1 Juan 5:1 - Zapoteco de Chichicapan

¹ Garaa raꞌ bwiinn raꞌ nin riachii stoꞌ raꞌ ñiꞌh laꞌh Jesuhs naa Crixtu, bwiinn chi naa lliiꞌn Dxiohs; pwihsi ziga gacaꞌh stoꞌ raꞌ nuꞌh laꞌh Xtaada Dxiohs nuꞌh, ziꞌchi gahca za gacaꞌh stoꞌ nuꞌh laꞌh raꞌ bwiinn raꞌ nin naa raꞌ lliiꞌn Dxiohs nin nuu dxibaaꞌ,

1 Juan 5:1 Iomraidhean Croise

San Mateo 16:16

Chiꞌchi rahbi Simohn Pehdru loh Ñiꞌh: ―Yiꞌh naa luꞌh Crixtu Lliiꞌn Dxiohs nin nuu nabahan dziꞌtsi llaaꞌndxibaaꞌ.

San Lucas 7:5

laasii laꞌh ba nadziiꞌhi duxa ba laꞌh raꞌ bwiinn Israel; laꞌh gahca ba nin guleꞌhe mweeyi guhcachaꞌyi xquidoꞌ biꞌtuꞌhn nu.

San Juan 1:3

Ya pur laꞌh Ñiꞌh bwiꞌhnn Dxiohs garaatiiꞌ raꞌ cohsa; ya nin tuhbi nin gurihxchih ayi guhcan sin laꞌh Ñiꞌh sino que bweꞌzii pur laꞌh Ñiꞌh guhca raꞌn.

San Juan 15:23

pwihsi garaa raꞌ bwiinn raꞌ nin rdxyiꞌchinee naꞌh, rdxyiꞌchinee za raꞌ ba laꞌh Xtaaꞌdahn.

San Juan 3:3

Chiꞌchi rahbi Jesuhs loh ba: ―Guchiin nin rñiꞌn loh luꞌh, bwiinn nin ayi gaalaa nacuubi (nin zeꞌ loh deeꞌ naa chechiistoꞌ luꞌh xchiꞌdxyi Dxiohs) ayi nuu gwaꞌha ba loh guelrnabwaꞌ xteenn Dxiohs llaaꞌndxibaaꞌ.

San Juan 6:69

Laꞌh nu ba riachiistoꞌ nu xchiꞌdxyi luꞌh, nee naann za nu yiꞌh naa luꞌh Crixtu Lliiꞌn Dxiohs nin nabahan.

San Juan 8:42

Chiꞌchi rahbi Jesuhs loh raꞌ ba: ―Sidela guchii tu naa Dxiohs Xtaada tu, pwihsi ñantsiiꞌhi tu naꞌh, laasii naꞌh zeꞌldahn pur xcweenta Dxiohs nee laꞌn zuuꞌhu loh tu riiꞌ; naꞌh ayi zeꞌldahn pur xcweenta gahcahn, sino que Dxiohs guluꞌnehza naꞌh loh guidxyiyuh.

Hechos 8:36

Ya seguihdu badzihn raꞌ ba tuhbi lahta hasta nuu ñihsa, chiꞌchi rahbi daada chi loh Felipe: ―¡Bwaꞌha riiꞌ nuu ñihsa! ¿Tayi gaca chioobaañihsaꞌhn riiꞌ?

Hechos 8:37

Chiꞌchi rahbi Felipe loh ba: ―Sidela guchii luꞌh gaduhbi stoꞌ luꞌh rclaaꞌdzi luꞌh guibahannee luꞌh xchiꞌdxyi Dxiohs, zahca chioobaañihsa luꞌh. Chiꞌchi rahbi daada chi loh Felipe: ―Riachiistoꞌn Jesucristu naa Lliiꞌn Dxiohs.

Santiago 1:18

Ya laꞌh gahca xcweenta Ñiꞌh bwiꞌhnn Ñiꞌh para gaca nuꞌh xpwiinn Ñiꞌh laasii gwachii stoꞌ nuꞌh xchiꞌdxyi Ñiꞌh, tin gaca nuꞌh bwiinn galoh loh raꞌ xpwiinn Ñiꞌh.

1 Pedro 1:3

Lasahca duxa naa Dxiohs nin naa Xtaada Daada Jesucristu laasii Dxiohs pur xcweenta nin balahsa stoꞌ Ñiꞌh laꞌhnuꞌh bwiꞌhnn Ñiꞌh guhpa tu siguhra zicaꞌha tu tuhbi guelnabahan nacuubi laasii pur xcweenta ziga babahn Jesucristu loh guelguhchi dee runiꞌhi tuhbi guelnabahan dziꞌtsi laꞌhnuꞌh nin ayi chuu dxyih chaꞌlohtiiꞌ.

