Filemón 1:6 - Zapoteco de Chichicapan

⁶ Rnaꞌbaꞌhn loh Dxiohs tin chioo ru ziga nin riachii stoꞌ luꞌh gaduhbi nin cagaluuꞌyi luꞌh xchiꞌdxyi Dxiohs loh raꞌ snuhn bwiinn, tin ziꞌchi gadzihn gacabwaꞌ raꞌ ba loh raꞌ cohsa zaꞌca raꞌ nin nadxiaapa raꞌ nuꞌh pur xcweenta Jesucristu.

Filemón 1:6 Iomraidhean Croise

San Mateo 25:16

Pwihsi laꞌh mooza nin gucaꞌha gaꞌyu mihyi chi bwiꞌhnnee ba mweeyi chi guriꞌxi ya bwiꞌhnn ba gahn yihca mweeyi chi za gaꞌyu mihyi yihcan.

San Mateo 5:16

Pwihsi ziꞌchi za laꞌh tu gulguiꞌhnn pur guziaꞌñih xpiaꞌñih tu nez loh raꞌ bwiinn, tin gacabwaꞌ raꞌ ba nee gwaꞌha raꞌ ba dziꞌn zaꞌca nin ruhnn tu, tin guiñiꞌ zaꞌca raꞌ ba pur xcweenta Daada Dxiohs nin nuu dxibaaꞌ.

1 Corintios 14:25

ya ziꞌchi ziinloh loh raꞌ lligaaba nin nagaꞌtsi laꞌn lastoꞌ ba, chiꞌchi zusiaꞌchyu llihbi ba guzuꞌnllihbi ba nez loh Dxiohs, nee ziñiꞌ za ba guchii paꞌh zuu Dxiohs galaayi tu.

1 Corintios 16:9

laasii riꞌchi nuu ziahan raꞌ bwiinn nin xclaaꞌdzi gusiꞌdxi xchiꞌdxyi Dxiohs, nee riꞌchi za nuu raꞌ ziahan raꞌ nin rdxyiꞌchinee raꞌ naꞌh.

Filipenses 4:8

Pur luulchima bwiitsi lasaaꞌ raꞌ, gulguiꞌhnn lligaaba xcweenta garaa raꞌ nin naa raꞌ guchii, loh garaa raꞌ nin chaꞌyi, loh garaa raꞌ nin naa xnehza, loh garaa raꞌ nin naa ganaalla nayaa nee gulguiꞌhnn lligaaba loh garaa raꞌ nin naa bwen nee loh garaa raꞌ nin rñiꞌ zaꞌca raꞌ bwiinn xcweenta ñiꞌh cun garaa raꞌ nin ruhn tucahri ziga xmohda bwiinn cun nin mahzi dziꞌbaloh loh garaatiiꞌ.

Colosenses 1:9

Pwihsi dez dxyih nin badzihn dxyiꞌdxyi riiꞌ loh nu xcweenta ziga riachiistoꞌ tu xchiꞌdxyi Dxiohs, niꞌchin guillii-guillii rachinaꞌba nu loh Dxiohs xcweenta tu, ya nin rachinaꞌba nu xcweenta tu chi tin cuꞌbiaꞌñih Ñiꞌh loh xigaaba tu tin gacabwaꞌ tu xcweenta nin xclaaꞌdzi Ñiꞌh guunn tu nee neezaa Spíritu Saantu guluuꞌyi laꞌh tu xa chezahnee tu xcweenta dxyiꞌdxyi nanchii raꞌ nin bihnn tu nee tin dxiuꞌnbwaꞌza tu cuun nin naa dxyiꞌdxyi nin guchiipaꞌh (nee tin gacabwaꞌza tu cuun nin naa dxyiꞌdxyi xihn raꞌ nin ayi galluꞌyi).

Colosenses 3:10

yannah ya badxaꞌh tu tin biaca nacuubi stoꞌ tu laasii Dxiohs nugachaꞌh laꞌhtu tin gaca tu ziga gahca laꞌhÑiꞌh tin ziꞌchi dxiuꞌnbwaꞌpaꞌh tu laꞌh Ñiꞌh.

