San Juan 10:10 - Zapoteco de Chichicapan

¹⁰ ya gubaꞌn zeꞌ si ba tin cwaan si ba cun chiinn ba nee tin gutsihyi ba; per naꞌh zeꞌldahn tin gapa tu guelnabahan zaꞌca nee tin gapa za tu zirooꞌ duxan.

San Juan 10:10 Iomraidhean Croise

San Mateo 18:10

Rahbi za Ñiꞌh: ―Pwihsi gulguiaꞌha gah tin ayi cweꞌhestoꞌ tu laꞌh raꞌ bwiinn nin naa ziga biñiꞌn biꞌtuꞌhn raꞌ riiꞌ, pwihsi rñiꞌn loh tu xaanjla raꞌ bi guillii-guillii riiꞌ raꞌ ba loh Xtaaꞌdahn nin nuu dxibaaꞌ,

San Mateo 18:11

laasii laꞌh Lliiꞌn Dxiohs nin naa ndxiꞌhw zeꞌ loh guidxyiyuh tin gutaꞌh Ñiꞌh laꞌh raꞌ bwiinn duhlda raꞌ nin bizaꞌbi loh duhlda.

San Mateo 20:28

laasii laꞌh Lliiꞌn Dxiohs ayi biꞌ Ñiꞌh tin gaca tu mooza loh Ñiꞌh, sino que laꞌh Ñiꞌh biꞌ Ñiꞌh tin gaca Ñiꞌh mooza loh garaatiiꞌ bwiinn nee tin cun tihxi za Ñiꞌh chiilli Ñiꞌh xtuhlda raꞌ ziahan raꞌ bwiinn nin taꞌh loh duhlda.

San Mateo 21:13

ya chiꞌchi rahbi Ñiꞌh loh raꞌ ba: ―Loh Xchihtsi Dxiohs rñiꞌ: “Yiidzihn gaca hasta cwidxyi-guinaaba tu naꞌh”, per laꞌh tu cayuhnn tun ziga zi tuhbi cwehva hasta riuuꞌ raꞌ gubaꞌn.

San Mateo 23:13

Chiꞌchi rahbi Ñiꞌh loh raꞌ bwiinn: ―¡Prohbi laꞌh tu, mwehsu raꞌ nin ruluuꞌyi lehyi cun bwiinn fariseu raꞌ, bwiinn dxixiꞌhw raꞌ! Laꞌh tu ayi nnaa tu guixaala tu rwaaꞌ yuuꞌ hasta naa guelrnabwaꞌ xteenn Dxiohs tin chuꞌtii raꞌ snuhn raꞌ bwiinn, nee neezaa laꞌh tu ayi nnaa tu chuꞌtii tu loh xnehza Dxiohs nin ayi za rusaaꞌn tu chuꞌtii raꞌ bwiinn raꞌ nin xclaaꞌdzi chuꞌtii raꞌ.

San Marcos 11:17

baluuꞌyi Ñiꞌh laꞌh raꞌ bwiinn rahbi Ñiꞌh: ―Laꞌtu naann la xa rñiꞌ Dxiohs ziga caa loh Xchihtsi Dxiohs: “Yiidzihn gaca tuhbi yuuꞌ hasta dxiꞌ raꞌ garaa raꞌ bwiinn guidxyiyuh, tin cwidxyi-guinaaba raꞌ ba naꞌh”, ¡per laꞌh tu cayuhnn tun ziga zi tuhbi cwehva hasta riuuꞌ raꞌ gubaꞌn!

San Lucas 19:10

laasii naꞌh naan Lliiꞌn Dxiohs nin naa ndxiꞌhw tin chiꞌhyihn bwiinn raꞌ nin cagañihchi pur xtuhlda raꞌ ba tin naꞌh guhldaꞌhraꞌn ba loh xtuhlda raꞌ ba.

San Juan 10:1

Ya chiꞌchi rahbi Jesuhs: ―Pwihsi guchiin nin rñiꞌn loh tu; bwiinn nin ayi chuꞌtii rwaaꞌ leeꞌ hasta chuꞌtii raꞌ nin naa raꞌ ziga xiꞌhyi raꞌn, mas chuꞌtii raꞌ ba nez stuhbi lahdu, bwiinn chi naa gubaꞌn,

San Juan 10:11

Naꞌh naan baxtohra zaꞌca, ya baxtohra zaꞌca zudiꞌhi ba xquelnabahan gahca ba xcweenta raꞌ xiꞌhyi ba,

San Juan 12:47

per sidela nuu raꞌ bwiinn nin rihn raꞌ xchiꞌdxyiꞌhn nee ayi ruzoꞌbadxiahga raꞌ ban, ayi naꞌh dxiꞌhn nin gusiaꞌhbaꞌhn laꞌh ba loh duhlda, laasii naꞌh ayi zeꞌldahn tin gusiaꞌbaꞌhn bwiinn loh duhlda sino que tin gutaꞌhn laꞌh raꞌ bwiinn loh duhlda.

