1 Juan 3:3 - Zapoteco de Chichicapan

³ Ya garaa raꞌ bwiinn nin nahpa siguhra xcweenta Ñiꞌh nahpa chiꞌhyi raꞌ ba xa guibahan nayaa raꞌ ba ziga gubahan nayaa Jesucristu loh guidxyiyuh riiꞌ.

1 Juan 3:3 Iomraidhean Croise

San Mateo 5:48

Gulgahca nazaꞌcatiiꞌ, ziga nazaꞌcatiiꞌ za Xtaada tu nin nuu dxibaaꞌ.

San Lucas 6:36

Gulgalahsastoꞌlasaaꞌ tu ziga ralahsastoꞌ Xtaada nuꞌh nin nuu dxibaaꞌ garaa raꞌ bwiinn.

San Juan 17:19

Ya pur xcweenta raꞌ ba rudiꞌhihn naꞌhgahca, tin ziꞌchi za nee raꞌ ba gaca nayaa raꞌ ba pur ziga naa xcweenta dxyiꞌdxyi nin guchii.

Hechos 15:9

Dxiohs ayi cayuhnn Ñiꞌh guriin-guriin cun laꞌh raꞌ ba nee ayiza cayuhnn Ñiꞌh guriin-guriin cun laꞌh za nuꞌh pwihsi Dxiohs basiaa lastoꞌ raꞌ ba lasii gwachii stoꞌ raꞌ ba xchiꞌdxyi Ñiꞌh.

Romanos 15:12

Nee stuhbi laꞌgaꞌh bacaꞌh guehtu Isaías squiiꞌ: Ziꞌ tuhbi llahga guehtu Isaí tin guinabwaꞌ bi loh raꞌ bwiinn ziitu raꞌ, laasii laꞌh bi cabweeza raꞌ bwiinn ziitu raꞌ.

2 Corintios 7:1

Pwihsi, bwiitsi raꞌn, ziga ya biaꞌhannee Dxiohs dxyiꞌdxyi raꞌ riiꞌ laꞌhnuꞌh, nahpa gachidiꞌhnn nayaa nuꞌh laꞌhnuꞌh loh garaatiiꞌ tin ayi gusiaaba bweꞌhla tihxi raꞌ nuꞌh laꞌhnuꞌh loh duhlda nee cun xcweenta xigaaba raꞌ nuꞌh cun lastoꞌ raꞌ za nuꞌh, tin ziꞌchi gaca gachizaꞌ raꞌ nuꞌh loh neziuh saantu xteenn Dxiohs, per chuu guelnadxyiꞌbi xteenn Dxiohs laꞌn lastoꞌ raꞌ nuꞌh.

Colosenses 1:5

Ya ziga zeezah tu cun xcweenta nin naannloh tu zicaꞌha tu nin nuuguchaꞌyi Dxiohs llaaꞌndxibaaꞌ laasii galoh chin bihnn tu xchiꞌdxyi naanchii Dxiohs bazoꞌba dxiahga tun.

2 Tesalonicenses 2:16

Laꞌh gahca Daada Jesucristu xteenn nuꞌh, nee cun laꞌh Dxiohs nin naa Xtaada nuꞌh, cuꞌguiꞌw laꞌn lastoꞌ tu pur guelrucaꞌstoꞌ nin nahpa Ñiꞌh para laꞌh nuꞌh pur paseensi xteenn Ñiꞌh nin ba naa par tuꞌpazi para laꞌh nuꞌh, nee pur nin naannloh nuꞌh zachicaꞌha raꞌ nuꞌh guelnazaꞌca loh Ñiꞌh cun pur nin rahcanee Ñiꞌh laꞌh nuꞌh.

Tito 3:7

Pur nin balahsastoꞌ Ñiꞌh laꞌhnuꞌh basiaꞌpitii Ñiꞌh xtuhlda nuꞌh, ya pur niꞌchi banaann nuꞌh gachicaꞌha raꞌ nuꞌh xereensi Ñiꞌh ya hereensi chi naa guelnabahan nin ayi ñichilohtiiꞌ.

Hebreos 12:14

Gulchiꞌhyi xa guibahannee zaꞌca tu laꞌh gallee raꞌ bwiinn, nee gulchezahnee tuhbi guelnabahan nayaa, laasii garaa raꞌ nin ayi guibahan nayaa ayi nuu gwaꞌha raꞌ ba loh Daada Jesucristu.

