1 Juan 2:8 - Zapoteco de Chichicapan

⁸ nee naazan dxyiꞌdxyi cuubi raꞌ para laꞌhnuꞌh laasii chin gwachii stoꞌ nuꞌh xchiꞌdxyi Dxiohs, ayi ru nabahan nuꞌh loh nacahyi, laasii baluuꞌyi Jesucristu dxyiꞌdxyi cuubi raꞌ ca loh nuꞌh. Guchii naa Dxiohs biaꞌñih xteenn nuꞌh tin ayi guibahan nuꞌh loh nacahyi.

1 Juan 2:8 Iomraidhean Croise

San Mateo 4:16

cun neezaa guihdxyi nin gucaꞌnzaa loh nacahyi; laꞌraꞌ ba bwaꞌha tuhbi llaꞌñih rooꞌ, tuhbi llaꞌñih nin basiaꞌñih para laꞌh raꞌ bwiinn raꞌ nin gubahan raꞌ loh xpacaala guelguhchi.

San Lucas 1:79

tin dxiaꞌñih hasta rii raꞌ bwiinn nin zohba loh nacahyi pur xcweenta duhlda, nee cun neezaa nin nuu raꞌ xpacaala guelguhchi, tin guluuꞌyi Daada chi xa guzoo nuꞌh neziuh hasta cwidxyiistoꞌ nuꞌh.

San Juan 1:9

Biaꞌñih nin naa guchii paꞌh nin ruziaꞌñih hasta rii raꞌ garaatiiꞌ raꞌ bwiinn, biaꞌñih chi biꞌ loh guihdxyiyuh.

San Juan 12:35

Ya chiꞌchi rahbi Jesuhs: ―Laꞌh bwiinn nin naa biaꞌñih loh tu laꞌh ba nuu gahca loh tu, per za balaaquiꞌhn si nahpa tu biaꞌñih riiꞌ, niꞌchin gulsah loh biaꞌñih gaduhbi nin rziaꞌñihrun tin ayi sah tu loh nacahyi, laasii laꞌh bwiinn nin rzah loh nacahyi nin ayi gaann ba canehza guzee ba.

San Juan 12:46

pwihsi naꞌh ziga naan biaꞌñih loh guidxyiyuh riiꞌ, zeꞌldahn tin garaa raꞌ bwiinn raꞌ nin chechiistoꞌ raꞌ ñiꞌh naꞌh ayi dxiaꞌhan raꞌ ba loh nacahyi,

San Juan 13:34

Rñiꞌn dxyiꞌdxyi cuubi nin rnabwaꞌn guunn tu: Gantsiiꞌhi lasaaꞌ tu ziga tuhbi ziga stuhbi tu. Ziga nadziiꞌhizahn laꞌh tu, ziꞌchi za gantsiiꞌhi lasaaꞌ tu ziga tuhbi tu ziga stuhbi tu.

San Juan 8:12

Jesuhs guñiꞌ loh raꞌ bwiinn stuhbi rahbi Ñiꞌh: ―Naꞌh naan biaꞌñih xteenn guidxyiyuh; bwiinn nin dxieꞌnaꞌhla naꞌh zahpa ba biaꞌñih nin rudiꞌhi guelnabahan ya ayi chuu dxyih sah ba loh nacahyi.

Hechos 17:30

Dxiohs basaaꞌn Ñiꞌh bwiꞌhnn raꞌ bwiinn nin naa chiꞌhzi lligaaba raꞌ ba chieemparoo, per nnah xclaaꞌdzi Ñiꞌh garaatiiꞌ raꞌ bwiinn guidxyiyuh gusaguuꞌdzi stoꞌ raꞌ ba nee guchaꞌh za raꞌ ba xcostumbre raꞌ ba,

Hechos 26:18

Guixeꞌhlaꞌhn yiꞌh tin chegaluuꞌyi luꞌh xcweenta xchiꞌdxyiꞌhn loh raꞌ ba tin ayiru sah raꞌ ru ba loh nacahyi mejor loh llaꞌñih xteenn Dxiohs tin ayiru chezah gusaguiꞌhi bwiinndxaaba laꞌh raꞌ ba niꞌchin mahzi chenaꞌhla tu xneziuh zaꞌca Dxiohs. Ya yiꞌh guluuꞌyi luꞌh xchiꞌdxyiꞌhn laꞌh raꞌ ba tin gusiaꞌpitii Dxiohs xtuhlda raꞌ ba nee guicaꞌha za raꞌ ba cohsa zaꞌca nin gudiꞌhi Dxiohs laꞌh raꞌ bwiinn nin gaca xpwiinn Ñiꞌh, ya bwiinn raꞌ chi gaca raꞌ xpwiꞌnnahn laasii chechii stoꞌ raꞌ ba xchiꞌdxyiꞌhn” ―guñiꞌ Jesucristu loon.