San Juan 12:6

Per laꞌh Judas ayi guñiꞌ dxiꞌh ba dxyiꞌdxyi raꞌ riiꞌ, laasii ralahsa stoꞌ ba laꞌh raꞌ bwiinn prohbi, sino que naa ba tuhbi bwiinn gubaꞌn niꞌchin guñiꞌ ba ziꞌchi, nee pur nin nahpa ba cargu rwaꞌ ba buuxa nin riuuꞌchaꞌyi xmweeyi garaa raꞌ ba, ya laꞌh ba rbaaꞌn ba balaaquiꞌhn yihca mweeyi nin riuuꞌ laꞌn buuxa chi,

San Juan 3:17

laasii Dxiohs ayi guluꞌnehza dxiꞌh Ñiꞌh laꞌh Lliiꞌn Ñiꞌh loh guidxyiyuh tin gudziiꞌba Ñiꞌh duhlda yihca raꞌ bwiinn guidxyiyuh, sino que guhldaꞌh Ñiꞌh laꞌh raꞌ ba loh duhlda.

San Juan 5:40

per laꞌh tu ayi nnaa tu dxieꞌbiiga tu loon tin guicaꞌha tu guelnabahan chi.

San Juan 6:33

laasii pahn nin runiꞌhi Dxiohs pahn chi zeꞌ nez llaaꞌndxibaaꞌ ya rudiꞌhin guelnabahan laꞌh raꞌ bwiinn guidxyiyuh.

San Juan 6:51

Naꞌh naan pahn nabahan nin biehta nez dxibaaꞌ; bwiinn nin gahw pahn riiꞌ zibahan ba par tuꞌpazi, nee pahn nin gudiꞌhihn laꞌh raꞌ bwiinn naa bweꞌltiꞌxihn par laꞌh raꞌ bwiinn guidxyiyuh.

Romanos 2:21

Pwihsi sidela yiꞌh ruluuꞌyi luꞌh laꞌh raꞌ snuhn raꞌ bwiinn raꞌ, ¿xixnaachiꞌh ayi riaꞌñih loh xigaaba luꞌh guluuꞌyi luꞌh yiꞌh gahca? Yiꞌh ziga ruluuꞌyi luꞌh rñiꞌ luꞌh xchiꞌdxyi Dxiohs ayi nuu cwaaꞌn raꞌ bwiinn, ¿xixnaa chiꞌh rbaaꞌn luꞌh?

1 Timoteo 1:15

Dxyiꞌdxyi riiꞌ guchii duxan, nahpa chechiistoꞌ tun: Jesucristu biꞌ loh guidxyiyuh tin guhldaꞌh Ñiꞌh laꞌh bwiinn loh duhlda, ya naꞌh mahzi ru naan tuhbi bwiinn duhlda duxa loh raꞌ bwiinn duhlda raꞌ chi,

Hebreos 6:17

Ziꞌchi gahca za rclaaꞌdzi Dxiohs gacabwaꞌ raꞌ llahga guehtu Abrahn zizohba paꞌhcaa dxyiꞌdxyi nin guñiꞌ Ñiꞌh loh Abrahn galohtiiꞌyi. Zizohba paꞌcaa xchiꞌdxyi Ñiꞌh laasii guñiꞌ chihpa Ñiꞌh dxyiꞌdxyi pur lah gahca Ñiꞌh chin biaꞌhan dxyiꞌdxyi Ñiꞌh cun guehtu Abrahn.

Hebreos 7:25

Pwihsi niꞌchi zan rahca rutaꞌh Ñiꞌh laꞌh raꞌ bwiinn loh duhlda par tuꞌpazi, rutaꞌh Ñiꞌh garaa raꞌ nin riabiiga loh Dxiohs pur laꞌh Ñiꞌh laasii ba nabahan Ñiꞌh par tuꞌpazi tin canaaba Ñiꞌh loh Dxiohs pur xpwiinn Ñiꞌh.

2 Pedro 1:11

Pwihsi sidela guibahan tu squiiꞌ loh guidxyiyuh riiꞌ, ziuuꞌtii tu loh guelrnabwaꞌ nin naa par tuꞌpazi xteenn Daada Jesucristu nin bataꞌh laꞌhnuꞌh loh duhlda.