Apocalipsis 8:2 - Zapoteco de Chichicapan

² chiꞌchi bwaꞌhahn loh gahdzi xaanjla Dxiohs zuu raꞌ aanjla raꞌ chi nez delanta loh Dxiohs nin nuu dxibaaꞌ, ya gucaꞌha za raꞌ ba gahdzi trompeta ya tuhbigahan cada tuhbigah aanjla raꞌ chi,

Apocalipsis 8:2 Iomraidhean Croise

San Mateo 18:10

Rahbi za Ñiꞌh: ―Pwihsi gulguiaꞌha gah tin ayi cweꞌhestoꞌ tu laꞌh raꞌ bwiinn nin naa ziga biñiꞌn biꞌtuꞌhn raꞌ riiꞌ, pwihsi rñiꞌn loh tu xaanjla raꞌ bi guillii-guillii riiꞌ raꞌ ba loh Xtaaꞌdahn nin nuu dxibaaꞌ,

San Mateo 24:31

ya ziguꞌnehza Ñiꞌh xaanjla Ñiꞌh tin jweersi rooꞌ gucwidxaaꞌ raꞌ ba trompehta tin gadiaaꞌha raꞌ bwiinn raꞌ nin bibwiꞌhi loh gadahpa xnehza bwih nez tuhbi lahdu rwaaꞌ guidxyiyuh cun para stuhbi lahdun.

San Lucas 1:19

Chiꞌchi rahbi aanjla chi loh ba: ―Naꞌh naan aanjla Gabriel, nuuꞌuhn loh Dxiohs. Yannah guxeꞌhla Dxiohs naꞌh zeꞌldaneꞌhn tuhbi dxyiꞌdxyi zaꞌca loh luꞌh.

San Lucas 21:36

Niꞌchin rñaan loh tu gulgaca nasiin. Ayi gucweꞌza tu cwidxyi-guinaaba loh Dxiohs tin taꞌh tu loh garaa nin gaca tin gacaza suh tu loh Lliiꞌn Dxiohs nin naa ndxiꞌhw.

1 Corintios 15:52

Madxihdu zigazi siin luꞌh, nee lwehgugahca guillaala loh luꞌh, chin dxihn tu guiñiꞌ luulchima trompeta, chiꞌchi zabahan raꞌ bwiinn raꞌ nin guhchi ya ayi ru chutiiꞌ dxyih gachi raꞌ ba; ya neezaa laꞌh raꞌ nuꞌh zidxaꞌh za tihxi raꞌ nuꞌh,

1 Tesalonicenses 4:16

laasii squiiꞌ gaca cohsa chi: zahca tuhbi ridxaaꞌ ziga xteenn tuhbi nin canabwaꞌ, nee zihn za nuꞌh rsiaaꞌha tuhbi aanjla nin mahzi rnabwaꞌ, nee zibwidxaaꞌ za xtrompeta Dxiohs. Ya ziinloh Daada Jesucristu nez llaaꞌndxibaa, ya chiꞌchi zabahan raꞌ bwiinnguuchi nin gwachiistoꞌ raꞌ ñiꞌh xchiꞌdxyi Jesucristu,

Apocalipsis 1:4

Naꞌh Jwahn, cagacaꞌhn dxihtsi riiꞌ loh raꞌ xpwiinn Jesucristu nin rii gagaadzi guihdxyi raꞌ xteenn Asia. Gulguicaꞌha guelrbwidxyii stoꞌ xteenn laꞌh gahca Dxiohs nin naa nnadxyih, cun desde laꞌn dxyih raꞌ nin zeꞌdiiꞌdxi, nee cun nin nahpa dxiꞌ, nee cun nin banaaza par tuꞌpazi, nee xquelruhnntaaꞌyi cun xquelrbahchidxyii stoꞌ xteenn gagaadzi raꞌ spíritu nin zuu nez hasta rnabwaꞌ Dxiohs,

Apocalipsis 11:15

Chin bacwidxaaꞌ nin rahca gahdzi xaanjla Dxiohs trompeta chiꞌchi guyuuꞌ rsiaaꞌha nin cañiꞌ nez dxibaaꞌ rahbi squiiꞌ: Laꞌh hohra bigaꞌha guinabwaꞌ Dxiohs neezaa Daada Jesucristu loh guidxyiyuh, ya laꞌh Ñiꞌh zinabwaꞌ Ñiꞌh par tuꞌpazi.

Apocalipsis 15:1

Chiꞌchi bwaꞌahn stuhbi sehn rooꞌ llaaꞌndxibaaꞌ nin bachiꞌbi duxa naꞌh; bwaꞌhahn gahdzi xaanjla Dxiohs cun gagaadzi guelninrusaꞌcazii raꞌ nin naa luulchima ya niꞌchi naa luulchima xquelnadxyiꞌchi Dxiohs, nin gariaꞌllahn Ñiꞌh laꞌh raꞌ bwiinn guidxyiyuh.

Apocalipsis 16:1

Chiꞌchi biindxiaagahn rsiaaꞌha tuhbi nin cañiꞌ jweersi rooꞌ laꞌn guidoꞌ saantu rooꞌ nin nuu dxibaaꞌ, cañiꞌ niꞌchi loh raꞌ gagaadzi xaanjla Dxiohs squiiꞌ: ―Gulchegalaꞌta guelguxchisi xteenn Dxiohs nin nuu laꞌn gagaadzi cohpa ca loh guidxyiyuh.

Apocalipsis 8:13

chiꞌchi bwaꞌhahn nez llaaꞌndxibaaꞌ ya bihn dxiaagahn rsiaaꞌha ziga tuhbi bisiah nin zaꞌbi ñiꞌh nez galaayi llaaꞌndxibaaꞌ squiiꞌ: ―¡Ayy, ayy, ayy! ¡Prohbi za laꞌh raꞌ bwiinn guidxyiyuh chin gucwidxaaꞌ za schohnna aanjla trompeta! Zizahcazii duxa raꞌ ba.

Apocalipsis 8:6

Chiꞌchi gagaadzi raꞌ xaanjla Dxiohs nin nuꞌa raꞌ tuhbigah trompeta nin naa za gahdzi, guzuh xnehza raꞌ ba tin gucwidxaaꞌ raꞌ ba trompeta raꞌ chi,

Apocalipsis 9:1

Chin bacwidxaaꞌ nin rahca gaꞌyu xaanjla Dxiohs trompeta, chiꞌchi bwaꞌhahn tuhbi dxih llaaꞌndxibaaꞌ biaaban loh guidxyiyuh; dxih llaaꞌndxibaaꞌ chi gucaꞌha chiahyi xteenn rwaaꞌ guiiꞌdxiu xteenn gabihldxi,