Filemón 1:22 - Zapoteco de Chichicapan

²² Pwihsi ziꞌchi gahca za, bwiꞌhnn siguhra hasta dxiaꞌhanahn laasii cabweꞌzaꞌhn guluuꞌyi Dxiohs ziga nin canaaba tu loh Ñiꞌh, tin guunn Dxiohs para dxieꞌldaguiaꞌhahn cuun tu.

Filemón 1:22 Iomraidhean Croise

Hechos 27:24

chiꞌchi nnah Ñiꞌh loon: “Ayi guidxyihbi luꞌh Pahblu laasii nahpaa chee luꞌh loh rrehyi César, ya pur yiꞌh niꞌchin nin zutaꞌh Dxiohs laꞌh garaa raꞌ nin zeꞌnee luꞌh laꞌn barcu loh guelguhchi.”

Hechos 28:23

Ya biaꞌhan dxyiꞌdxyi raꞌ ba tuhbi dxyih guluuꞌyi Pahblu xchiꞌdxyi Jesucristu laꞌh raꞌ ba, ya chin guhldaa dxyih chi badiaaꞌha ziahan bwiinn hasta nuu Pahblu. Ya gaduhbi dxyih chi baluuꞌyi Pahblu xa naa xquelrnabwaꞌ Dxiohs. Ya cun dxyiꞌdxyi nin caa loh xlehyi Moisehs cun neezaa dxyiꞌdxyi nin bacaꞌh raꞌ guehtu daada raꞌ nin guñiꞌ xchiꞌdxyi Dxiohs, baluuꞌyi Pahblu laꞌh raꞌ ba Jesuhs nin zeꞌ guihdxyi Nazaret naa Crixtu nin galohyi cabweeza raꞌ ba dxiꞌ.

Romanos 15:24

pwihsi nnah nin guzaaꞌhahn tuhbi viaja para guihdxyi España zieꞌldaguiaꞌhan cuun tu. Ya chin chaꞌloh gwaꞌhan loh tu, chiꞌchi guidiaꞌhahn zahcanee tu naꞌh tin chaaꞌhahn España.

2 Corintios 1:11

laasii cayahcanee tu laꞌhnu, ziga cabwihdxyi-canaaba tu loh Dxiohs xcweenta nu. Ya ziahan za snuhn raꞌ bwiinn zudiꞌhi guelzuxchiilli loh Dxiohs pur xcweenta guelruhnntaaꞌyi nin runiꞌhi Ñiꞌh laꞌhnu.

Filipenses 1:19

ya niꞌchin naꞌh naꞌpahn siguhra garaaraꞌ deeꞌ guunn para gareꞌhn lahtsidxiꞌba riiꞌ laasii pur nin cabwihdxyi-canaaba tu xcweꞌntahn loh Dxiohs nee cun neezaa guelrahcanee nin nuganiꞌhi Spíritu Saantu Jesucristu naꞌh.

Filipenses 2:24

neezaa naꞌh cayuꞌnnzahn lligaaba dxieꞌldaguiaꞌhn cuun tu sidela gusaaꞌn Jesucristu.

Hebreos 13:19

Rnaꞌbazahn loh tu, cwidxyi chihpa tu loh Dxiohs pur naꞌh tin gacanee Dxiohs naꞌh guibiaꞌgariin dxieꞌlda guiaꞌhan cuun tu.

Hebreos 13:23

Pwihsi gulgacabwaꞌ nnah, laꞌlasaaꞌ nuꞌh Timoteu bareꞌh lahtsi dxiꞌba; sidela laꞌh Timoteu gadzihngah ba riiꞌ, pwihsi dxieꞌldaneꞌhn ba chin dxieꞌldaguiaꞌhan cuun tu.

Santiago 5:16

Pwihsi niꞌchin gulchixteeꞌ loh lasaaꞌ tu xcweenta xtuhlda tu nee gulguiñiꞌnee za laꞌh Dxiohs tin para chapitii xtuhlda tu, laasii guelrñiꞌnee bwiinn zaꞌca laꞌh Dxiohs cun gaduhbi stoꞌ ba nahpan ziahan rooꞌ jweersi.

2 Juan 1:12

Ziahan ru dxyiꞌdxyi naꞌpahn para guiñiꞌn loh tu, per ayi xclaaꞌdzihn gucaꞌhraꞌñin loh dxihtsi; mahzi chaꞌyi cabweꞌzaꞌhn dxieꞌldaguiaꞌhahn cuun tu tin dxiahxi lastoꞌn.

3 Juan 1:14

laasii xclaaꞌdzihn gwaꞌhahn loh luꞌh seguihdu gahca, ya chiꞌchi gachidiꞌyidxyiꞌdxyi nuꞌh cun rwaaꞌ raꞌ nuꞌh.