Hebreos 6:18

Niꞌchin nnah, nuu chiohpa dxyiꞌdxyi nin ayi nuu guidxaꞌh, laasii ayi nuu guiñiꞌ Dxiohs dxyiꞌdxyi xihn, nahpa ruzaꞌloh Ñiꞌh xchiꞌdxyi Ñiꞌh, nee baniꞌhi za Ñiꞌh guelriachiistoꞌ laꞌh raꞌ nin gwabiiga-galluꞌn loh Ñiꞌh, loh raꞌ nin zeezahnee loh siguhra dziꞌtsi xteenn ñiꞌh nin baniꞌhi Ñiꞌh laꞌh nuꞌh pur lah Ñiꞌh,

Hebreos 7:26

Pwihsi Jesuhs naa bixohza rooꞌ nin rchiꞌhn nuꞌh; laꞌh Ñiꞌh naa Ñiꞌh saantu nin ayi guhpa nin tuhbi duhlda, biriaꞌcaa Ñiꞌh loh raꞌ bwiinn duhlda ya guyahsa Ñiꞌh guiyaꞌ ru nee llaaꞌndxibaaꞌ.

Santiago 4:8

Gultaꞌbiiga nez loh Dxiohs, ya ziꞌchi zieꞌbiiga za Ñiꞌh lastoꞌ tu. Bwiinn duhlda raꞌ gulgazuh nayaa naa tu; ya laꞌhtu nin xclaaꞌdzi gucaꞌh stoꞌ ñiꞌh laꞌh Dxiohs cun loh guidxyiyuh riiꞌ tuhsi juunta, gulguiꞌhnn nayaa lastoꞌ tu.

1 Pedro 1:15

sino que gulguibahan gaduhbilaꞌgaꞌhtiiꞌ ziga nabahan Dxiohs saantu nin gudihdxyi tu gaca tu xpwiinn Ñiꞌh, laasii ziga naa Ñiꞌh saantu loh garaatiiꞌ nin ruhnn Ñiꞌh ziꞌchi gahca za xclaaꞌdzi Ñiꞌh guibahan tu.

1 Pedro 1:3

Lasahca duxa naa Dxiohs nin naa Xtaada Daada Jesucristu laasii Dxiohs pur xcweenta nin balahsa stoꞌ Ñiꞌh laꞌhnuꞌh bwiꞌhnn Ñiꞌh guhpa tu siguhra zicaꞌha tu tuhbi guelnabahan nacuubi laasii pur xcweenta ziga babahn Jesucristu loh guelguhchi dee runiꞌhi tuhbi guelnabahan dziꞌtsi laꞌhnuꞌh nin ayi chuu dxyih chaꞌlohtiiꞌ.

2 Pedro 1:4

ya pur xcweenta raꞌ cohsa raꞌ riiꞌ baniꞌhi Ñiꞌh dxyiꞌdxyi raꞌ riiꞌ nin guchii nee nin lasahca duxa laꞌh nuꞌh. Ya sidela chechii stoꞌ nuꞌh xchiꞌdxyi Ñiꞌh, zahca gaca raꞌ nuꞌh xpwiinn Ñiꞌh nee zahca nuꞌh bwiinn zaꞌca ziga naa Ñiꞌh laasii basiaꞌhan nuꞌh nez dihtsi nuꞌh dziꞌn dxaaba raꞌ nin rzaꞌbi stoꞌ snuhn raꞌ bwiinn guidxyiyuh loh ñiꞌh nee nin ruxiꞌn za laꞌh raꞌ ba.

2 Pedro 3:14

Pwihsi niꞌchin bwiitsi raꞌn, loh gaduhbi nin cabweeza raꞌ nuꞌh cohsa raꞌ riiꞌ; gulguiꞌhnn ziga xclaaꞌdzi Dxiohs tin ziꞌchi gwaꞌha Ñiꞌh laꞌhtu guchii naa tu bwiinn nin riidxyii stoꞌ raꞌ ñiꞌh cun xcweenta xchiꞌdxyi Ñiꞌh, sin nin tuhbi xilla cohsa dxaaba, cohsa duhlda.

1 Juan 2:6

Nin rñiꞌ: “Nabahanee nu Jesucristu”, nahpa guibahan zaꞌca raꞌ ba ziga gubahan Ñiꞌh loh guidxyiyuh.

1 Juan 4:17

Pwihsi ziꞌchi zadzihn gacaꞌh stoꞌ nuꞌh laꞌh Dxiohs tal ziga xclaaꞌdzi Ñiꞌh, tin para laꞌn dxyih nin gaca jwiisi ayi chyu guidxyihbi, laasii gaduhbi nin nabahan nuꞌh loh guidxyiyuh guibahannee nuꞌh Dxiohs ziga gahca nabahannee Jesucristu laꞌh Dxiohs.