi rwaaꞌ leeꞌ xteenn lastoꞌ ba, tin guunn yiidzihn lastoꞌ bwiinn chi tin gacaneꞌhn bwiinn chi guibahan zaꞌca ba nez loon,

Apocalipsis 7:17

laasii laꞌh Xiꞌhyi Dxiohs nin zohba galaayillee loh yahgaxiiyi rooꞌ nin naa tronu nez dxibaaꞌ gaapa laꞌh raꞌ ba ziga zi lliꞌhyi raꞌ, ya chenee Ñiꞌh laꞌh raꞌ ba hasta nuu ñihsa nin naa guelnabahan; ya Dxiohs gucwiꞌdzi rwaꞌhaloh raꞌ ba cun ñihsabwii raꞌ nin ruꞌn raꞌ ba.