Apocalipsis 21:6 - Zapotec Yalálag: Diʼll danʼ nsaʼa yel nban

⁶ Bayoll naꞌ bneꞌe nadaꞌ: —Ba gok da llayaꞌl gak. Nadaꞌ nakaꞌ ka tiꞌch diꞌll nelle, naꞌ naktiaꞌ ka tiꞌch diꞌll ga llayollen, ka to beꞌnn bxe bi da bxieꞌ, naꞌ wasyollteꞌn. Beꞌnne bile, nadaꞌ weꞌe nis da yeꞌjeꞌ danꞌ nsaꞌa yel nban, naꞌ bitbi saꞌkren.

Apocalipsis 21:6 Iomraidhean Croise

San Juan 4:10

Naꞌll lle Jesúsenꞌ Leꞌe: —Nadaꞌ niaꞌ kaꞌ: “Benn raꞌt nis yeꞌjaꞌ”, naꞌ chenak llayakbeꞌroꞌ danꞌ lleꞌne Diosenꞌ gonneꞌ rweꞌ, naꞌ wayakbeꞌroꞌ noxha nadaꞌ, naꞌ ba bnnabroꞌ nadaꞌ, naꞌ bennaꞌ rweꞌ nis danꞌ llonn yel nban zejlikane chenake.

San Juan 4:11

Naꞌ noꞌrenꞌ lleꞌe Leꞌe: —Beꞌnne, bi noꞌxoꞌ da gaꞌchoꞌn le nak bejenꞌ zitj. ¿Gaxha siꞌo nis danꞌ llonn yel nban naꞌ, neꞌo kaꞌ?

San Juan 4:14

Naꞌ noteze beꞌnne yeꞌjeꞌ nis danꞌ weꞌe nadaꞌ, chras bill bilkzereꞌ, le danꞌ weꞌe nadaꞌn gaken lo raꞌlldaꞌweꞌ ka to latje ga llraꞌ nis, nench gaꞌt yel nban zejlikane keꞌe.

Romanos 3:24

Naꞌ nllieꞌ Diosenꞌ lliꞌo, naꞌ kere bi chixhjlloeꞌn yekeꞌe doꞌl kellonꞌ, le Xanllo Jesucristonꞌ ba bnitraweꞌ bi da xhinnj kaꞌ benllo.

Romanos 8:32

Diosenꞌ bi blloneꞌ saꞌkziꞌ Xhiꞌnneꞌ Jesucristonꞌ, bzanreꞌ Leꞌe ni ke lliꞌo. Len naꞌ ba nnézello gonneꞌ lliꞌo yeolol biteze da yálljello.

1 Corintios 2:12

Naꞌ Dios naꞌ ba benneꞌ lliꞌo Spíritu keꞌe naꞌ, naꞌ bi naken ka danꞌ yoꞌ lo yichjraꞌlldaꞌo kon to beꞌnn llaꞌa rao yellrio ni, nench naꞌ nnézello ke da wen naꞌ ba benn Diosenꞌ lliꞌo.

1 Corintios 3:12

Llin da llonllo ke Cristonꞌ, llonen ka ke to beꞌnn ll-lep to zeꞌe rao ran yoꞌ. Wak goneꞌn de ya chaꞌo danꞌ nziꞌi oro, o de ya chaꞌo danꞌ nziꞌi plat, o de yej chaꞌo, o de yay, o de yixh, o de dod.

1 Corintios 3:21

Ke len naꞌ bi llayaꞌl gonre xhen da llroeꞌ llsede beꞌnnach, le yeolol bi da yoꞌ rao naꞌrenꞌ, yoꞌn nench gakrenen reꞌ.

1 Corintios 3:5

¿Noxha nakaꞌ nadaꞌ Pablo? Naꞌ ¿noxha nak Apolos naꞌ? Kon nakztoꞌ beꞌnn wen xchin Diosenꞌ. Naꞌ gokrentoꞌ reꞌ nench byejleꞌre ke Xanllo naꞌ, kanꞌ beꞌrentoꞌ reꞌ xtiꞌlleꞌn. Le Leꞌen brejeꞌ toto netoꞌ gontoꞌ danꞌ zeraꞌlleꞌ naꞌ.

Apocalipsis 1:11

Naꞌ golleꞌ nadaꞌ: —Nadaꞌ nakaꞌ ka tiꞌch diꞌll nelle, naꞌ nakaꞌ ka tiꞌch diꞌll ganꞌ llayollen, ka to beꞌnn lliarao, naꞌ naktiaꞌ ka beꞌnn za naore. Bzoj to leꞌ yich da ki reꞌroꞌn, naꞌ wseꞌloꞌn rao beꞌnn kaꞌ llaꞌa galle yell kaꞌ zjallaꞌa ganꞌ nbane Asia, ganꞌ lladop ll-llay beꞌnn kaꞌ llonliraꞌll nadaꞌ, yell kaꞌ nziꞌi Éfeso, Esmirna, Pérgamo, Tiatira, Sardis, Filadelfia, naꞌ Laodicea.

