1 Juan 4:1 - Zapoteco de Chichicapan

¹ Yuꞌbitu, bwiitsi lasaaꞌ raꞌn; ayi chechii stoꞌ tu xchiꞌdxyi cuun chiꞌh zi bwiinn nin guiñiꞌ loh tu: “Naꞌh ruluꞌyiꞌhn xchiꞌdxyi Dxiohs.” Galoh gacabwaꞌ tu xcweenta ba sidela laꞌh ba guchii ba rñiꞌ ba xcweenta Dxiohs o aaca, laasii loh guidxyiyuh riiꞌ, rii ziahan raꞌ bwiinn nin rñiꞌ raꞌ dxyiꞌdxyi raꞌ nin ayi naa guchii raꞌ.

1 Juan 4:1 Iomraidhean Croise

San Marcos 13:21

’Nee chin gadzihn dxyih raꞌ chi, sidela chyuulla nnaa loh tu: “¡Bwaꞌha, laꞌh Crixtu zuu riiꞌ!”, o “¡Bwaꞌha, riꞌchi laꞌh ba zuu!”, ayi chechiistoꞌ tu bwiinn nin nnah ziꞌchi,

San Lucas 12:57

Rahbiza Ñiꞌh loh raꞌ ba: ―¿Xixnaa ayi rahcabwaꞌ tu cuun nin guigaꞌha guunn tu?,

San Lucas 21:8

Chiꞌchi rahbi Jesuhs loh raꞌ ba: ―Gulgahca nasiin tin ayi gusaaꞌn tu gusaguiꞌhi bwiinn laꞌh tu, tin ziahan raꞌ bwiinn dxiꞌ, nnaa raꞌ ba: “Naꞌh naan Crixtu”, per ayi chechiistoꞌ tu xchiꞌdxyi raꞌ ba nee ayiza chenaꞌhla tu laꞌh raꞌ ba,

Hechos 17:11

Bwiinn Israel raꞌ riiꞌ nuu lligaaba zaꞌca yihca raꞌ ba nin ayi naa raꞌ ba ziga naa raꞌ bwiinn Tesalónica, ya gaduhbi stoꞌ raꞌ ba lwehgusi gwachii stoꞌ raꞌ ba xchiꞌdxyi Jesucristu, ya garaatiiꞌ dxyih basiꞌdxi raꞌ ba loh Xchihtsi Dxiohs tin bwaꞌha raꞌ ba gu guchii nin ruluuꞌyi raꞌ Pahblu cun Silas.

Hechos 20:29

Laꞌnaann chaꞌyila, ziꞌ paaldaa bwiinn nin naa ziga maan duxa raꞌ nee ayi dxiaa raꞌ bwiinn raꞌ chi zuxiꞌhn raꞌ ba xneziuh Dxiohs chin ayirun loh guihdxyi raꞌ riiꞌ.

1 Corintios 12:10

ya snuhn raꞌ ba radzihn rcaꞌha raꞌ ba ruhnn raꞌ ba hasta guelmilahgru, ya snuhn raꞌ ba rcaꞌha raꞌ ba para ruluuꞌyi raꞌ ba xchiꞌdxyi Dxiohs o pur cohsa raꞌ nin zeꞌyahlda gaca, ya snuhn raꞌ ba radzihn rcaꞌha raꞌ ba guelrnabwaꞌ tin rahca rahcabwaꞌ raꞌ ba cuun nin naa Spíritu nin naa guchiipaꞌh nee neezaa cuun nin naa spíritu nin rusaguiꞌhi; nuu raꞌ gaꞌh raꞌ ba rcaꞌha raꞌ ba guelrnabwaꞌ tin rñiꞌ raꞌ ba ziahanloh raꞌ dxyiꞌzah raꞌ, nee hasta nuu raꞌ za nin rcaꞌha guelrnabwaꞌ tin guiñiꞌ raꞌ ba loh nuꞌh xi rñiꞌ bwiinn nin rahca rñiꞌ guriin-guriin dxyiꞌzah raꞌ chi.

1 Corintios 14:29

Ziꞌchi za laꞌh raꞌ bwiinn raꞌ nin ruluuꞌyi raꞌ dxyiꞌdxyi raꞌ nin rudiꞌhi Dxiohs laꞌh raꞌ ba, zuu guiñiꞌ chiohpa o chohnna raꞌ ba, ya schiohpa-schohnna raꞌ ba gucaꞌhdxiahga nin cañiꞌ raꞌ bwiinn raꞌ chi tin guiduꞌhun gu rgaꞌha cañiꞌ raꞌ ba.

1 Tesalonicenses 5:20

ayi za cweꞌhestoꞌ tu xchiꞌdxyi raꞌ bwiinn raꞌ nin rñiꞌ xchiꞌdxyi xcweenta raꞌ nin gueꞌdu gaca raꞌ,

1 Tesalonicenses 5:21

sino que gulcwih loh garaa raꞌ dxyiꞌdxyi ya guldxiaꞌhannee dxyiꞌdxyi raꞌ nin naa dxyiꞌdxyi zaꞌca.

