San Juan 12:40 - Zapotec Yalálag: Diʼll danʼ nsaʼa yel nban

⁴⁰ Diosenꞌ beneꞌ nench nak akeꞌ ka beꞌnn lchole, naꞌ beneꞌ nench nak akeꞌ beꞌnn nak yichjraꞌlldaꞌo war. Naꞌ beneꞌ kaꞌ nench bi reꞌe akreꞌ, naꞌ bi llayakbeꞌe lo yichjraꞌlldaꞌo akeꞌn bi zejen danꞌ llroeꞌreꞌ leakeꞌn, naꞌ bi wayat akreꞌ, naꞌ bi wayoneꞌ leakeꞌ.

San Juan 12:40 Iomraidhean Croise

San Mateo 15:14

Waljechaze beꞌnn fariseo kaꞌ, le ka to beꞌnn lcholenꞌ nak akeꞌ, le to beꞌnn lchol kere wak koꞌreneꞌ nez ye to lwellj lchole, wa lljabix akeꞌ do lo broj chet kaꞌ.

San Marcos 4:12

Llonaꞌ kaꞌ nench gak kanꞌ ne xtiꞌll Diosenꞌ: laꞌkze wia akeꞌ bi gakbeꞌe akreꞌ bi danꞌ, laꞌkze yen akreꞌ bi chejnieꞌ akreꞌn, naꞌ bi wayat akreꞌ, naꞌ bi yeziꞌxhen Dios ke akeꞌ.

San Marcos 6:52

Le nna llon akeꞌ yel wan danꞌ bwaweꞌ beꞌnn gaꞌy mir kaꞌ, bi llejnieꞌ akyaꞌnnreꞌ, le nna nchole yichjraꞌlldaꞌo akeꞌn.

San Lucas 4:18

Spíritu ke Xanllonꞌ zorenen nadaꞌ, brejeꞌ nadaꞌ nench chixjweꞌraꞌ Diꞌll Wen keꞌen beꞌnn yaꞌch; bseꞌleꞌ nadaꞌ nench wayonaꞌ beꞌnn bi zo wen, naꞌ beꞌnn zo yaꞌche. Chixjweꞌraꞌ beꞌnn kaꞌ nzap daxiꞌon, Diosenꞌ yesreꞌe leakeꞌ, waxaꞌ rao beꞌnn lchole, wasraꞌ beꞌnn llsaꞌkziꞌ da xhinnjenꞌ leakeꞌ.

San Lucas 8:10

Naꞌ Jesúsenꞌ lleꞌe leakeꞌ: —Reꞌ, ba brej Diosenꞌ nench nnézere da bi bnneze beꞌnn bllaꞌa kanaꞌ, kanꞌ llnebiaꞌ Diosenꞌ, zan yezikre beꞌnn bi llejleꞌ, wsaꞌkrebraꞌ bi da kaꞌ weꞌrén akeꞌ diꞌlle. Laꞌkze wia akeꞌ, bi gakbeꞌe akreꞌ bi da kaꞌ; laꞌkze yen akreꞌ, naꞌ bi chejnieꞌ akreꞌn.

San Juan 12:39

Bi gok chejleꞌ akeꞌ, le kaꞌkzenꞌ bzoj da Isaíasenꞌ, bneꞌe:

San Juan 9:39

Naꞌll lle Jesúsenꞌ leꞌe: —Zaꞌa yellrio ni, nench wroeꞌn nonꞌ nap doꞌle, naꞌ nonꞌ bi nap doꞌle, naꞌ zadyenaꞌ nench beꞌnn kaꞌ bi llejnieꞌ, bill gak akeꞌ ka beꞌnn lchole, naꞌ zadyenaꞌ nench beꞌnn kaꞌ llak akreꞌ llejnieꞌ akreꞌ, gak akeꞌ ka beꞌnn nchole lo yichjraꞌlldaꞌo akeꞌn.

Hechos 15:3

Ke len naꞌ, beꞌnn kaꞌ lldop ll-llay llonliraꞌll Jesucristonꞌ llaꞌa Antioquíanꞌ, bseꞌl akeꞌ leakeꞌ Jerusalén naꞌ. Ka zjakeꞌn bde akeꞌ yell kaꞌ ganꞌ nziꞌi Fenicia, naꞌll ganꞌ nziꞌi Samaria. Lloeꞌrén akeꞌ beꞌnn kaꞌ diꞌll kanꞌ ba bachaꞌa yichjraꞌlldaꞌo beꞌnn kaꞌ bi nak beꞌnn Israel, ba llzenay akeꞌ ke Dios. Naꞌ beꞌnn kaꞌ nak leakeꞌ txhen naꞌ, llawé akreꞌ kwis ka llen akreꞌ kaꞌ.

Hechos 28:26

Byej jell beꞌnn kaꞌ: Da li yénere, naꞌ bi chejnieꞌkzere, da li reꞌtere, naꞌ bi gakbeꞌre bi danꞌ.

Hechos 3:19

Naꞌ nnaꞌ lewayate ke da xhinnjenꞌ nonrenꞌ, nench yeziꞌxhen Diosenꞌ keré, naꞌllenꞌ wzoeꞌ reꞌ nbaraz.

Romanos 9:18

Kaꞌn naken Dios naꞌ llayaꞌchraꞌlleꞌ kon no lleꞌnreꞌ, naꞌ lloneꞌ war lo yichjraꞌlldaꞌo kon no lleꞌnreꞌ, naꞌllenꞌ nak akeꞌ war bi llejleꞌ akeꞌ.