Romanos 13:12

Laꞌh gueꞌla cagasiaꞌhan gahxu laꞌh biaꞌñih, niꞌchin nin cweezaa guidiꞌhnn raꞌ nuꞌh dziꞌn dxaaba nin rahca loh nacahyi tin guidxiaacu nuꞌh lahdxi jweerta xteenn biaꞌñih,

2 Corintios 8:9

laasii laꞌhtu ya nuꞌnbwaꞌ tu xa balahsa stoꞌ Daada Jesucristu laꞌhnuꞌh; laꞌh Ñiꞌh naa Ñiꞌh rricu pur nin caꞌha Ñiꞌh garaa xixteenn Dxiohs, per guhca Ñiꞌh ziga zi tuhbi bwiinn prohbitiiꞌ, tin ziꞌchi pur xcweenta Ñiꞌh gaapa tu garaa raꞌ nin nahpa Dxiohs nez dxibaaꞌ.

Efesios 5:8

Laꞌhtu cadxyih gubahan tu loh nacahyi xteenn duhlda, per nnah pur nin badzihn gahxu tu nezloh Jesucristu, niꞌchin baziaꞌñih Ñiꞌh loh xigaaba tu, niꞌchin gulguibahan zigazi bwiinn raꞌ nin rzah loh xquelñaꞌñih Jesucristu,

2 Timoteo 1:10

Per chin biꞌ Jesucristu tin basiaꞌpitii Ñiꞌh xtuhlda raꞌ nuꞌh loh guidxyiyuh riiꞌ, baluuꞌyiloh balaaca chiꞌh nin ralahsastoꞌ Dxiohs laꞌh raꞌ nuꞌh. Ya bañichiloh Jesucristu guelrnabwaꞌ xteenn guelguhchi, ya xchiꞌdxyi Ñiꞌh nin ruluuꞌyi xa riapitii duhlda baluuꞌyi guelnabahan, nee cun guelnabahan nin banaa para tuꞌpazi.

1 Pedro 1:21

Pur xcweenta Jesucristu, riachii stoꞌ tu xchiꞌdxyi Dxiohs, nin bacwaꞌhn laꞌh Ñiꞌh loh guelguhchi; badiꞌhi za Ñiꞌh guelrnabwaꞌ laꞌh Jesucristu, niꞌchin nin guyaꞌzi tu xchiꞌdxyi Dxiohs nee pur siguhra nin nahpa tu zicaꞌha tu guelnabahan nacuubi loh Dxiohs niꞌchin laꞌh chiꞌh zi Dxiohs zeenaꞌhla tu nnah.

1 Juan 3:23

Ya deeꞌ raꞌ naa dxyiꞌdxyi nin gunabwaꞌ Dxiohs gazoꞌbadxiahga nuꞌh: Chechii stoꞌ nuꞌh xchiꞌdxyi Ñiꞌh xcweenta Jesucristu, nee gantsiiꞌhi lasaaꞌ raꞌ nuꞌh ziga tuhbi ziga stuhbi raꞌ nuꞌh ziga gunabwaꞌ Dxiohs gaca.

1 Juan 4:11

Pwihsi bwiitsi lasaaꞌ raꞌn, sidela laꞌh Dxiohs rucaꞌh stoꞌ Ñiꞌh laꞌhnuꞌh ziꞌchi, ziꞌchi za laꞌhnuꞌh nahpa gacaꞌh stoꞌ lasaaꞌ raꞌ nuꞌh ziga tuhbi ziga stuhbi raꞌ nuꞌh.

1 Juan 4:21

LaꞌhÑiꞌh baniꞌhi Ñiꞌh dxyiꞌdxyi riiꞌ laꞌhnuꞌh: Bwiinn nin rucaꞌh stoꞌ ñiꞌh laꞌh Dxiohs neezaa laꞌh bwihtsi ba gucaꞌh stoꞌ.