2 Tesalonicenses 2:2

ayi chuu gah tu guelrzaaꞌ, nee ayiza gusaaꞌn tu guchihbi raꞌ ba laꞌh tu cun dxyiꞌdxyi nin guluuꞌyi tuhbi bwiinn nin naa profeta nicala za cun dxyiꞌdxyi nin nnaa raꞌ ba loh tu caa loh tuhbi dxihtsi nin nnaa raꞌ ba guluꞌnehza nu loh tu ziga cañiꞌn: “Laꞌh dxyih nin dxiꞌ Jesucristu stuhbi laꞌnbadzihn gahxu.”

1 Timoteo 4:1

LaꞌSpíritu Saantu guñiꞌ chin gueꞌdu gadzihn dxyih nin guibiaꞌgarii Jesucristu, chuu raꞌ bwiinn nin cweꞌhecaa xchiꞌdxyi Dxiohs, ya chenaꞌhla raꞌ ba xchiꞌdxyi spíritu raꞌ nin rusaguiꞌhi cun neezaa chenaꞌhla raꞌ ba garaa dxyiꞌdxyi nin ruluuꞌyi bwiinndxaaba.

2 Timoteo 3:13

per laꞌh raꞌ nin ayi ruzoꞌbadxiahga xchiꞌdxyi Dxiohs nee cun bwiinn nin rusaguiꞌhi raꞌ mahzi ru zeezaꞌbi raꞌ ba loh duhlda, laasii rusaguiꞌhi raꞌ ba per nee raꞌ ba casaguiꞌhi raꞌ za ba.

2 Pedro 2:1

Guyuuꞌ za profeta raꞌ nin baluuꞌyi raꞌ dxyiꞌdxyi raꞌ nin ayi naa dxyiꞌdxyi guchii loh raꞌ bwiinn Israel raꞌ; pwihsi ziꞌchi za loh tu ziuuꞌ raꞌ mwehsu raꞌ nin ayi guluuꞌyi dxyiꞌdxyi nin naa guchii, ya laꞌh raꞌ ba ralaꞌngah sola guluuꞌyi raꞌ ba nin naa lligaba zi raꞌ ba, ya zibweꞌhe stoꞌ raꞌ ba laꞌh Jesucristu nin bataꞌh laꞌh raꞌ ba loh duhlda, ya pur cweenta raꞌ riiꞌ lwehgu ziñihchiloh raꞌ ba.

1 Juan 2:18

Yuꞌbitu lasaaꞌ raꞌn; laꞌh hohra nin naa luulchima hohra zeegadzihn gahxu, nee laꞌhtu bihn tu ziꞌ tuhbi nin rdxyiꞌchinee laꞌh Jesucristu. Pwihsi ziga nnah cayiinloh ziahan raꞌ nin rdxyiꞌchinee laꞌh Jesucristu, pwihsi niꞌchin rahcabwaꞌ nuꞌh zeegadzihn gahxu dxyih raꞌ nin gaduhbi guidxyiyuh.

1 Juan 2:7

Bwiitsi raꞌn; dxyiꞌdxyi raꞌ nin cagacaꞌhn ayi naa raꞌn nacuubi, laꞌh gahca raꞌn nin naann tu desde galohyi chin gwachii stoꞌ tu xchiꞌdxyi Dxiohs; laꞌh dxyiꞌdxyi raꞌ riiꞌ naa nin babihn tu desde galohyi,

2 Juan 1:7

Pwihsi loh guidxyiyuh caꞌnzaa raꞌ ziahan raꞌ bwiinn raꞌ nin ruluuꞌyi guriinca dxyiꞌdxyi nin ayi naa guchii; cañiꞌ raꞌ ba ayi naa Jesucristu nin guulaa loh guidxyiyuh chin biꞌ Ñiꞌh loh guidxyiyuh. Lasaaꞌ raꞌ bwiinn raꞌ riiꞌ naa raꞌ bwiinn nin rusaguiꞌhi, nee lasaaꞌ raꞌ bwiinn squiiꞌ naa raꞌ nin rdxyiꞌchinee laꞌh Jesucristu Lliiꞌn Dxiohs.

3 Juan 1:11

Bwiitsi lasaaꞌ raꞌn nin nadziiꞌhihn, ayi guunn tu dziꞌn dxaaba, laasii nin ruhnn dziꞌn dxaaba nagahdxi dxiuꞌnbwaꞌ ba laꞌh Dxiohs; per nin ruhnn dziꞌn zaꞌca bwiinn chi naa ba xpwiinn Ñiꞌh.

Apocalipsis 2:2

Naꞌh nuꞌnbwaꞌn xtsiꞌn tu cun guelrzaꞌcazii nin rutiꞌdxiloh tu loh xtsiꞌn tu nee xa riazahdziꞌtsi tu loh xchiꞌdxyiꞌhn, nee naꞌnnzahn ayi rchaꞌga tu laꞌh raꞌ bwiinn nadxaaba raꞌ, nee ziga laꞌh tu biuuꞌnbwaꞌza tu xcweenta bwiinn raꞌ nin rñiꞌ naa raꞌ xpooxtla Dxiohs per ayi naa raꞌ ba xpwiinn Dxiohs. Sola naann tu naa raꞌ ba bwiinn rusaguiꞌhi raꞌ.