Apocalipsis 1:17

Naꞌll ka breꞌreꞌn, byalaꞌ xhnieꞌn bacholraꞌlltiaꞌ. Naꞌll bli neꞌe chaꞌwenꞌ bxoeꞌn yichjaꞌ, naꞌ neꞌe: —Bi lleboꞌ. Nadaꞌ nakaꞌ ka beꞌnn lliarao, naꞌ naktiaꞌ ka beꞌnn za naore.

Apocalipsis 1:8

“Nadaꞌ nakaꞌ ka tiꞌch diꞌll nelle, naꞌ ka tiꞌch diꞌll ga llayollen, ka to beꞌnn bxe bi da bxieꞌ, naꞌ wasyollteꞌn.” Ka ne Xanllo Diosenꞌ beꞌnnenꞌ nap yel wak xhen naꞌ, beꞌnn zokze, naꞌ ba zokzeꞌ kanꞌ bi nna xe yellrionꞌ, naꞌ zokzeꞌ ke chnare.

Apocalipsis 10:6

Naꞌll bneꞌe, da li wak kanꞌ bne Dios beꞌnnenꞌ zo ke chnare, beꞌnnenꞌ ben yebá, naꞌ yeolol da llia leꞌ yebá naꞌ, naꞌ beneꞌ yellrio, naꞌ yeolol da zjaniꞌt rawe naꞌ, beneꞌ nisdaꞌo, naꞌ yeolol ba llaꞌa lo nisdaꞌo, naꞌ da zjaniꞌt loe naꞌ. Naꞌ bneꞌe: —Bill llere Diosenꞌ goneꞌ bi da kaꞌ lleꞌnreꞌ goneꞌ naꞌ.

Apocalipsis 16:17

Naꞌll jararj angl wgallenꞌ danꞌ yoll lo leo keꞌen rao lla, naꞌll benraꞌ bnne Diosenꞌ latj laꞌyenꞌ zillje, ganꞌ zoeꞌ lloeꞌrao akeꞌ Leꞌe yebá ganꞌ llieꞌ naꞌ, bneꞌe: —Ba gok da llayaꞌl gak.

Apocalipsis 22:13

Nadaꞌ nakaꞌ ka tiꞌch diꞌll nell, naꞌ naktiaꞌ ka tiꞌch diꞌll ganꞌ llayollen, nadaꞌ nakaꞌ ka to beꞌnn bxe bi da bxieꞌ, naꞌ wasyollteꞌn, naꞌ naktiaꞌ ka to beꞌnn zej raote, naꞌ ka beꞌnn zej xhante.

Apocalipsis 22:17

Naꞌ Spíritu ke Diosenꞌ, naꞌ leskaꞌ lliꞌo nxenraꞌll-llo Jesúsenꞌ, llelloeꞌ: —Le yobte yedoꞌ. Naꞌ beꞌnnenꞌ llenenꞌ, nneꞌe: —Dachga. Naꞌ beꞌnnenꞌ llbilraꞌlleꞌ, yedchgueꞌ, naꞌ noteze beꞌnn lleꞌnreꞌ, yeꞌjchgueꞌ nis danꞌ lloeꞌ yel nban zejlikane, naꞌ bibi saꞌkren.

Apocalipsis 3:14

’Naꞌ ki wzojoꞌ beꞌnnenꞌ bseꞌlaꞌ, lloeꞌ xtiꞌllaꞌ ren beꞌnn kaꞌ lldop ll-llay llonliraꞌll nadaꞌ ganꞌ nziꞌi Laodicea: “Llonaꞌ nench llak kanꞌ zeraꞌll Diosenꞌ, lloaꞌa diꞌll li da naken. Nakaꞌ txhen ren Diosenꞌ kanꞌ bxhe yellriote, naꞌ llepaꞌ reꞌ:

Apocalipsis 7:17

Le beꞌnnenꞌ nak ka xhiꞌr daꞌo naꞌ, zeꞌe rao Diosenꞌ kllole ganꞌ llieꞌ llnebieꞌ naꞌ, naꞌ Leꞌen llwia llyi leakeꞌ, wcheꞌe leakeꞌ ganꞌ llraꞌ nis danꞌ nsaꞌa yel nban zejlikane, naꞌ Dios naꞌ goneꞌ nench bill raꞌ nis rao ake.