Apocalipsis 12:3 - Zapoteco de Chichicapan

³ Chiꞌchi biinloh stuhbi sehn nez llaaꞌndxibaaꞌ xteenn tuhbi maan naxñaa nin ruluuꞌyi ziga zi tuhbi dragohn; maan duxan; nuu gahdzi yihca ma, zohba tsiꞌh xcahchu ma, ya tuhbigah yihca ma nuu tuhbigah za curohn.

Apocalipsis 12:3 Iomraidhean Croise

Apocalipsis 12:1

Chiꞌchi biinloh tuhbi sehn rooꞌ llaaꞌndxibaaꞌ: Xteenn tuhbi gunnaꞌh nin duꞌbi gubihdxyi ziga zi xahba ba, ya bweꞌhw zaꞌbi nez ñaaꞌ gunnaꞌh chi, ya yihca ba nuu tuhbi curohn nin naa cun tsiꞌh bichiohpa dxih llaaꞌndxibaaꞌ.

Apocalipsis 12:13

Chin bwaꞌha maan duxa chi laꞌh ma bareꞌhedxiaꞌhla raꞌ ba par loh guidxyiyuh, gucaꞌhn naꞌhla ma laꞌh gunnaꞌh nin guulaa lliiꞌngaꞌn ñiꞌh,

Apocalipsis 12:17

ya chiꞌchi bagaduhbi llahn duxa maan duxa chi pur laꞌh gunnaꞌh chi, ya chiꞌchi gwagacaꞌnee maan duxa chi laꞌh za balaaquiꞌhn bwiinn raꞌ nin naa raꞌ lliiꞌn gunnaꞌh chi, bwiinn raꞌ nin ruzoꞌbadxiahga xchiꞌdxyi Dxiohs nee cun zeezah nayaa raꞌ ba loh xchiꞌdxyi Jesucristu.

Apocalipsis 12:4

Ya cun llibaaꞌn ma basiaabatiiꞌ ma tuhbi cwaꞌh loh chohnna cwaꞌh raꞌ dxih nin nuu llaaꞌndxibaaꞌ para loh guidxyiyuh. Maan duxa riiꞌ guzuh ma nez loh gunnaꞌh nin ñaalaa Lliiꞌn ñiꞌh, tin gahw ma lliiꞌn gunnaꞌh riiꞌ chin gaalaa lliiꞌn ba.

Apocalipsis 12:7

Chiꞌchi guyuuꞌ guehrru nez llaaꞌndxibaaꞌ gudxihndxinee xaanjla Dxiohs nin laa Miguehl nee cun snuhn xaanjla Dxiohs nin rnabwaꞌ ba cun maan duxa naxñiaa chi, ya neezaa maan duxa chi cun xaanjla za ma gudxihndxi ma,

Apocalipsis 12:9

Ya chiꞌchi biriaꞌh gunaꞌhla raꞌ xaanjla Dxiohs laꞌh maan duxa rooꞌ chi cun garaa raꞌ xaanjla ma nez loh guidxyiyuh; laꞌh ma nin naa bweꞌlda chiempa duxa nin naa za bwiinndxaaba, nin laa za Satanahs, nin rusaguiꞌhi laꞌh gaduhbi guidxyiyuh bwiinn raꞌ.

Apocalipsis 13:1

Guzuꞌhn loh yuhlli xteenn rwaaꞌ ñihsadoꞌ, ya bwaꞌhahn bariaꞌcaa tuhbi maan rooꞌ nin nuu gahdzi yihca ñiꞌh cun zohba tsiꞌh xcahchu ma; ya yihca tuhbigah raꞌ xcahchu ma zohba tuhbi curohn, ya loh gagaadzii yihca ma caa tuhbigah raꞌ dxyiꞌdxyi nin rñiꞌyah laꞌh Dxiohs.

