Apocalipsis 1:10 - Zapoteco de Chichicapan

¹⁰ pwihsi tuhbi dxyih Dumingu biaꞌhanahn loh xquelrnabwaꞌ Spíritu Saantu xteenn Dxiohs ya bihnaꞌhn nez diꞌtsihn tuhbi rsiaaꞌha ziga xteenn tuhbi trompeta,

Apocalipsis 1:10 Iomraidhean Croise

San Mateo 22:43

Chiꞌchi rahbi Jesuhs loh raꞌ ba: ―¿Xixnaa chiꞌh bazeꞌta guehtu Davihd, chin basañiꞌ Spíritu Saantu yihca ba? Rahbi ba: “Daada naa Crixtu loh ba”, laasii laꞌhgahca guehtu Davihd rahbi ba:

San Juan 20:19

Ya chin gurih gueꞌla dxyih chi gahca, mwer dxyih xteenn xmahn, badiaaꞌha raꞌ xpwiinn Jesuhs laꞌn tuhbi yuuꞌ, ya rwaaꞌ pweerta raꞌ chihpa ñeꞌw raꞌn laasii rdxyihbi raꞌ ba laꞌh raꞌ bwiinn Israel raꞌ. Chiꞌchi guyuuꞌtii Jesuhs hasta rii raꞌ ba, tin guzuh Ñiꞌh galaayi raꞌ xpwiinn Ñiꞌh, chiꞌchi guñiꞌ Ñiꞌh loh raꞌ ba, nee cun bagahpaDxiohs Ñiꞌh laꞌh raꞌ ba squiiꞌ: ―¡Gulcwahchidxyii stoꞌ tu!

San Juan 20:26

Ya chin guhca xuhnna dxyih, badiaaꞌha raꞌ xpwiinn Jesuhs stuhbi laꞌn tuhbi yuuꞌ, ya chiꞌchiyi nee Tomahs dxaꞌga loh raꞌ ba chiꞌchi; nee rwaaꞌ yuuꞌ chihpa ñieꞌwun per laꞌh Jesuhs guyuuꞌtii Ñiꞌh, guzuh Ñiꞌh galaayi raꞌ ba ya bagahpaDxiohs Ñiꞌh laꞌh raꞌ ba, chiꞌchi rahbi Ñiꞌh: ―¡Gulcwahchidxyii stoꞌ tu!

Hechos 20:7

Chin guhldaa mwer dxyih xmahn, badxaꞌgalasaaꞌ nu tin bidaꞌw nu pahn ziga gudahwnee Jesucristu xpwiinn raꞌpaꞌh Ñiꞌh, ya seguihdu guñiꞌnee Pahblu laꞌh raꞌ xpwiinn Jesucristu hasta chin guhldaa garoolda gueꞌla laasii garah gueꞌla chi gabii ba guihdxyi chi.

1 Corintios 12:3

Niꞌchin nin xclaaꞌdzihn gacabwaꞌ tu, nin tuhbi nin rñiꞌ: “¡Ayi guilasahca Jesucristu!”, ayi cañiꞌ ban pur Spíritu Saantu Dxiohs, ya ayi za nin tuhbi nin guiñiꞌ: “Jesuhs naa Daada”, sidela ayi naan pur xcweenta Spíritu Saantu.

1 Corintios 16:2

Gazohba dumingu, cada tuhbigah tu gulcweꞌhecaa tuhbi mweeyi yihca cada tuhbigah dxyih ziga chiꞌh zi ruhnn tu gahn loh tuhbi xmahn, gulcuꞌchaꞌyin, tin ayi hohragah laꞌh tu nuu cagatiaaꞌha mweeyi chin dxieꞌldahn,

Apocalipsis 17:3

Lwehgu ziga loh tuhbi bacaꞌlda gwanee aanjla chi naꞌh loh tuhbi dahan desiertu, ya riꞌchi bwaꞌhahn tuhbi gunnaꞌh zohba ba dihtsi tuhbi maan rooꞌ naxñaa, ya gaduhbitiiꞌ tihxi ma caa dxyiꞌdxyi raꞌ nin rñiꞌyah laꞌh Yuꞌbi Dxiohs nee gahdzi naa yihca ma, zohba za tsiꞌh xcahchu ma.

Apocalipsis 21:10

Ya loh bihsi nin baniꞌhi Spíritu Saantu naꞌh bwaꞌhahn, gwanee Ñiꞌh naꞌh yihca tuhbi dahan rooꞌ, ya yihca dahan chi dxuu nu chin baluuꞌyi Ñiꞌh naꞌh guihdxyi saanto Jerusalehn nin zeꞌyehta nez llaaꞌndxibaaꞌ, nez delaanta loh Dxiohs.