Apocalipsis 2:7 - Zapoteco de Chichicapan

⁷ Bwiinn nin zohballaala dxiahga ñiꞌh chuu ba chaꞌzi ba dxyiꞌdxyi raꞌ nin rñiꞌ Spíritu Saantu xteenn Dxiohs loh raꞌ xpwiiꞌnnraꞌn, ya bwiinn raꞌ nin guunn gahn loh duhlda, zudiꞌhihn ñinahxi nin caa loh yahga nin naa guelnabahan gahw raꞌ ba, yahga ñinahxi nin nuu llaaꞌndxibaaꞌ hasta nuu Dxiohs.”

Apocalipsis 2:7 Iomraidhean Croise

San Mateo 11:15

Bwiinn raꞌ nin zohballaala dxiahga raꞌ ñiꞌh, gulchuuꞌ gulchaꞌzi dxyiꞌdxyi riiꞌ.

San Mateo 13:43

ya garaa raꞌ bwiinn nin guzaꞌloh guunn ziga xclaaꞌdzi Dxiohs gaca, zahca raꞌ ba ziga zi tuhbi biaꞌñih xteenn gubihdxyi loh guelrnabwaꞌ xteenn Xtaada raꞌ ba nin nuu dxibaaꞌ. Niꞌchin bwiinn nin zohballaala dxiahga raꞌ ñiꞌh chuu raꞌ ba chaꞌzi raꞌ xchiꞌdxyi Dxiohs.

San Mateo 13:9

Pwihsi bwiinn nin zohballaala dxiahga ñiꞌh chuu ba chaꞌzi ba dxyiꞌdxyi raꞌ riiꞌ.

San Marcos 4:9

Chiꞌchi rahbi Jesuhs loh raꞌ ba: ―Sidela riuuꞌ tu riaꞌzi tu dxyiꞌdxyi raꞌ riiꞌ, gulgacaꞌdxiahgan.

San Marcos 7:15

Nin rguꞌtii laꞌh raꞌ bwiinn loh duhlda ayi naan guelwahw nin rahw raꞌ ba, sino que dxyiꞌdxyi dxixiꞌhw nin riinloh stoꞌ raꞌ ba, niꞌchi naa nin rguꞌtii laꞌh raꞌ ba loh duhlda.

San Marcos 7:16

Niꞌchin nin riuuꞌ-riaꞌzi dxyiꞌdxyi gulgacabwaꞌ nin zeꞌ raꞌ loh dxyiꞌdxyi raꞌ riiꞌ.

San Lucas 23:43

Chiꞌchi rahbi Jesuhs loh ba: ―Guchiin nin ñaan loh luꞌh, desde nnadxyih gahca cheneꞌhn yiꞌh para llaaꞌndxibaaꞌ.

San Lucas 8:8

Ya snuhnan biaaba loh yuh zaꞌca, niꞌchiyi gurooꞌ guhcan, pur tuhbin guhcan tuhbi gaywaꞌh llooba. Ya chin guyaꞌloh guñiꞌ Jesuhs niꞌchi, chiꞌchi guñiꞌ Ñiꞌh jweersi loh raꞌ bwiinn, rahbi Ñiꞌh: ―Sidela riuuꞌ tu riaꞌzi tu dxyiꞌdxyi raꞌ riiꞌ, gulgacaꞌdxiahgan.

San Juan 16:33

Laꞌn guñiꞌ dee raꞌ loh tu tin cwidxyii stoꞌ tu pur nuunee tu naꞌh tuhsi. Loh guidxyiyuh nahpa zizahcazii tu, per guldxiahxi laasii naꞌh laꞌn bwiꞌhnn gahn loh guidxyiyuh riiꞌ.

1 Corintios 2:10

Per laꞌh Dxiohs baluuꞌyi laꞌhnuꞌh xcweenta cohsa raꞌ riiꞌ cun Spíritu Saantu xteenn Ñiꞌh, laasii laꞌh Spíritu Saantu naa nin rahcabwaꞌ zaꞌca garaatiiꞌ, hasta cun nee gahca za hasta cohsa raꞌ ru nin nagaꞌtsi xteenn Dxiohs.

2 Corintios 12:4

Gwah ba hasta naa lahdxyi Dxiohs nin nabahan dziꞌtsi dxibaaꞌ hasta bihn ba dxyiꞌdxyi raꞌ nin ayi nuu guuyidxyiꞌdxyi ba loh raꞌ bwiinn.

1 Juan 2:13

Cagacaꞌhn dxyiꞌdxyi raꞌ riiꞌ loh yuꞌbitu daada bwiinnguuhla raꞌ, laasii ya gwachii stoꞌ tu laꞌh Jesucristu, naann tu laꞌh Ñiꞌh naa nin nabahan desde galohyi nee naa za Ñiꞌh nin banabahan para tuꞌpazi. Cagacaꞌhn dxyiꞌdxyi raꞌ riiꞌ loh tu biiꞌhin raꞌ laasii ayi ru ruzoꞌbadxiahga tu xchiꞌdxyi bwiinndxaaba. Cagacaꞌh zahn dxyiꞌdxyi riiꞌ loh tu lliiꞌn raꞌn, laasii nuꞌnbwaꞌ tu laꞌh Dxiohs.