Apocalipsis 13:2

Ya maan rooꞌ nin bwaꞌhahn chi rñah ma ziga tuhbi maan nin laa leopardu, ya ñaaꞌ ma naa ziga ñaaꞌ tuhbi ohsu, ya rwaaꞌ ma naa ziga rwaaꞌ tuhbi bweꞌdzi. Ya badiꞌhi maan duxa nin laa dragohn chi guelrnabwaꞌ cun yahgaxiiyi hasta rnabwaꞌ ma cun neezaa xquelmilahgru ma laꞌh maan rooꞌ chi.

Apocalipsis 13:4

ya bazuꞌnllihbi raꞌ ba loh maan duxa nin laa dragohn laasii badiꞌhi ma guelrnabwaꞌ rooꞌ laꞌh maan roo chi ya squiiꞌ rñiꞌ raꞌ ba: ―¿Chyu stuhbi ñahca ziga maan roo riiꞌ? ¿Chyu laa nin gaca childxinee laꞌh maan ca?

Apocalipsis 15:1

Chiꞌchi bwaꞌahn stuhbi sehn rooꞌ llaaꞌndxibaaꞌ nin bachiꞌbi duxa naꞌh; bwaꞌhahn gahdzi xaanjla Dxiohs cun gagaadzi guelninrusaꞌcazii raꞌ nin naa luulchima ya niꞌchi naa luulchima xquelnadxyiꞌchi Dxiohs, nin gariaꞌllahn Ñiꞌh laꞌh raꞌ bwiinn guidxyiyuh.

Apocalipsis 16:13

ya chiꞌchi bwaꞌhahn biriaꞌh chohnna spíritu dxaaba rwaaꞌ maan duxa nin laa dragohn cun rwaaꞌ maan rooꞌ cun rwaaꞌ profeta nin rusaguiꞌhi; naa raꞌ spíritu raꞌ chi ziga naa raꞌ gurahn.

Apocalipsis 17:12

’Gadziꞌh raꞌ xcahchu ma nin bwaꞌha luꞌh naa tsiꞌh raꞌ rrehyi raꞌ nin nagahdxi guinabwaꞌ, per sola tuhbi hohra si gapa raꞌ niꞌchi guelrnabwaꞌ, tuhsi cun maan rooꞌ.

Apocalipsis 17:16

Ya gadziꞌh cahchu raꞌ nin bwaꞌha luꞌh yihca maan rooꞌ chi, zidxyiꞌchinee raꞌn laꞌh gunnaꞌh dxaaba chi. Zuuzuh lligabweꞌhla raꞌn laꞌh gunnaꞌh dxaaba ca zahw raꞌn xpweꞌhla gunnaꞌh dxaaba chi, nee zucaꞌdxih za raꞌn laꞌh gunnaꞌh chi.

Apocalipsis 17:7

ya chiꞌchi nnah aanjla chi loon squiiꞌ: ―¿Xixnaa rluuꞌyi cadxyihbi luꞌh? Naꞌh ziñaan loh luꞌh xa naa xcweenta gunnaꞌh ca, nee cun xcweenta maan rooꞌ nin nuu gahdzi yihca ñiꞌh ca nee gahdzi za xcahchu ma.

Apocalipsis 19:12

Bizloh Ñiꞌh naa raꞌn ziga dxih bwehla, ya yihca Ñiꞌh zohba ziahan rooꞌ raꞌ curohn, ya caa Ñiꞌh tuhbi lah nin sola laꞌh Ñiꞌh naann Ñiꞌh ya ayi chyu ruhnn gahn dxiuꞌnbwaꞌ lah Ñiꞌh.

Apocalipsis 20:2

Aanjla chi gunaꞌzu ba laꞌh maan duxa nin laa dragohn tin biyiꞌbiduꞌh ma, laꞌhma nin guhca bweꞌlda rooꞌ chieempa duxa nin laa bwiinndxaaba cun Satanahs, ya bachiꞌbiduꞌh aanjla chi laꞌhma loh tuhbi mihyi yihza,