1 Juan 5:3 - Zapoteco de Chichicapan

³ Pwihsi deeꞌ naa nin ruluuꞌyi racaꞌh stoꞌ nuꞌh laꞌh Dxiohs, chin razoꞌbadxiahga nuꞌh xchiꞌdxyi Ñiꞌh ziga xclaaꞌdzi Ñiꞌh gaca, nee xcweenta xchiꞌdxyi Ñiꞌh ayi naan tuhbi cohsa nin nagahn duxa.

1 Juan 5:3 Iomraidhean Croise

San Mateo 23:4

¿Xixnaa rusaguꞌa raꞌ ba nin naaꞌha laꞌh raꞌ bwiinn nin ayi chipa raꞌ bwiinn, ya laꞌh raꞌ ba nin tuhbi bacwihnaa raꞌ ba ayi rñiꞌbi raꞌ ban?

San Juan 14:15

Rahbi za Ñiꞌh: ―Sidela laꞌh tu rucaꞌhstoꞌ tu naꞌh, guzoꞌbadxiahga tu xchiꞌdxyiraꞌn,

San Juan 15:10

Sidela laꞌh tu ruzoꞌbadxiahga tu xchiꞌdxyiꞌhn, ziazah gucaꞌstoꞌn laꞌh tu zigaza ruzoꞌbadxiaagahn xchiꞌdxyi Xtaaꞌdahn, nee cun zigaza zeezah rucaꞌstoꞌ Ñiꞌh naꞌh.

San Juan 15:14

Laꞌh tu naa tu xamihgu raꞌn sidela guunn tu nin rnabwaꞌn guunn tu.

Romanos 7:12

Ya lehyi naa cohsa saanta, nee neezaa dxyiꞌdxyi raꞌ nin caa loh lehyi chi saanto raꞌn, nazaꞌca raꞌn nee dxyiꞌdxyi guchii za raꞌn.

Romanos 7:22

laasii laꞌn lastoꞌn xclaaꞌdzi paꞌcaan guzoꞌbadxiaagahn dxyiꞌdxyi xteenn xlehyi Dxiohs,

Hebreos 8:10

pwihsi dxyiꞌdxyi raꞌ nin ruꞌnnahn lligaaba xclaaꞌdzihn dxiaꞌhan dxyiꞌdxyi loh bwiinn Israel chiꞌchiyi loh dxyih raꞌ chi naa squiiꞌ, zuꞌnnahn para chuꞌtii xlehyiꞌhn loh xquelrihn raꞌ ba, nee zucaꞌh zahn xchiꞌdxyiꞌhn laꞌn lastoꞌ raꞌ ba, chiꞌchi naꞌh gacaꞌhn Xchiohs raꞌ ba, ya laꞌh raꞌ ba gaca raꞌ xpwiinn raꞌn.

1 Juan 2:3

Ya pur cweenta riiꞌ rahcabwaꞌ nuꞌh laꞌhnuꞌh nuꞌnbwaꞌ nuꞌh laꞌh Ñiꞌh; sidela gachiguꞌchaꞌyi nuꞌh xchiꞌdxyi Ñiꞌh stoꞌ nuꞌh.

2 Juan 1:6

ya deeꞌ naa loh guelnadziiꞌhi lasaaꞌ nin zoozahnee nuꞌh, ziga naa dxyiꞌdxyi. Deeꞌ naa xchiꞌdxyi Dxiohs nin bihndxiahga nuꞌh desde galohtiiꞌyi, chin gwachii stoꞌ nuꞌh xchiꞌdxyi Jesucristu.