Filemón 1:2 - Zapoteco de Chichicapan

² Racaꞌh za nu dxihtsi riiꞌ loh Apia, nin naa bizaaꞌn nu loh guelriachii stoꞌ loh Jesucristu, cun laꞌh Arquipu nin naa tuhbi lasaaꞌ nu loh dziꞌn riiꞌ, nee cun loh za raꞌ bwiinn guidoꞌ raꞌ nin radiaaꞌha rwaaꞌ yihdzi luꞌh.

Filemón 1:2 Iomraidhean Croise

Romanos 16:1

Rguꞌneezahn laꞌh bizaaꞌn nuꞌh Febe nee loh tu, laasii nee bi bwiꞌhnn bi dziꞌn rooꞌ laꞌn guidoꞌ xteenn guihdxyi Cencrea.

Romanos 16:5

Ruxeꞌhlaꞌhn tuhbi guelrgahpaDxiohs loh raꞌ lasaaꞌ raꞌn nin radxaꞌga lasaaꞌ raꞌ rwaaꞌ yihdzi Priscila cun Aquila. Ruxeꞌhlazahn tuhbi guelrgahpaDxiohs laꞌh Epenetu, nin naa mwer tuhbi bwiinn nin gwachiistoꞌ ñiꞌh xchiꞌdxyi Jesucristu nez guihdxyi Acaya.

1 Corintios 16:19

Laꞌh raꞌ bwiinn xquidoꞌ Jesucristu nin nuu raꞌ nez loh guihdxyi raꞌ xteenn Asia ruxeꞌhla tuhbi guelrgahpaDxiohs para laꞌhtu. Aquila cun cheꞌhla ba Priscila, cun neezaa raꞌ bwiinn raꞌ nin radiaaꞌha loh cultu rwaaꞌ yihdzi raꞌ ba; ruxeꞌhla za raꞌ ba ziahan duxa guelrgahpaDxiohs para laꞌhtu.

Filipenses 2:25

Per nnah bwiꞌhnnaꞌhn lligaaba nahpaa gaguꞌneezahn laꞌh bwiitsi nuꞌh Epafroditu, nin rahcanee naꞌh cun nin rutiꞌdxilohnee nu loh trabahjw xcweenta xchiꞌdxyi Dxiohs, laꞌhbi nin guluꞌnehza tu laꞌhgahca tu tin guhcanee bi naꞌh xcweenta tu pur nin rchiꞌhnaꞌhn.

Colosenses 4:15

GulgahpaDxiohs za xcweeꞌntahn laꞌh raꞌ bwihtsi raꞌ nuꞌh loh xcweenta Jesucristu nin rii loh guihdxyi Laodicea cun neezaa laꞌh Niinfa nee cun laꞌhza raꞌ xpwiinn Jesucristu nin radiaaꞌha yihdzi bi.

Colosenses 4:17

Gulgahbi dxyiꞌdxyi riiꞌ loh Arquipu: “Bwiꞌhnn pur guzaꞌloh luꞌh dziꞌn nin baniꞌhi Daada Jesucristu guunn luꞌh.”