San Juan 1:29 - Zapoteco de Chichicapan

²⁹ Ya chin barah gueꞌla, bwaꞌha Jwahn loh Jesuhs zeegadzihn Ñiꞌh hasta zuu Jwahn, chiꞌchi rahbi Jwahn: ―¡Gulguiaꞌha! Riiꞌ laꞌh Xiꞌhyi Dxiohs nin rusiaꞌpitii xtuhlda raꞌ bwiinn guihdxyiyuh badzihn.

San Juan 1:29 Iomraidhean Croise

San Mateo 1:21

ya badoꞌyiꞌhn nin gaalaa chi cweꞌhelah tu bi Jesuhs, laasii laꞌh Ñiꞌh gutaꞌh Ñiꞌh laꞌh raꞌ nin gaca xpwiinn Ñiꞌh loh xtuhlda raꞌ ba.

San Mateo 20:28

laasii laꞌh Lliiꞌn Dxiohs ayi biꞌ Ñiꞌh tin gaca tu mooza loh Ñiꞌh, sino que laꞌh Ñiꞌh biꞌ Ñiꞌh tin gaca Ñiꞌh mooza loh garaatiiꞌ bwiinn nee tin cun tihxi za Ñiꞌh chiilli Ñiꞌh xtuhlda raꞌ ziahan raꞌ bwiinn nin taꞌh loh duhlda.

San Juan 1:35

Ya barah stuhbi gueꞌla zuunee Jwahn laꞌh chiohpa xpwiinn ba,

San Juan 1:36

ya nez chi bwaꞌhalaꞌgaꞌh ba laꞌh Jesuhs zuuzah Ñiꞌh nez chi, chiꞌchi rahbi Jwahn: ―¡Gulguiaꞌha! Laꞌh Xiꞌhyi Dxiohs dee chi.

San Juan 1:43

Ya chin barah gueꞌla, bwiꞌhnn Jesuhs lligaaba chee Ñiꞌh para guihdxyi Galilea; dxyih chi badxiꞌloh Ñiꞌh laꞌh Felipe ya rahbi Ñiꞌh loh ba: ―Gudaꞌnaꞌhla naꞌh.

San Juan 2:1

Ya chin guhca chohnna dxyih, guyuuꞌ tuhbi saaꞌ loh guihdxyi Canah, xteenn guihdxyi nin laa Galilea. Neezaa xmah Jesuhs zuu riꞌchi,

San Juan 3:16

’Laasii guhca nadziiꞌhi stoꞌ Dxiohs laꞌh raꞌ bwiinn guidxyiyuh, niꞌchin guxeꞌhla Ñiꞌh yuꞌpi Lliiꞌn Ñiꞌh loh guidxyiyuh, tin garaa raꞌ bwiinn raꞌ nin chechiistoꞌ raꞌ ñiꞌh xchiꞌdxyi Ñiꞌh ayi ñichiloh raꞌ ba loh Dxiohs, sino que gapa raꞌ ba tuhbi guelnabahan nacuubi nin ayi ñichilohtiiꞌ,

San Juan 4:42

chiꞌchi rahbi raꞌ ba loh gunnaꞌh chi: ―Pwihsi nnah riachiistoꞌ nu, per ayi pur dxyiꞌdxyi raꞌ dxiꞌh nin gunnah luꞌh loh nu sino que neezaa pur nin bihn dxiahga nu, yannah naann nu laꞌh Ñiꞌh naa nin gutaꞌh laꞌh raꞌ bwiinn guidxyiyuh loh duhlda.

San Juan 6:51

Naꞌh naan pahn nabahan nin biehta nez dxibaaꞌ; bwiinn nin gahw pahn riiꞌ zibahan ba par tuꞌpazi, nee pahn nin gudiꞌhihn laꞌh raꞌ bwiinn naa bweꞌltiꞌxihn par laꞌh raꞌ bwiinn guidxyiyuh.

