Apocalipsis 15:3 - Zapoteco de Chichicapan

³ ya cayuꞌlda raꞌ ba tuhbi coru xteenn guehtu Moisehs nin guhca xpwiinn Dxiohs, nee cun coru za xteenn Xiꞌhyi Dxiohs; ya squiiꞌ naa coru chi: Cohsa rooꞌ duxa naa dziꞌn nin bwiꞌhnn luꞌh Yuꞌbiluꞌh, Daada Dxiohs, nin nahpa garaatiiꞌ raꞌ guelrnabwaꞌ. Ruhnn Yuꞌbiluꞌh ganaalla dziꞌn zaꞌca, rñiꞌ za Yuꞌbiluꞌh ganaalla dxyiꞌdxyi raꞌ nin guchii, nee Yuꞌbi za luꞌh naa luꞌh Rehyi loh garaa raꞌ bwiinn guidxyiyuh.

Apocalipsis 15:3 Iomraidhean Croise

San Juan 1:17

Lehyi xteenn Dxiohs biꞌ pur xcweenta Moisehs; per ya ziga guelnadziiꞌhi xteenn Dxiohs cun dxyiꞌdxyi nin ruluuꞌyi xa paꞌcaa naa Dxiohs, bieꞌnee Jesucristun.

1 Timoteo 1:17

Niꞌchin nin nahpa guidiꞌhnn lasahca nuꞌh laꞌh Ñiꞌh cun gaann nuꞌh Ñiꞌh gaduhbi loh nin guibahan nuꞌh nee par tuꞌpazi laꞌh Rehyi nin rnabwaꞌ llaaꞌndxibaaꞌ, Rehyi nin nuu par tuꞌpazi nin nuu nabahan dziꞌtsi dxibaaꞌ, Rehyi nin ayi rwaꞌha loh bwiinn, sino que naa Ñiꞌh tuhbi dxiꞌh Yuꞌbi Dxiohs. Ziꞌchi gaca pwihsi.

Hebreos 3:5

pwihsi bazoꞌbadxiahga guehtu Moisehs xchiꞌdxyi Dxiohs ziga tuhbi bwiinn nin bigaꞌbi nin cayahpa laꞌh raꞌ snuhn xpwiinn Dxiohs nin naa raꞌ ziga yihdzi Ñiꞌh nee guñiꞌxgah ba cuun raꞌ dziꞌn nin gueꞌdu guunn Dxiohs, nee nnah laꞌÑiꞌh bwiꞌhnn bazaꞌloh Ñiꞌh dziꞌn raꞌ chi,

Apocalipsis 1:8

―Naꞌh naan des galoh nee cun hasta luulchima za ziga naa raꞌ lehtra A cun Z, ―rñiꞌ Daada Dxiohs―. Naꞌh ziga naan Dxiohs; nabahanahn nnadxyih, cun desde laꞌn dxyih raꞌ nin zeꞌdiiꞌdxila, nee cun nin nahpa dxiꞌ; nee naꞌhza nin naꞌpahn guelrnabwaꞌrooru loh garaatiiꞌ.

Apocalipsis 11:17

Squiiꞌ rahbi raꞌ ba: Raniꞌhi nu guelzuxchiilli loh Yuꞌbiluꞌh Dxiohs, nin nahpa guelrnabwaꞌ duxa; yiꞌh nin naa luꞌh nin guhca luꞌh, nee nin chuu ru gaca, laasii gucaꞌha luꞌh guelrnabwaꞌ duxa tin guzaꞌloh canabwaꞌ luꞌh.

Apocalipsis 14:3

ya cayuꞌlda raꞌ ba tuhbi cansiohn nacuubi nez delaanta hasta zuu yagaxiiyi nin zohba nin rnabwaꞌ, neezaa nez loh raꞌ gadaapa raꞌ maan raꞌ nin nabahan raꞌpaꞌh, neezaa nez loh raꞌ bwiinn guuhla raꞌ. Ayi chyu stuhbi bwiinn raꞌ nin ñahca ñuꞌlda cansiohn chi sola laꞌh raꞌ bwiinn nin naa tuhbi gaywaꞌh chywaꞌh bi tahpa mihyi bwiinn raꞌ nin gulaꞌh loh duhlda nez loh garaatiiꞌ raꞌ bwiinn guidxyiyuh rahca cansiohn chi.

Apocalipsis 14:8

Chiꞌchi ziaa ganaꞌhla stuhbi aanjla nin cañiꞌ squiiꞌ: ―¡Laꞌh guihdxyi rooꞌ nin laa Babilonia guñihchiloh!, ya laꞌn biaaba laasii guluꞌguiꞌwun guzuhdzi raꞌ garaa raꞌ guidxyi raꞌ xteenn guidxyiyuh pur xcweenta cohsa duhlda raꞌ.

Apocalipsis 17:14

Laꞌh raꞌ dee raꞌ nin gucaꞌhnee laꞌh Lliꞌhyi xteenn Dxiohs, per zuhnn Lliꞌhyi chi gahn loh raꞌ cohsa raꞌ chi laasii laꞌh Ñiꞌh naa Ñiꞌh Daada loh garaa raꞌ daada raꞌ nee naa za Ñiꞌh rrehyi loh garaa raꞌ rrehyi raꞌ nin nuu loh guidxyiyuh, ya garaa raꞌ nin naꞌhla laꞌh Ñiꞌh, naa bwiinn raꞌ nin gulii Dxiohs nee naa raꞌ ba bwiinn nayaa nin zeezah dziꞌtsi loh xchiꞌdxyi Ñiꞌh.

Apocalipsis 19:16

Nee loh xahba Ñiꞌh cun cweꞌ cuuꞌdxi Ñiꞌh caa squiiꞌ: “Rehyi xteenn raꞌ rrehyi raꞌ, Daada xteenn raꞌ daada raꞌ.”

Apocalipsis 19:2

laasii xquelguxchisi Ñiꞌh naa gaduhbi laꞌgaꞌhtiiꞌ ziga naa xnehza; laasii laꞌh Ñiꞌh bwiꞌhnn guelguxchisi xcweenta gunnaꞌh dxaaba nin cagaxiꞌn laꞌh raꞌ bwiinn guidxyiyuh cun xcweenta xquelgubwihlli ba; laꞌh Ñiꞌh basadxihlli laꞌh gunnaꞌh dxaaba chi llarihn raꞌ xpwiinn Ñiꞌh.

Apocalipsis 4:8

Ya gadaapa raꞌ maan raꞌ chi tuhbigah raꞌ ma zohba xoꞌpagah xiiyi raꞌ ma, ya gaduhbitiiꞌ tihxi raꞌ ma nuu bizloh raꞌ ma; nee dxyih-nagueꞌla ayi rbweeza cañiꞌ raꞌ ma: Saantu, saantu, saantu naa Daada Dxiohs nin nahpa guelrnabwaꞌ rooꞌ, nin nuu des galohtiiꞌyi, nin nuu nnah, cun nin chuu par tuꞌpazi.