Apocalipsis 5:13 - Zapotec Yalálag: Diʼll danʼ nsaʼa yel nban

¹³ Naꞌ lekze benraꞌ yeolol beꞌnn zjallaꞌa yebánꞌ, naꞌ yellrio ni, naꞌ beꞌnn zjallaꞌa xhanre yellrio, naꞌ beꞌnn zjallaꞌa lo nisdaꞌo, lloeꞌ akeꞌ diꞌll ne akeꞌ: Lloeꞌraotoꞌ Dios beꞌnnenꞌ llia llnebiaꞌn, naꞌ beꞌnnenꞌ nake ka xhiꞌr daꞌo, napeꞌ yel baraꞌnn, naꞌ nakeꞌ beꞌnn zaꞌke. Naꞌ napeꞌ yel wak xhen kwis nnaꞌ, ren ke chnare.

Apocalipsis 5:13 Iomraidhean Croise

San Mateo 6:13

Naꞌ bi wsanraꞌlloꞌ netoꞌ yexjtoꞌ rao da xhinnjenꞌ, bkwas brekyiꞌll netoꞌ rao da xhinnjenꞌ. Le rweꞌn llnebiaꞌo, naꞌ napoꞌ yel wak, nakoꞌ beꞌnn zaꞌk xhen zejlikane. Kaꞌn gakchga.

San Lucas 2:14

¡Doweꞌrao Dios beꞌnn zo yebá! ¡Naꞌ beꞌnn kaꞌ llaꞌa rao yellrionꞌ, chaꞌa akchgueꞌ xhbab wen, naꞌ kaꞌ bibi wdil kweꞌ!

San Juan 1:29

Naꞌ bateyó breꞌe Juan naꞌ, zej Jesúsenꞌ ganꞌ zeꞌe naꞌ, naꞌll lle Juan naꞌ beꞌnn kaꞌ nao leꞌen: —Lewiá ke ganni zaꞌa beꞌnnenꞌ ba brej Diosenꞌ, nench yedkeꞌe xtoꞌl beꞌnnach. Beꞌnn ninꞌ nakeꞌ ka xhiꞌr daꞌo ba llot lliꞌo beꞌnn Israel, nench llaziꞌxhen Diosenꞌ ke xtoꞌl-llo.

Romanos 11:36

Le Dios naꞌn ba beneꞌ yeolol da de, beneꞌ da kaꞌ nench sieꞌ yel baraꞌnne. Ke len naꞌ llayaꞌl weꞌraollo Diosenꞌ ke chnare. Kaꞌn gakchga.

Romanos 16:27

Toze Diosenꞌ zaꞌk wxenraꞌll-llo, tozeꞌn napeꞌ yel siꞌn. Naꞌ bseꞌleꞌ Jesucristonꞌ gakreneꞌ lliꞌo, ke len naꞌ gonxhenlloeꞌ ke chnare. Kaꞌn gakchga.

Romanos 9:5

Beꞌnn gor brao kaꞌ bde kanaꞌ, gok akeꞌ xozxtaꞌo beꞌnn Israel kaꞌ. Naꞌ rao dialla ke akeꞌ naꞌn, braꞌ Cristo beꞌnnenꞌ bseꞌl Diosenꞌ. Le Lekzeꞌn nak Dios ke yeololte da de, naꞌ llayaꞌl weꞌraolloeꞌ ke chnare. Kaꞌn gakchga.

Efesios 3:21

Naꞌ lliꞌo lldop ll-llayllo llonliraꞌll-llo Xanllo Jesucristonꞌ, llayaꞌl gonllo xhen Diosenꞌ ke chnare. Kaꞌn gakchga.

Filipenses 2:10

nench naꞌ kat yen akreꞌ ra Xanllonꞌ, yeolol akeꞌ wzoa xhib akeꞌ raweꞌn, ka beꞌnn llaꞌa yebá, ren beꞌnn llaꞌa yellrio, naꞌ beꞌnn zjallaꞌa xhanre yellrio.

Colosenses 1:23

Naꞌ lliꞌo llayaꞌl sollo gonliraꞌll-llo Cristonꞌ, naꞌ gontezllo rez yellinllo ganꞌ llieꞌ naꞌ, kanꞌ bzeraꞌll-llo gak kello kanꞌ bzorao bzenayllo xtiꞌlleꞌn da nellte, naꞌllenꞌ bibi doꞌl kello de kat yellinllo rao Diosenꞌ. Naꞌ Diꞌll Wen keꞌen ba goslasen doxhen yellrio nench wzenay beꞌnnach len, naꞌ Diosenꞌ brejeꞌ nadaꞌ Pablo chixjweꞌraꞌn beꞌnne.

1 Timoteo 4:16

Naꞌ wiaꞌo kanꞌ so kwezoꞌ nench soteze soꞌo gonoꞌ kanꞌ lleꞌne Dios naꞌ, leskaꞌ soteze soꞌo wzejnieꞌroꞌ beꞌnne xtiꞌll Diosenꞌ kanꞌ naken. Naꞌ kaꞌn gonoꞌ nench gakrenen rweꞌ, naꞌ leskaꞌ gakrenen beꞌnn kaꞌ llzenay xtiꞌlloꞌn, nench naꞌ yerare rao da xhinnjenꞌ kate llin lla keré.

