1 Juan 4:5 - Zapoteco de Chichicapan

⁵ Laꞌh raꞌ ba naa raꞌ ba bwiinn guidxyiyuh, niꞌchin rñiꞌ raꞌ ba ganaalla dxyiꞌdxyi cweenta guidxyiyuh, ya nin naa raꞌ bwiinn guidxyiyuh rucaꞌdxiahga raꞌ ba xchiꞌdxyi raꞌ ba.

1 Juan 4:5 Iomraidhean Croise

San Lucas 16:8

Ya chin bihn xpallwaꞌn mardoommi dxaaba chi xi bwiꞌhnn ba, chiꞌchi guñiꞌ zaꞌca xpallwaꞌn ba pur laꞌh ba laasii bwaꞌha ba balaaca nin rahcabwaꞌ xmooza ba chi. Ziꞌchi gahcaza bwiinn raꞌ nin ayi nuꞌnbwaꞌ xchiꞌdxyi Dxiohs mahzi rahcabwaꞌ raꞌ ba loh xasuunto raꞌ ba tuhbi ba cun stuhbi ba que ziga bwiinn raꞌ nin nuꞌnbwaꞌ xchiꞌdxyi Dxiohs.

San Juan 17:14

Naꞌh baluꞌyiꞌhn xchiꞌdxyi Yuꞌbiluꞌh, per laꞌh raꞌ bwiinn guidxyiyuh raꞌ rdxyiꞌchinee raꞌ ba laꞌh raꞌ nin naa raꞌ xpwiinn luꞌh laasii ayi naa raꞌ ba bwiinn guidxyiyuh, ziga naꞌh za ayi naan bwiinn guidxyiyuh.

San Juan 17:16

Ziga naꞌh ayiza naan bwiinn guidxyiyuh, ziꞌchiza laꞌh raꞌ ba ayiza naa raꞌ ba bwiinn guidxyiyuh.

San Juan 3:31

Rahbi za Jwahn: ―Bwiinn nin zeꞌ nez guiyaꞌ lasahca ru ba loh garaa raꞌ bwiinn, ya bwiinn nin naa bwiinn loh guidxyiyuh rñiꞌ za ba pur nin nuu raꞌ loh guidxyiyuh, per bwiinn nin zeꞌ nez llaaꞌndxibaaꞌ lasahca ru ba loh raꞌ garaa raꞌ bwiinn,

San Juan 8:23

Ya chiꞌchi rahbi Jesuhs loh raꞌ ba: ―Laꞌh tu naa tu bwiinn loh guidxyiyuh riiꞌ, per naꞌh naan bwiinn nin zeꞌ nez llaaꞌndxibaaꞌ, niꞌchin rñiꞌn laꞌh tu naa tu bwiinn guidxyiyuh per naꞌh ayi nee dxiꞌhn naan bwiinn guidxyiyuh.

2 Timoteo 4:3

laasii zadzihn dxyih nin ayi dxiuuꞌstoꞌ raꞌ bwiinn gucaꞌdxiahga raꞌ ba guelrluuꞌyi zaꞌca xteenn xchiꞌdxyi Dxiohs; mahzi ziuuꞌstoꞌ raꞌ ba nin naachiꞌhzi xigaaba raꞌ ba, niꞌchin zidxiꞌhyi raꞌ ba ziahan raꞌ daada raꞌ nin ruluuꞌyi tin guluuꞌyi raꞌ ba laꞌh raꞌ ba nin naa si xigaaba raꞌ ba dxihn raꞌ ba.

Apocalipsis 12:9

Ya chiꞌchi biriaꞌh gunaꞌhla raꞌ xaanjla Dxiohs laꞌh maan duxa rooꞌ chi cun garaa raꞌ xaanjla ma nez loh guidxyiyuh; laꞌh ma nin naa bweꞌlda chiempa duxa nin naa za bwiinndxaaba, nin laa za Satanahs, nin rusaguiꞌhi laꞌh gaduhbi guidxyiyuh bwiinn raꞌ.