Hechos 13:39

Rñiꞌ Dxiohs ayi xi xtuhlda chyuuchiꞌhzi bwiinn nin chechiistoꞌ ñiꞌh xcweenta nin bwiꞌhnn Jesucristu, ya bwiinn raꞌ nin naꞌhla xlehyi Moisehs ayi gaaldaa guzuh xjweersi lehyi chi para guziaꞌcaa xtuhlda raꞌ bwiinn chi.

Hechos 8:32

Ya nez hasta cayuꞌlda bwiinn Etiopía chi loh dxihtsi nin caa xchiꞌdxyi Dxiohs rñiꞌ squiiꞌ: Guhchi ba zigazi riah tuhbi lliꞌhyi hasta rahchi ma, ya biaꞌhan ba cun ayi guñiꞌ ba loh raꞌ nin basaꞌcazii laꞌh ba nicala ziꞌchi guzaꞌca ba ayiza guñiꞌ ba.

1 Corintios 15:3

Pwihsi nin naa mweergalohtiiꞌ, baluꞌyiꞌhn laꞌhtu dxyiꞌdxyi raꞌ nin basiꞌdxiꞌhn; baluꞌyiꞌhn laꞌhtu xa guhchi Jesucristu pur xcweenta xtuhlda raꞌ nuꞌh, ziga nin caa loh Xchihtsi Dxiohs.

2 Corintios 5:21

Jesucristu ayi xi xtuhlda Ñiꞌh guyuuꞌ, per pur laꞌhnuꞌh bwiꞌhnn Dxiohs guhchi Ñiꞌh ziga zi tuhbi bwiinn nin guyuuꞌ xtuhlda Ñiꞌh, tin ziꞌchi para laꞌhnuꞌh ziga naa nuꞌh tuhsi cun Jesucristu, gaca nuꞌh tuhbi bwiinn nayaa nez loh Dxiohs.

Gálatas 1:4

Laꞌhgahca laꞌh Ñiꞌh badiꞌhi Ñiꞌh laꞌh Ñiꞌh gucah Ñiꞌh loh cruhzi tin guhldaꞌh Ñiꞌh laꞌhnuꞌh loh duhlda xteenn guidxyiyuh riiꞌ, ziga gunabwaꞌ Yuꞌbi Xtaada Dxiohs nuꞌh.

Gálatas 3:13

Jesucristu bataꞌh Ñiꞌh laꞌhnuꞌh loh dii xteenn lehyi laasii laꞌh Ñiꞌh guhchi Ñiꞌh pur xcweenta xtii nuꞌh loh tuhbi yahga cruhzi ziga zi bariaꞌcaa Ñiꞌh ziga zi tuhbi bwiinn dii, laasii loh Xchihtsi Dxiohs caa squiiꞌ: “Bwiinn dii raꞌ, naa raꞌ garaa raꞌ nin rahchi rzaꞌbinaꞌhla loh tuhbi yahga.”

1 Timoteo 2:6

Jesucristu biuꞌn Ñiꞌh ntriehgu laꞌhgahca Ñiꞌh loh guelguhchi tin gudxihlli Ñiꞌh xtuhlda garaatiiꞌ nuꞌh ziga dxuu nuꞌh loh guidxyiyuh. Deeꞌ guhca chin guꞌlda dxyih nin gulii Dxiohs tin pur xquelguhchi Jesucristu baluuꞌyi Ñiꞌh gutaꞌh Ñiꞌh garaa raꞌ nuꞌh loh duhlda.

Tito 2:14

Biuꞌn Ñiꞌh ntriehgu laꞌhgahca Ñiꞌh loh guelguhchi pur laꞌhnuꞌh tin bataꞌh Ñiꞌh laꞌhnuꞌh loh dziꞌn dxaaba tin basiaa Ñiꞌh laꞌhnuꞌh tin gaca nuꞌh xpwiinn Ñiꞌh tin guidiꞌhnn raꞌ nuꞌh dziꞌn zaꞌca.

