Apocalipsis 5:2 - Zapoteco de Chichicapan

² chiꞌchi bwaꞌhahn loh tuhbi xaanjla Dxiohs nin nahpa zirooꞌ jweersi, chiꞌchi guñiꞌ jweersi aanjla chi rahbi ba: ―¿Chyu niꞌca ruhnn tucahri guxaala loh dxihtsi riiꞌ nee chiꞌllu za niꞌchi sehyu nin caa loh dxihtsi riiꞌ?

Apocalipsis 5:2 Iomraidhean Croise

Apocalipsis 10:1

Chiꞌchi bwaꞌhahn loh stuhbi xaanjla Dxiohs nin nahpa guelrnabwaꞌ duxa zieꞌyehta aanjla chi nez llaaꞌndxibaaꞌ, duꞌbi aanjla chi xcahyi nee neezaa tuhbi guundzihin biinloh nez yihca aanjla chi, ya loh aanjla chi rcahbachaꞌhan ziga zi loh gubihdxyi, ya ñaaꞌ aanjla chi rñah ziga zi piyahri raꞌ nin naa bwehla.

Apocalipsis 18:21

Ya laꞌh tuhbi xaanjla Dxiohs nin nahpa guelrnabwaꞌ guteesa ba tuhbi dxiah, nin naa ziga zi tuhbi dxiah rooꞌ nin rucaꞌdzi maan dohba ya balaꞌh aanjla chin loh ñihsadoꞌ, chiꞌchi rahbi ba squiiꞌ: ―Squiiꞌ za dxiaabagueeta guihdxyi Babilonia, ya nin ayi chuꞌtiiꞌ nin stuhbi dxyih gwaꞌha tu loh guihdxyi Babilonia.

Apocalipsis 5:1

Chiꞌchi naꞌh Jwahn bwaꞌhahn loh naa derehchu nin zohba loh yahgaxiiyi rooꞌ nin naa trono, nuu tuhbi dxihtsi nin biduꞌbi, caa lehtra loon cun nez dihtsin ya ñieꞌwun cun gahdzi sehyu,

Apocalipsis 5:5

chiꞌchi guñiꞌ tuhbi bwiinn guuhla loon, nah ba: ―Ayi ru guꞌn luꞌh; laꞌh bweꞌdzi nin naa xahgadoꞌ guehtu Judah cun xahgadoꞌ guehtu Davihd, laꞌh Ñiꞌh bwiꞌhnn gahn loh guelguhchi niꞌchin nnah laꞌh Ñiꞌh ruhnn tucahri guxaala loh dxihtsi ca cun chiꞌllu Ñiꞌh gagaadzi sehyu nin caa dihtsi ca.