1 Pedro 4:11

Chaꞌ Diosenꞌ nonneꞌ kello chixjweꞌllo xtiꞌlleꞌn, naꞌ llayaꞌl chixjweꞌllon. Naꞌ chaꞌ nonneꞌ kello gakrenllo beꞌnne, llayaꞌl gakrén aklloeꞌ do yichj do raꞌll-llo, le kone Dios naꞌkzenꞌ llak llakrén aklloeꞌ. Kate bi da gonllo, gonllon ka gak Diosenꞌ xhen danꞌ bseꞌleꞌ Jesucristonꞌ kello. Zaꞌken gonlloeꞌ xhen zejlikane, naꞌ zaꞌken nnebieꞌ zejlikane. Kaꞌn gakchga.

1 Pedro 5:11

Llayaꞌl sollo gonlloeꞌ xhen ke chnare, le yaꞌnnenꞌ zaꞌke, naꞌ llnebiaꞌlleꞌ ka nollre. Kaꞌn gakchga.

Judas 1:25

Le toze Dios naꞌn, Leꞌen nakeꞌ beꞌnn siꞌn, naꞌ nakeꞌ beꞌnn wasrá kello. Nakeꞌ xan yeolol beꞌnnach, naꞌ billre da zjadé. Llayaꞌl gonxhenlloeꞌ ke chnare. Kaꞌn gakchga.

Apocalipsis 1:6

Naꞌllenꞌ ba brejeꞌ lliꞌo nnebiaꞌrenlloeꞌ, naꞌ gakllo ka to no bxoz, naꞌ sollo wxenraꞌll-llo Xanllo Diosenꞌ. Leꞌen gonllo xhen ke chnare, le zokzeꞌ llnebieꞌ ke chnare. Kaꞌn gakchga.

Apocalipsis 13:8

Naꞌ yeolol beꞌnn zjallaꞌa rao yellrio, beꞌnn bi nyoj ra akeꞌ leꞌ yich ke beꞌnn kaꞌ gaꞌt yel nban ke akeꞌ, bxenraꞌll akeꞌ bellenꞌ, le ka bxhe yellriote bzoj beꞌnnenꞌ nak ka xhiꞌr dao, ra yeolol beꞌnn nnezreꞌ gaꞌt yel nban zejlikane ke akeꞌ leꞌ yich keꞌen, leꞌe nakeꞌ xhiꞌr daꞌon basoꞌt akeꞌ.

Apocalipsis 5:1

Naꞌ breꞌraꞌ beꞌnnenꞌ llia llnebiaꞌn, kone neꞌe chaꞌwe naꞌ, noꞌxeꞌ to yich da ndoblol, naꞌ llop laꞌten nyoje ke rawe ke koꞌlle, naꞌ neyjten nyiꞌchen ren galle sey.

Apocalipsis 5:12

Naꞌ benraꞌ lloeꞌ akeꞌ diꞌll zillje, ne akeꞌ: Beꞌnnenꞌ nak ka xhiꞌr daꞌon, bzane kwineꞌ ni ke lliꞌo beꞌnnach, naꞌ zaꞌke wxenraꞌll-lloeꞌ, le Leꞌen llnebieꞌ doxhente, naꞌ yoꞌ rao neꞌe yeololte da zjadé. Nakeꞌ beꞌnn siꞌn war, naꞌ napeꞌ yel wak xhen. Llayaꞌle weꞌlloeꞌ yel baraꞌnne, naꞌ weꞌllo diꞌll nakeꞌ beꞌnn zaꞌke.

Apocalipsis 5:3

Naꞌ ni to nono llraꞌ wchache yich kaꞌ, ni yebá, ni yellrio ni, ni ganꞌ llaꞌa beꞌnn wat kaꞌ, ni to nono bllelkze wcheꞌzeꞌn, naꞌ wia akeꞌn akre naken.

Apocalipsis 5:6

Naꞌ breꞌraꞌ ganꞌ lliꞌ beꞌnnenꞌ llnebiaꞌ radj beꞌnn tap kaꞌ zjallia xirenꞌ, naꞌ kllol ganꞌ llaꞌa beꞌnn tapalloa kaꞌ (24). Breꞌraꞌ ka to xhiꞌr daꞌo banꞌ ba bet akeꞌ, ka xhiꞌr ba llia gall loze, naꞌ gall yejraobaꞌ. Naꞌ yejraobaꞌ gallenꞌ zejen zokze Spíritu ke Diosenꞌ doxhen yellrio, llonen kanꞌ neꞌe naꞌ.

Apocalipsis 5:9

Naꞌll bel beꞌnn kaꞌ to da kobe danꞌ neꞌe: Zaꞌkoꞌ jaxiꞌo yichenꞌ, naꞌ bxhoxhjoꞌ seyenꞌ nyiꞌchen naꞌ, le bzane yel nban koꞌo, bet akeꞌ rweꞌ. Brarj xchenoꞌ nench bnitraoꞌ da xhinnj ketoꞌ, nench naktoꞌ rallnaꞌa Dios, naktoꞌ beꞌnn wde wdere yell xhen, naꞌ wde wdere yell daꞌo, naꞌ wde wdere dialla ketoꞌ, naꞌ llaktoꞌ wde wdere diꞌll da de rao yellrio.

Apocalipsis 6:16

Naꞌ lle akeꞌ yaꞌ kaꞌ ren yej kaꞌ: —Lewkaꞌchga bdinnj, bixen wkwaꞌchen netoꞌ nench bi reꞌe Diosenꞌ netoꞌ, beꞌnnenꞌ llia llnebiaꞌn, nench ke gonn beꞌnnenꞌ nak xhiꞌr daꞌo da saꞌkziꞌtoꞌ.