Apocalipsis 6:2 - Zapoteco de Chichicapan

² Ya chiꞌchi bwaꞌhahn tuhbi maan gway labweh; ya nin zohba dihtsi ma nuu tuhbi arcu nin rucaꞌh bahza naa niꞌchi, ya gucaꞌha za ba tuhbi corohna tin biriaꞌh ba cayuhnn ba gahn nee tin guunn za ba gahn chyu chiꞌh zi.

Apocalipsis 6:2 Iomraidhean Croise

San Mateo 28:18

ya chiꞌchi gwabiiga Jesuhs loh raꞌ ba tin rahbi Ñiꞌh loh raꞌ ba: ―Naꞌh lanaꞌpaa garaatiiꞌ guelrnabwaꞌ llaaꞌndxibaaꞌ cun loh guidxyiyuh,

1 Corintios 15:25

laasii Crixtu caꞌha Ñiꞌh guelrnabwaꞌ cun para hasta laꞌn dxyih raꞌ nin garah raꞌ bwiinn nin rdxyiꞌchinee laꞌh Ñiꞌh gutsiiga Dxiohs nez loh Ñiꞌh,

Apocalipsis 11:15

Chin bacwidxaaꞌ nin rahca gahdzi xaanjla Dxiohs trompeta chiꞌchi guyuuꞌ rsiaaꞌha nin cañiꞌ nez dxibaaꞌ rahbi squiiꞌ: Laꞌh hohra bigaꞌha guinabwaꞌ Dxiohs neezaa Daada Jesucristu loh guidxyiyuh, ya laꞌh Ñiꞌh zinabwaꞌ Ñiꞌh par tuꞌpazi.

Apocalipsis 11:18

Bidxyiꞌchi raꞌ bwiinn guihdxyiyuh loh luꞌh, per laꞌh dxyih badzihn chuu llahn stoꞌ luꞌh cun laꞌh raꞌ ba, guunn luꞌh guelguxchisi loh raꞌ bwiinn guuchi, ya gudiꞌhi luꞌh cohsa zaꞌca laꞌh raꞌ xpwiinn raꞌ luꞌh nin guñiꞌ xcweenta luꞌh, loh raꞌ nin gwachiistoꞌ raꞌ ñiꞌh xchiꞌdxyi luꞌh, loh za raꞌ nin ruzuꞌnllihbi nez loh luꞌh, nicala bwiinn prohbi o bwiinn rooꞌ raꞌ. Laꞌh dxyih badzihn cweꞌhecaa luꞌh laꞌh raꞌ nin ruñihchi nezloh Luꞌh loh guidxyiyuh tin ñichiloh raꞌ ba.

Apocalipsis 14:14

Chiꞌchi bwaꞌhahn tuhbi xcahyi labweh, ya loh xcahyi chi zohba tuhbi nin rñah ziga Lliiꞌn Dxiohs nin naa ndxiꞌhw ya zohba tuhbi curohn nin naa ganaallatiiꞌ ohro yihca Ñiꞌh, ya nuu tuhbi hohsa naa Ñiꞌh nee caa duxa loh hohsa chi,

Apocalipsis 15:2

Bwaꞌha zahn tuhbi ziga nin rñah ziga ñihsadoꞌ nin naa ziga cristal nuuchin bwehla, ya garaa raꞌ bwiinn raꞌ nin ayi guzuꞌnllihbi nez loh maan rooꞌ cun ziga xfiguhra ma nee nin ayi za basaaꞌn ñicah tihxi raꞌ ba númeru, nin lah maan chi; zuu raꞌ ba galaayi ñihsadoꞌ chi, nee caꞌha raꞌ ba arpa raꞌ nin badiꞌhi Dxiohs laꞌh raꞌ ba,

Apocalipsis 17:14

Laꞌh raꞌ dee raꞌ nin gucaꞌhnee laꞌh Lliꞌhyi xteenn Dxiohs, per zuhnn Lliꞌhyi chi gahn loh raꞌ cohsa raꞌ chi laasii laꞌh Ñiꞌh naa Ñiꞌh Daada loh garaa raꞌ daada raꞌ nee naa za Ñiꞌh rrehyi loh garaa raꞌ rrehyi raꞌ nin nuu loh guidxyiyuh, ya garaa raꞌ nin naꞌhla laꞌh Ñiꞌh, naa bwiinn raꞌ nin gulii Dxiohs nee naa raꞌ ba bwiinn nayaa nin zeezah dziꞌtsi loh xchiꞌdxyi Ñiꞌh.

Apocalipsis 19:14

Ya naꞌhla garaa raꞌ suldahdu dxibaaꞌ xteenn Dxiohs laꞌh Ñiꞌh, nahcu raꞌ ba lahdxi labweh guiiꞌw raꞌ, lahdxi nayaa nee dziꞌba za raꞌ ba maangwahyi labweh raꞌ.

Apocalipsis 3:21

ya bwiinn nin ruhnn gahn loh duhlda, laꞌh bwiinn chi gudiꞌhihn guinabwaꞌnee ba naꞌh llaaꞌndxibaaꞌ, ziga bwiꞌhnnaꞌhn gahn loh duhlda niꞌchin nin guzoꞌbaꞌhn hasta rnabwaꞌ Xtaaꞌdahn llaaꞌndxibaaꞌ.

Apocalipsis 9:7

Bwiꞌtsisuu raꞌ chi rñah ziga zi maan gwahyi raꞌ nin zuuchaꞌyi tin chee raꞌ ma loh guehrru; yihca raꞌ ma nuu ziga tuhbi curohn dxiꞌba ohro, ya loh raꞌ ma naa ziga loh raꞌ ndxiꞌhw.