Apocalipsis 4:1 - Zapoteco de Chichicapan

¹ Chin guyaꞌloh bacaꞌhn dxyiꞌdxyi raꞌ nin gunabwaꞌ Ñiꞌh bacaꞌhn, chiꞌchi guteesa loon nez dxibaaꞌ, bwaꞌhahn zohballaala rwaaꞌ ziga tuhbi yuuꞌ nez dxibaaꞌ, chiꞌchi guñiꞌ tuhbi rsiaaꞌha loon, rsiaaꞌha chi naan ziga rsiaaꞌha xteenn tuhbi trompeta nin bihn dxiaagahn galoh, nah rsiaaꞌha chi loon: ―Gucah riiꞌ, tin guluꞌyiꞌhn yiꞌh garaaꞌ raꞌ nin chuu ru gaca chin tuulla gaca cohsa raꞌ riiꞌ.

Apocalipsis 4:1 Iomraidhean Croise

San Mateo 3:16

Ya chin guyaꞌloh guroꞌbañihsa Jesuhs, lwehgu guzuꞌnchii Jesuhs loh ñihsa, hohra chi gahca billaala dxibaaꞌ, ya bwaꞌha Jesuhs zeꞌyehta Spíritu Saantu nez yihca Ñiꞌh ziga zi tuhbi palohmwiꞌhn,

San Marcos 1:10

ya loh nin bariaꞌh Jesuhs loh ñihsa, bwaꞌha Ñiꞌh billaala dxibaaꞌ chiꞌchi biehta Spíritu Saantu yihca Jesuhs zigazi tuhbi palohmwiꞌhn.

San Lucas 3:21

Chin nagahdxi gaca deeꞌ cagaroꞌbañihsa Jwahn ziahan bwiinn, neezaa Jesuhs gurohbañihsa, ya gaduhbi cabwihdxi-canaaba Jesuhs loh Dxiohs, billaala dxibaaꞌ,

San Juan 16:13

per chin dxiꞌ Spíritu Saantu, zuluuꞌyi Ñiꞌh laꞌh tu garaa raꞌ nin naa ganaalla dxyiꞌdxyi guchii, laasii ayi guiñiꞌ Spíritu Saantu pur xcwenta gahca Ñiꞌh, sino que ziñiꞌ Ñiꞌh nin dxihn Ñiꞌh nee zusadxihn za Ñiꞌh laꞌh tu, tin gacabwaꞌ tu cohsa raꞌ nin gueꞌdu gaca.

Hechos 10:11

bwaꞌha ba llaaꞌndxibaaꞌ billaalan biehta tuhbi ziga lahdxi maanta hasta loh yuh ya gadahpa xchihnan yiꞌbiduꞌh.

Hechos 7:56

chiꞌchi rahbi Esteban loh raꞌ ba: ―Gulguiaꞌha naꞌh rwaꞌhan llaaꞌndxibaaꞌ zohballaalan ya Lliiꞌn Dxiohs nin naa ndxiꞌhw laꞌh Ñiꞌh zuu xlahdu derehchu Xtaada Dxiohs Ñiꞌh.

Apocalipsis 1:10

pwihsi tuhbi dxyih Dumingu biaꞌhanahn loh xquelrnabwaꞌ Spíritu Saantu xteenn Dxiohs ya bihnaꞌhn nez diꞌtsihn tuhbi rsiaaꞌha ziga xteenn tuhbi trompeta,

Apocalipsis 1:12

Chiꞌchi basiaꞌgarii loon tin bwaꞌhahn nez diꞌtsihn chyuñin cañiꞌ loon, ya loh bwiꞌhnnaꞌhn ziꞌchi bwaꞌhahn gagaadzi gandayehru ohro,

Apocalipsis 1:19

Niꞌchin nin bacaꞌh xcweenta garaa raꞌ nin bwaꞌha luꞌh, nin cayahca nnah, neezaa cun nin gueꞌdu zeꞌyahlda gaca.

Apocalipsis 11:12

Lwehgu garoopa raꞌ bwiinn raꞌ chi bihn raꞌ ba tuhbi rsiaaꞌha nin guñiꞌ jweersi nez llaaꞌndxibaaꞌ rahbi loh raꞌ ba squiiꞌ: ―¡Gultaaꞌ nez guiyaꞌ riiꞌ! Ya bacah raꞌ ba nez dxibaaꞌ loh tuhbi xcahyi, ya bwaꞌha loh raꞌ bwiinn raꞌ nin rdxyiꞌchinee laꞌh raꞌ ba,

Apocalipsis 11:19

Ya chiꞌchi billaala xquidoꞌ Dxiohs nin nuu dxibaaꞌ, nee laꞌn guidoꞌ chi biinloh dxihn nin nuu dxiah hasta caa raꞌ dxyiꞌdxyi nin biaꞌhannee dxyiꞌdxyi Dxiohs laꞌh raꞌ bwiinn Israel, ya balaaca chiꞌh bidxiꞌñaaꞌ raꞌ, balaaca chiꞌh guñiꞌ za guziꞌw roo raꞌ; nee guhca za tuhbi lluh duxa cun biaaba tuhbi dxidxiah duxa za.

Apocalipsis 16:17

Ya chiꞌchi laꞌh nin rahca gahdzi aanjla gucaꞌha ba cohpa nin nuu naa ba bachah ban loh bwih zi, ya desde nez laꞌn guidoꞌ saantu rooꞌ nin nuu nez dxibaaꞌ biriaꞌh tuhbi rsiaaꞌha rooꞌ hasta zuu yahgaxiiyi xteenn Dxiohs nin guñiꞌ squiiꞌ: ―Laꞌn naa, laꞌn guyaꞌloh.

Apocalipsis 19:11

Chiꞌchi bwaꞌhahn billaala dxibaaꞌ, ya biinloh tuhbi maangwahyi labweh, ya nin zohba dihtsi ma laa Nin ruzaꞌloh xchiꞌdxyi Ñiꞌh, laasii rnabwaꞌ Ñiꞌh nee ruhnn Ñiꞌh guehrru ziga naa xnehza ziga naa guelguxchisi zaꞌca.

Apocalipsis 22:6

Chiꞌchi nnah aanjla chi loon squiiꞌ: ―Dxyiꞌdxyi raꞌ riiꞌ guchii raꞌ paꞌh naa raꞌn, nee zahca chechii stoꞌ raꞌ luꞌhn. Daada Dxiohs gahca gusañiꞌ lastoꞌ raꞌ bwiinn nin rñiꞌ xchiꞌdxyi Ñiꞌh; laꞌgahca Ñiꞌh baxeꞌhla Ñiꞌh xaanjla Ñiꞌh tin baluuꞌyiloh Ñiꞌh loh raꞌ xpwiinn Ñiꞌh cuun cohsa raꞌ nin gueꞌdu zeꞌyaahldaa gaca.