Hebreos 1:3

Niꞌchin Lliiꞌn Dxiohs naa laꞌgahca llaꞌñih nin naa Dxiohs nee naa paꞌhcaa Ñiꞌh ziga gahca naa Xtaada Dxiohs Ñiꞌh, nee cun xquelrnabwaꞌ Ñiꞌh naa dziꞌtsi garaa niꞌchi si gurihxchih, ya chin guyaꞌloh basiaa Ñiꞌh laꞌh nuꞌh loh duhlda, guzohba Ñiꞌh xlahdu derehchu Xtaada Ñiꞌh.

Hebreos 2:17

niꞌchi nin naa Ñiꞌh tuhbi bixohza xteenn Dxiohs nin ralahsa stoꞌ Ñiꞌh, tuhbi bixohza zaꞌca nin xclaaꞌdzi Dxiohs gaca Ñiꞌh tin gutaꞌh Ñiꞌh laꞌh raꞌ bwiinn loh duhlda,

Hebreos 9:28

Pwihsi ziꞌchi za laꞌh Jesucristu tuhbi chiꞌh zi baxiꞌhi Ñiꞌh llarihn Ñiꞌh loh cruhzi tin basiaꞌpitii Ñiꞌh xtuhlda raꞌ ziahan duxa raꞌ bwiinn. Per nahpa guibiaꞌgarii Ñiꞌh stuhbi ayi tin gusiaꞌpitii ru dxiꞌh Ñiꞌh duhlda sino que tin gutaꞌh Ñiꞌh laꞌh gallee bwiinn nin cabweeza laꞌh Ñiꞌh.

1 Pedro 1:19

sino que guhllan cun llarihn Jesucristu nin lasahca duxa, nin guhca ziga guhn ziga zi tuhbi lliꞌhyi nin nazaꞌcatiiꞌ nin ayi xi xtuhlda ñiꞌh.

1 Pedro 2:24

Batiꞌdxiloh Jesucristu guelrzaꞌcazii guhchi Ñiꞌh loh cruhzi tin gudxihlli Ñiꞌh xcweenta xtuhlda raꞌ nuꞌh, tin guibahan zaꞌca raꞌ nuꞌh loh xneziuh Dxiohs. Laꞌh Ñiꞌh bidxeeldxyihdxyi tihxi Ñiꞌh tin biaaca tu laꞌhtu,

1 Pedro 3:18

Laasii Jesucristu batiꞌdxiloh Ñiꞌh guelrzaꞌcazii, guhchi Ñiꞌh pur xcweenta xtuhlda raꞌ nuꞌh tuhsi bweelta para tuꞌpazi, ayi xi xtuhlda Ñiꞌh guyuuꞌ nez loh Dxiohs; per batiꞌdxiloh Ñiꞌh guelrzaꞌcazii pur bwiinn duhlda; ya pur guelrzaꞌcazii nin batiꞌdxiloh Ñiꞌh chi gwanee Ñiꞌh laꞌhnuꞌh nez loh Dxiohs laasii guhchi tihxi Jesucristu per pur nin babiaꞌgarii spíritu Ñiꞌh tihxi Ñiꞌh gubiaꞌgarii babahn Ñiꞌh.

1 Juan 2:2

Guhchi Jesucristu xcweenta nuꞌh loh cruhzi, gudxihlli Ñiꞌh xcweenta xtuhlda raꞌ nuꞌh loh cruhzi, nee ayi xtuhlda zi dxiꞌh nuꞌh gudxihlli Ñiꞌh sino que nezaa xtuhlda raꞌ garaa raꞌ bwiinn guidxyiyuh.