Tito 3:14

nee neezaa xpwiinn nuꞌh gusiꞌdxi raꞌ guunn bwen nee gacanee raꞌ ba laꞌh bwiinn nin nuu raꞌ yaꞌdxi loh raꞌ ñiꞌh tin para ayi guibahan lliaaꞌha si raꞌ ba.

Hebreos 6:10

laasii Dxiohs naa nin ruhnn guelguxchisi zaꞌca, nee ayi xclaaꞌdzi Ñiꞌh dxiaꞌlda nin ruhnn tu nee guelrucaꞌhstoꞌ nin nahpa tu laꞌh Ñiꞌh chin rahcanee tu laꞌh bwihtsi raꞌ nuꞌh loh guelriachiistoꞌ xteenn Dxiohs, cun gallee raꞌ dziꞌn zaꞌca nin zeezah cayuhnn tu,

Santiago 2:14

Bwiitsi raꞌ, ¿xi galluꞌyi sibweelaa tuhbi tu guiñiꞌ nuu guelriachii stoꞌ xteenn Dxiohs stoꞌ tu nee ayi xi dziꞌn zaꞌca cayuhnn tu? Sidela ziꞌchi naa xmohda tu, ¿ta zuhnn chiꞌh guelriachii stoꞌ chi gahn taꞌh tu loh duhlda?

Santiago 2:17

Ziꞌchi gahca za rahca cun guelriachii stoꞌ laꞌh Dxiohs sidela ayi guluuꞌyi bwiinn loh dziꞌn zaꞌca nin ruhnn ba, ya ziga guelriachii stoꞌ ba pur tuhsin naan ziga tuhbi cohsa guuchi.

1 Pedro 2:12

Gulguibahan zaꞌca nez loh raꞌ bwiinn raꞌ nin ayi naa raꞌ bwiinn Israel raꞌ. Nicala nnah rñiꞌ raꞌ ba dxyiꞌdxyinah pur laꞌhtu ziga bwiinn nin ruhnn cohsa dxaaba, per ya chin gwaꞌha raꞌ ba xcweenta dziꞌn zaꞌca nin ruhnn tu, chiꞌchi ziñiꞌ zaꞌca raꞌ ba pur laꞌh Dxiohs chin gadzihn dxyih guunn Dxiohs guelguxchisi xcweenta cada tuhbigah raꞌ bwiinn.

1 Pedro 3:1

Ziꞌchi gahca za laꞌhtu, gunnaꞌh nin nuu za cheꞌhla raꞌ ñiꞌh; gulgazoꞌbadxiahga xchiꞌdxyi xpwiinn ndxiꞌhw tu, tin ziꞌchi sidela chyulla tuhbi raꞌ ba nin ayi riachii stoꞌ ñiꞌh xchiꞌdxyi Dxiohs, ziachii stoꞌ raꞌ ba xchiꞌdxyi Dxiohs laasii gwaꞌhaloh raꞌ ba xa ba ruhnn tu xa naa xmohda tu cun xa nadoꞌlaadzi tu.

1 Pedro 3:16

Gulguibahan zaꞌca tin cwiidxyii xquelrihn tu, tin chin guiñiꞌyah raꞌ ba laꞌhnuꞌh laasii nabahan zaꞌca nuꞌh loh xneziuh Jesucristu ziaꞌhan xtuhyi raꞌ ba pur nin guiñiꞌyah raꞌ ba laꞌhnuꞌh.

2 Pedro 1:8

Ya sidela laꞌhtu mahzi ru ruzoꞌbadxiahga tu garaa raꞌ dxyiꞌdxyi raꞌ riiꞌ, pwihsi xquelnabahan tu ayi naan guelnabahan lliaaꞌ zi nee ayi biuꞌnbwaꞌ lliaaꞌzi za tu laꞌh Daada Jesucristu,