Apocalipsis 19:2 - Zapotec Yalálag: Diʼll danʼ nsaʼa yel nban

² Le yel koxchis keꞌen naken da li. Ba bchoybieꞌ kweyiꞌ yell brao naꞌ danꞌ nak ka to noꞌr reꞌe naꞌ, le naꞌn zjallaꞌa beꞌnn kaꞌ bkoꞌyele beꞌnn llaꞌa doxhen yellrio, nench bi bzoa akeꞌ xtiꞌll Diosenꞌ. Ba bchoybieꞌ kweyiꞌ beꞌnn Babilonia kaꞌ, llayaꞌl saꞌkziꞌ akeꞌ danꞌ bet akeꞌ beꞌnn kaꞌ bxenraꞌll Leꞌe.

Apocalipsis 19:2 Iomraidhean Croise

Apocalipsis 15:3

Naꞌ lloeꞌxhen akeꞌ Dios llol akeꞌ to da bsede da Moisésenꞌ beꞌnn Israel kaꞌ, beꞌnnenꞌ ben xchin Dios kanaꞌ. Leskaꞌ llol akeꞌ to da naken da bsede xhiꞌr daꞌo leakeꞌ, nen: Xa, Dios, yeolol danꞌ benoꞌ ren yel wak xhen koꞌo naꞌ, naken da wen kwis, naꞌ da nak zi yebánello. Yeolol danꞌ llonoꞌn zejen lixheje, naꞌ naken da zaꞌke. Rweꞌn llnebiaꞌo yeolol yell kaꞌ.

Apocalipsis 18:20

Naꞌ reꞌ llaꞌre yebánꞌ, leyewé, reꞌ bseꞌl Diosenꞌ gokre postl keꞌe, naꞌ reꞌ bseꞌleꞌ beꞌre xtiꞌlleꞌn, naꞌ yezikre reꞌ nak beꞌnn keꞌe, leyewé le Dios naꞌ ba bchoyraweꞌ kweyiꞌ beꞌnn kaꞌ bsaꞌkziꞌ reꞌ.

Apocalipsis 18:3

Kweyiꞌn, le beꞌnn kaꞌ llaꞌa yell Babilonia naꞌn, le bkoꞌyel akreꞌ beꞌnn zjallaꞌa yeolol yell ak, naꞌ gok akeꞌ ka beꞌnn bzollreꞌ, le benrén akeꞌ leakeꞌ txhen rao da xhinnj ke akeꞌ. Naꞌ beꞌnn wnebiaꞌ llaꞌa yellrio ben akeꞌ da llawé xpeꞌr akeꞌ ren beꞌnn Babilonia kaꞌ, naꞌ beꞌnn kaꞌ lloꞌt bi da lloꞌt, gok akeꞌ beꞌnn wniaꞌ, le beꞌnn Babilonia kaꞌ benditje akreꞌ da goꞌt ke akeꞌ.

Apocalipsis 6:10

Naꞌ beꞌnn wat kaꞌ bnne akeꞌ zillje, ne akeꞌ: —Xa Dios, rweꞌ nakoꞌ beꞌnn nak laꞌy kwis, naꞌ llontezoꞌ kon kanꞌ bneꞌo naꞌ. ¿Batxhanꞌ gonoꞌ yel koxchis ke beꞌnn kaꞌ zjallaꞌa yellrionꞌ, beꞌnn kaꞌ bet netoꞌ naꞌ? ¿Batenꞌ wasaꞌkziꞌ akoeꞌ danꞌ brarj akeꞌ xchentoꞌ naꞌ?