1 Juan 3:5

Niꞌchin laꞌhtu banaann tu biꞌ Jesucristu loh guidxyiyuh tin basiaꞌpitii Ñiꞌh xtuhlda raꞌ nuꞌh, nee laꞌh Ñiꞌh ayi xi xtuhlda Ñiꞌh guyuuꞌ.

1 Juan 4:10

Pwihsi squiiꞌ rahcabwaꞌ nuꞌh nadziiꞌhi Dxiohs laꞌhnuꞌh: ayi pur nin ñucaꞌ stoꞌ nuꞌh laꞌh Dxiohs, sino que laꞌh Ñiꞌh rucaꞌ stoꞌ Ñiꞌh laꞌhnuꞌh niꞌchin nin guxeꞌhla Ñiꞌh Lliiꞌn Ñiꞌh tin guziaꞌtii Ñiꞌh xtuhlda raꞌ nuꞌh.

Apocalipsis 1:5

nee cun neezaa xquelruhnntaaꞌyi xquelrbahchidxyii stoꞌ Jesucristu nin ruluuꞌyi dxyiꞌdxyi nanchii laꞌh nuꞌh, laꞌh Ñiꞌh nin mwer babahn za loh bwiinn guuchi; laꞌh za Ñiꞌh rnabwaꞌ Ñiꞌh loh garaa raꞌ rrehyi raꞌ nin rii raꞌ loh guidxyiyuh. Jesucristu rcaꞌhstoꞌ Ñiꞌh laꞌh raꞌ nuꞌh, nee basiaa Ñiꞌh laꞌh raꞌ nuꞌh loh duhlda cun llarihn Ñiꞌh.

Apocalipsis 12:11

Laꞌh raꞌ ba bwiꞌhnn raꞌ gahn loh bwiinndxaaba xcweenta llarihn xteenn Xiꞌhyi Dxiohs, nee neezaa laasii gwachii stoꞌ raꞌ ba xchiꞌdxyi Dxiohs, nee ayi bidxyihbi za raꞌ ba nicala ñahchi raꞌ ba.

Apocalipsis 13:8

ya nez loh maan roo chi guzuꞌnllihbi garaa raꞌ bwiinn guidxyiyuh; garaa raꞌ bwiinn raꞌ nin ayi caa lah ñiꞌh loh chihbru xteenn guelnabahan xteenn Xiꞌhyi Dxiohs, nin guhchi xcweenta raꞌ ba laasii chin nagahdxi cwixchih guidxyiyuh gucah loh chihbru chi lah garaa raꞌ nin gaca xpwiinn Dxiohs.

Apocalipsis 14:1

Ya seguihdu chin bwaꞌhahn stuhbi, chiꞌchi bwaꞌhaloon laꞌh Lliꞌhyi xteenn Dxiohs zuu Ñiꞌh yihca dahan nin laa Siohn, ya riꞌchi za rii raꞌ bwiinn nin naa raꞌ ziga tuhbi gaywaꞌh chywaꞌh bitahpa mihyi raꞌ nin caabwaꞌ sehn xteenn Lliꞌhyi nee cun sehn za xteenn Xtaada Ñiꞌh.

Apocalipsis 14:10

zutiꞌdxiloh duxa bwiinn chi guelrzaꞌcazii nin guixeꞌhla Dxiohs zutiꞌdxiloh ba cohsa raꞌ riiꞌ loh bwehla cun loh cohsa nin laa asufre nez delanta loh raꞌ xaanjla Dxiohs nee cun nez delanta loh za Lliꞌhyi xteenn Dxiohs.