1 Juan 2:10

Chyu chiꞌh zi tuhbi nuꞌh nin nadziiꞌhi lasaaꞌ ñiꞌh, nabahan bwiinn chi loh biaꞌñih xteenn Dxiohs; ruhnn ba dziꞌn zaꞌca, ya ayi xi xtuhlda ba,

1 Juan 2:29

yaque laꞌhtu naann tu nazaꞌca naa Dxiohs, pwihsi ziꞌchi za gulgahcabwaꞌ garaa raꞌ nin guunn ganaalla dziꞌn zaꞌca naa raꞌ bwiinn raꞌ chi lliiꞌn Dxiohs.

1 Juan 3:14

Laꞌhnuꞌh ya bachidiiꞌdxi nuꞌh loh xneziuh guelguhchi tin badzihn nahpa nuꞌh guelnabahan, nee naannloh nuꞌhn laasii nadziiꞌhi lasaaꞌ raꞌ nuꞌh cun bwihtsi raꞌ nuꞌh. Bwiinn nin ayi guinadziiꞌhi laꞌh bwihtsi ñiꞌh nuu gahca ba loh xneziuh guelguhchi,

1 Juan 3:17

Pwihsi sidela tuhbi nuꞌh nahpa ziahan xica cohsa para xcaaxtu nuꞌh, nee guidiaꞌha nuꞌh laꞌh bwihtsi nuꞌh ayi nahpa ba para xcaaxtu ba, nee ayi galahsa stoꞌ nuꞌh laꞌh ba, ¿xaalla gapa chiꞌh nuꞌh guelnadziiꞌhi laꞌh Dxiohs stoꞌ nuꞌh sidela guidiꞌhnn nuꞌh ziꞌchi?

1 Juan 3:9

Nin tuhbi bwiinn nin naa lliiꞌn Dxiohs, ayi cheezah loh duhlda, laasii nahpa raꞌ ba guelnabahan nin badiꞌhi Dxiohs laꞌh raꞌ ba, pwihsi ayi nuu guunn raꞌ ba duhlda laasii naa raꞌ ba lliiꞌn Dxiohs.

1 Juan 4:2

Ya ziga guunn tu squiiꞌ zahcabwaꞌ tu cuun nin nuu Spíritu Saantu xteenn Dxiohs stoꞌ ñiꞌ: Garaa raꞌ ziga nin riuꞌnbwaꞌ laꞌh Jesucristu naa Ñiꞌh Lliiꞌn Dxiohs nin nuu dxibaaꞌ, bwiinn chi nuu Spíritu Saantu xteenn Dxiohs stoꞌ ba,

1 Juan 4:20

per sidela chyulla nnaa: “Naꞌh rucaꞌh stoꞌn laꞌh Dxiohs”, gaduhbi nin rdxyiꞌchinee ba laꞌh bwihtsi ba, bwiinn chi naa ba bwiinn nin ayi naa xchiꞌdxyi ñiꞌh guchii. Pwihsi sidela tuhbi chyulla ayi nuu gantsiiꞌhi ba laꞌh bwihtsi ba nin rwaꞌhaloh ba, pwihsi ayi za nuu gucaꞌh stoꞌ ba laꞌh Dxiohs nin ayi rwaꞌhaloh ba.

1 Juan 4:7

Pwihsi rñiꞌn loh tu, bwiitsi lasaaꞌ raꞌn; nahpa gaantsiiꞌhi lasaaꞌ nuꞌh ziga tuhbi ziga stuhbi raꞌ nuꞌh, laasii guelnadziiꞌhi lasaaꞌ naa pur xcweenta Dxiohs ya garaa raꞌ nin nahpa guelnadziiꞌhi lasaaꞌ stoꞌ raꞌ ñiꞌh, naa raꞌ ba lliiꞌn Dxiohs nee nuꞌnbwaꞌ raꞌ ba laꞌh Dxiohs nin nuu dxibaaꞌ.

1 Juan 5:18

Pwihsi rahcabwaꞌ nuꞌh garaa raꞌ bwiinn nin riuꞌnbwaꞌ laꞌh Dxiohs naa Ñiꞌh Xtaada raꞌ ba, pwihsi bwiinn chi ayi xclaaꞌdzi ba chezah ba loh duhlda laasii Jesucristu Lliiꞌn Dxiohs rahcanee Ñiꞌh laꞌh ba, ya ayi rdxiꞌ bwiinndxaaba laꞌh ba.

1 Juan 5:4

Ya chyu chiꞌh zi tuhbi raꞌ nuꞌh nin naa lliiꞌn Dxiohs, riidiꞌhnn nuꞌh gahn loh raꞌ duhlda xteenn guidxyiyuh laasii guyuuꞌ-guyaꞌzi xchiꞌdxyi Jesucristu stoꞌ raꞌ nuꞌh.

1 Juan 5:5

¿Chyu niꞌca cayuhnn gahn loh raꞌ duhlda loh guidxyiyuh riiꞌ? Sola laꞌh si raꞌ bwiinn raꞌ nin riachii stoꞌ raꞌ ñiꞌh laꞌh Jesuhs naa Lliiꞌn Dxiohs nin nuu dxibaaꞌ.