Apocalipsis 13:9

Sidela chyulla zohballaala dxiahga ñiꞌh, chuu ba-chaꞌzi ba dxyiꞌdxyi raꞌ riiꞌ.

Apocalipsis 14:13

Ya chiꞌchi biindxiaagahn cañiꞌ tuhbi nin cañiꞌ loon nez llaaꞌndxibaaꞌ squiiꞌ: ―Bacaꞌh squiiꞌ: “Dichohsa raꞌ bwiinn raꞌ nin gachi nin riachii stoꞌ ñiꞌh xchiꞌdxyi Jesucristu nnah nee par delanta.” Chiꞌchi biindxiaagazahn cañiꞌ Spíritu Saantu xteenn Dxiohs: ―Ziꞌchi, tin guziꞌlaadzi raꞌ ba, ya ayi ru guunn raꞌ ba dziꞌn, laasii laꞌhnuꞌh naann la xi dziꞌn bwiꞌhnn raꞌ ba.

Apocalipsis 15:2

Bwaꞌha zahn tuhbi ziga nin rñah ziga ñihsadoꞌ nin naa ziga cristal nuuchin bwehla, ya garaa raꞌ bwiinn raꞌ nin ayi guzuꞌnllihbi nez loh maan rooꞌ cun ziga xfiguhra ma nee nin ayi za basaaꞌn ñicah tihxi raꞌ ba númeru, nin lah maan chi; zuu raꞌ ba galaayi ñihsadoꞌ chi, nee caꞌha raꞌ ba arpa raꞌ nin badiꞌhi Dxiohs laꞌh raꞌ ba,

Apocalipsis 2:11

Nin luꞌh xclaaꞌdzi guzoꞌbadxiahga dxyiꞌdxyi, gucaꞌhdxiahga ba dxyiꞌdxyi nin rñiꞌ Spíritu Saantu xteenn Dxiohs loh raꞌ bwiinn guidoꞌ xteenn Dxiohs: nin guunn raꞌ gahn loh duhlda, ayi xi guunnee guelguhchi nin raroopa laꞌh raꞌ ba.”

Apocalipsis 2:17

Nin luꞌh xclaaꞌdzi guzoꞌbadxiahga dxyiꞌdxyi; gucaꞌdxiahga ba dxyiꞌdxyi raꞌ nin rñiꞌ Spíritu Saantu Dxiohs loh raꞌ xpwiiꞌnnraꞌn: nin guunn gahn loh duhlda, niꞌchi raꞌ gudiꞌhihn tuhbi lasaaꞌ pahn nin laa manah gahw raꞌ ba laꞌn nuuchaꞌyi, nee gudiꞌhi zahn tuhbi dxiah labweh laꞌh bwiinn chi ya loh dxiah labweh chi caa tuhbi lah nacuubi nin ayi chyu nuꞌnbwaꞌtiiꞌ sola nuꞌnbwaꞌ nin guicaꞌha dxiah yiꞌhn chi lah nin caa loh dxiahyiꞌhn chi.”

Apocalipsis 21:7

Bwiinn raꞌ nin guunn gahn loh duhlda, bwiinn raꞌ chi guicaꞌha garaa raꞌ dee raꞌ ziga zi tuhbi herensi; ya naꞌh gacaꞌhn Xchiohs raꞌ ba ya laꞌh raꞌ ba gaca raꞌ lliiꞌnahn,

Apocalipsis 22:14

’Dichohsa raꞌ bwiinn raꞌ nin riidxiꞌbi raꞌ xahba raꞌ Ñiꞌh, tin gapa raꞌ ba derehchu loh yahga nin rudiꞌhi guelnabahan, nee ziꞌchi za zahca chuꞌtii raꞌ ba ba nez rwaaꞌ yuuꞌ xteenn guihdxyi Jerusalehn nacuubi.

Apocalipsis 22:17

Spíritu Saantu Dxiohs cun dxaꞌpa xteenn Lliꞌhyi xteenn Dxiohs rñiꞌ raꞌ squiiꞌ: ―Gudaaꞌ. Ya nin rihndxiahga za guiñiꞌ raꞌ ba: ―Gudaaꞌ. Ya nin rdxahga ñihsa, nee xclaaꞌdzi ba guee ban, dxiꞌ ba tin guee ba ñihsa nin rudiꞌhi guelnabahan, nee sin nin tuhbi gaꞌyu ayi guunn ba gaxtu.

Apocalipsis 22:2

Galaayi neziuh rooꞌ xteenn guihdxyi chi cun garoopa lahdu rwaaꞌ guiꞌw chi gurooꞌ yahga raꞌ nin runiꞌhi guelnabahan, nin rcah ñinahxi loh raꞌ ñiꞌh tsiꞌh bichiohpa cwaꞌh loh tuhbi yihza, tuhbigah bweꞌhw niꞌchi rcah ñinahxi loon. Ya batahga xteenn yahga raꞌ chi ralluꞌyi para gusiaacan laꞌh raꞌ bwiinn guidxyiyuh.