Apocalipsis 14:4

Dee raꞌ nin ayi baxiꞌn laꞌh raꞌ ñiꞌh loh raꞌ gunnaꞌh dxaaba, pwihsi naa raꞌ ba bwiinn saantu raꞌ, nee zeenee Lliꞌhyi xteenn Dxiohs laꞌh raꞌ ba nez chiꞌh zi zee Ñiꞌh. Laꞌh raꞌ ba nin gulaꞌh loh duhlda loh raꞌ bwiinn guidxyiyuh ziga mwer jusehchi nez loh Dxiohs cun nez loh Lliꞌhyi xteenn Ñiꞌh; naa raꞌ ba ziga tuhbi guhn nez loh Ñiꞌh,

Apocalipsis 15:3

ya cayuꞌlda raꞌ ba tuhbi coru xteenn guehtu Moisehs nin guhca xpwiinn Dxiohs, nee cun coru za xteenn Xiꞌhyi Dxiohs; ya squiiꞌ naa coru chi: Cohsa rooꞌ duxa naa dziꞌn nin bwiꞌhnn luꞌh Yuꞌbiluꞌh, Daada Dxiohs, nin nahpa garaatiiꞌ raꞌ guelrnabwaꞌ. Ruhnn Yuꞌbiluꞌh ganaalla dziꞌn zaꞌca, rñiꞌ za Yuꞌbiluꞌh ganaalla dxyiꞌdxyi raꞌ nin guchii, nee Yuꞌbi za luꞌh naa luꞌh Rehyi loh garaa raꞌ bwiinn guidxyiyuh.

Apocalipsis 17:14

Laꞌh raꞌ dee raꞌ nin gucaꞌhnee laꞌh Lliꞌhyi xteenn Dxiohs, per zuhnn Lliꞌhyi chi gahn loh raꞌ cohsa raꞌ chi laasii laꞌh Ñiꞌh naa Ñiꞌh Daada loh garaa raꞌ daada raꞌ nee naa za Ñiꞌh rrehyi loh garaa raꞌ rrehyi raꞌ nin nuu loh guidxyiyuh, ya garaa raꞌ nin naꞌhla laꞌh Ñiꞌh, naa bwiinn raꞌ nin gulii Dxiohs nee naa raꞌ ba bwiinn nayaa nin zeezah dziꞌtsi loh xchiꞌdxyi Ñiꞌh.

Apocalipsis 19:7

Dxiahxi duxa raꞌ nuꞌh, chuu nasaa duxa stoꞌ raꞌ nuꞌh nee gachidiꞌhnn lasahca nuꞌh laꞌh Ñiꞌh, laasii laꞌh dxyih nin gaca rsaaꞌ Xiꞌhyi Dxiohs badzihn; laꞌh dxaꞌpa xteenn Ñiꞌh guzuhchaꞌyi.

Apocalipsis 19:9

Ya chiꞌchi nnah aanjla chi loon: ―Bacaꞌh squiiꞌ: “Dichohsa raꞌ bwiinn raꞌ nin biduꞌhun dxiꞌ loh saaꞌ xteenn Xiꞌhyi Dxiohs.” Guñiꞌ za aanjla chi loon, nnah ba: ―Dxyiꞌdxyi raꞌ riiꞌ naa dxyiꞌdxyi nin naa guchii xteenn Dxiohs.

Apocalipsis 21:14

Ñaaꞌ baarda chi nuu tsiꞌh bichiohpa dxiah nin naa simientu, ya tuhbigah raꞌ dxiah chi caa lah tuhbigah raꞌ pooxtla xteenn Lliꞌhyi xteenn Dxiohs.

Apocalipsis 21:27

Ya ayi chuu nin tuhbi raꞌ bwiinn nin ruhnn dziꞌn dxaaba raꞌ riꞌchi; sola chuu raꞌ bwiinn raꞌ nin caa lah raꞌ ñiꞌh loh chihbru nin naa guelnabahan nin nahpa Lliꞌhyi xteenn Dxiohs.

Apocalipsis 21:9

Ya chiꞌchi bwaꞌhahn loh raꞌ tuhbi aanjla nin naa gahdzi raꞌ aanjla nin caꞌha gagaadzii raꞌ cohpa nin nuu raꞌ luulchima guelguxchisi xteenn Dxiohs, ya squiiꞌ guñiꞌ ba loon: ―Riiꞌ gudaaꞌ, tin guluꞌyiꞌhn yiꞌh dxaꞌpa nin guchinaa Lliꞌhyi xteenn Dxiohs.

Apocalipsis 5:6

Ya chiꞌchi galaayi yahgaxiiyi rooꞌ nin naa tronu cun nez loh raꞌ gadaapa raꞌ maan raꞌ nin rii gadiidxi tronu chi cun galaayi bwiinn guuhla raꞌ, bwaꞌhahn zuu tuhbi nin naa Xiꞌhyi Dxiohs, nicala rluuꞌyi sehn raꞌ nin guhchi Ñiꞌh ziga lliꞌhyi nin rbahchi guhn raꞌ bwiinn loh Dxiohs; zohba gahdzi xcahchu Ñiꞌh neezaa nuu gahdzi baꞌloh Ñiꞌh nin naa gahdzi Spíritu xteenn Dxiohs nin ruxeꞌhla Ñiꞌh nez gaduhbitiiꞌ loh guidxyiyuh,

Apocalipsis 5:8

Ya chin guyaꞌloh gunaꞌzu Ñiꞌh chihbru chi, chiꞌchi gadaapa maan nin rii hasta zohba yahgaxiiyi rooꞌ dxibaaꞌ cun gagaldabi tapa raꞌ bwiinn guuhla bazuꞌnllihbi raꞌ ba nez delanta loh Xiꞌhyi Dxiohs, tin tuhbigah raꞌ bwiinn guuhla chi nuu tuhbigah harpa naa raꞌ ba nee cun dxiꞌba ohro raꞌ nin naa ziga bisihn guxaꞌhla, ya guxaꞌhla riiꞌ naa guelrbwihdxyi-guelrnaaba xteenn raꞌ garaa raꞌ xpwiinn Dxiohs laꞌh Ñiꞌh,

Apocalipsis 6:1

Ya seguihdu bwaꞌhahn loh nin naa Xiꞌhyi Dxiohs baxaala Ñiꞌh loh tuhbi raꞌ sehyu, ya bihn dxiaagahn guñiꞌ tuhbi raꞌ gadaapa raꞌ maan nin nuu hasta zohba yahgaxiiyi rooꞌ dxibaaꞌ, per chin guñiꞌ ma naa rsiaaꞌha ma ziga chin rñiꞌ guziꞌw, nah ma: ―Gudaaꞌ tin bwaꞌha.

Apocalipsis 6:16

ya rahbi raꞌ ba loh raꞌ dahan raꞌ cun loh raꞌ dxiah ltah raꞌ: ―Guldxiaaba yihca nu nee gulchuulaꞌn laꞌh nu loh nin zohba loh yahgaxiiyi rooꞌ llaaꞌndxibaaꞌ, nee cun loh guelguxchisi duxa nin guniꞌhi Xiꞌhyi Dxiohs,

Apocalipsis 7:14

Ya chiꞌchi raꞌpihn loh ba: ―Daada, banaann yuꞌbiluꞌh. Chiꞌchi nah ba loon: ―Bwiinn raꞌ riiꞌ nin batiꞌdxiloh trabahjw duxa, ya gudxiꞌbi xahba raꞌ ba tin biaaraꞌn cun llarihn Jesucristu nin naa Xiꞌhyi Dxiohs.

Apocalipsis 7:17

laasii laꞌh Xiꞌhyi Dxiohs nin zohba galaayillee loh yahgaxiiyi rooꞌ nin naa tronu nez dxibaaꞌ gaapa laꞌh raꞌ ba ziga zi lliꞌhyi raꞌ, ya chenee Ñiꞌh laꞌh raꞌ ba hasta nuu ñihsa nin naa guelnabahan; ya Dxiohs gucwiꞌdzi rwaꞌhaloh raꞌ ba cun ñihsabwii raꞌ nin ruꞌn raꞌ ba.